Theneehead-1

   Vol:17                                                                                                                               11.10.2018

அக்குறணை வெள்ளிப் பிரச்சினைக்கு தீர்வுகாண விசேட செயலணி

அக்குறணையில் ஏற்படும் வெள்ளப் பிரச்சினைக்கு நிரந்தரத் தீர்வு காணும் நோக்கில் இன்று புதன்கிழமை (10) பாராளுமன்றத்தில் நடைபெற்ற கூட்டத்தில் அமைச்சுக்கள், திணAkurana Flood Meeting 1ைக்களங்கள் அதிகாரிகள் மற்றும் சிவில் அமைப்புகளின் பிரதிநிதிகள் உள்ளடங்கிய விசேட செயலணி உருவாக்கப்பட்டுள்ளது.

மழை காலங்களில் அக்குறணை பிரதேசத்தில் ஏற்படும் வெள்ளப்பெருக்கு பிரச்சினைக்கு நிரந்தர தீர்வுகாணும் நோக்கில் இன்று புதன்கிழமை (10) பாராளுமன்ற கட்டிடத் தொகுதியில் ஸ்ரீலங்கா முஸ்லிம் காங்கிரஸ் தலைவர் அமைச்சர் ரவூப் ஹக்கீம் தலைமையில் அமைச்சர்களான எம்.எச்.ஏ. ஹலீம், கபீர் ஹாசீம்  ஆகியோரின் பங்குபற்றுதலுடன் அரச நிறுவனங்களின் பிரதிநிதிகள் கலந்து கொண்டு இவ்விடயம் தொடர்பாக ஆராய்ந்தனர்.

முறையற்ற பாலங்களும் கட்டிடங்களும் அமைத்திருப்பதானாலும் ஆறுகளின் மேலாக நிர்மாணிக்கப்பட்டுள்ள பாலங்கள் போதியளவு உயரத்தில் நிர்மாணிக்கப்படாமல் இருப்பதனாலும் வெள்ளப்பெருக்கு ஏற்படுவதாக அடையாளம் காணப்பட்டன.

இதுதவிர, உரிய காலங்களில் அங்குள்ள ஆறுகளிலிருந்து மண் அகழப்படாமை, ஆறுகளில் கழிவுப் பொருட்களை கொட்டுதல் போன்ற காரணங்களினால் நீர் வழிந்தோடும் பாதைகள் மூடப்பட்டுள்ளதால் இலகுவில் வெள்ளப்பெருக்கு ஏற்படும் காரணிகளாக கூறப்பட்டன.

நகர திட்டமிடல்  மற்றும்  நீர் வழங்கல்  அமைச்சு, தபால் சேவைகள் மற்றும் முஸ்லிம் கலாசார அமைச்சு, நெடுஞ்சாலைகள் மற்றும் வீதி அபிவிருத்தி அமைச்சு, உள்ளூராட்சி மற்றும் மாகாண சபைகள் அமைச்சு ஆகிவற்றுடன் பேராதனை பல்கலைக்கழகம், அனர்த்த முகாமைத்துவ மத்திய நிலையம், மாகாவலி அதிகாரசபை, நீர்ப்பாசனத் திணைக்களம் , நில அளவைகள் திணைக்களம், நகர அபிவிருத்தி அதிகார சபை, அக்குறணை பிரதேச செயலகம், அக்குறணை பிரதேச சபை, பூஜாப்பிட்டிய பிரதேச சபை, தாழ்நில அபிவிருத்தி கூட்டுத்தாபனம் மற்றும் பிரதேச சிவில் அமைப்புகள் என்பவற்றின் பிரதிநிதிகளை உள்ளடக்கிய விசேட செயலணி ஒன்று இதற்காக அமைக்கப்பட்டுள்ளது.

இந்த செயலணி இப்பிரதேசத்திலுள்ள மக்களின் ஒத்துழைப்பை பெற்று மேற்கொள்ளப்படவுள்ள பணிகள் மற்றும் செயற்பாடுகள் தொடர்பான திட்ட வரைபொன்றை உருவாக்கி அதற்குத் தேவையான நிதியுதவியை பெற்றுக் கொள்வதற்கு அமைச்சரவைப் பத்திரமொன்றை சமர்ப்பிக்கும்.

இந்த கலந்துரையாடலில் நகர திட்டமிடல் மற்றும் நீர் வழங்கல் அமைச்சின் செயலாளர் டி.ஜி.எம்.வி. ஹப்புஆரச்சி, அமைச்சின் மேலதிக செயலாளர் ஏ.சி.எம். நபீல், அமைச்சர்களின் பிரத்தியேக செயலாளர்கள், அக்குறணை பிரதேச செயலாளர் மாதவ வர்ணகுலசூரிய, பிரதேச சபை தலைவர் இஸ்திஹார் இமாமுதீன், வீதி அபிவிருத்தி அதிகார சபை தலைவர் எஸ். விஜயபால, அனர்த்த முகாமைத்துவ நிலையத்தின் அவசர செயற்பாடுகளுக்கான பணிப்பாளர் பிரிகேடியர்  டபிள்யூ.ஏ. ஆரியரத்தன, அனர்த்த கட்டுப்பாட்டு பணிப்பாளர் அனோமா ரசாஞ்சலி உட்பட  பிரதேச அமைப்புகளின் பிரமுகர்களும் இதில் கலந்துகொண்டனர்.

ஊடகப்பிரிவு
ஸ்ரீலங்கா முஸ்லிம் காங்கிரஸ்