Theneehead-1

   Vol:17                                                                                                                               16.12.2018

ஜனநாயகம் மற்றும் சட்டத்தின் ஆட்சி வீழ்ச்சி அடையும் போதெல்லாம் சிங்கள மக்களை விடவும் அதிகம் பாதிப்டைவது  சிறுபான்மையினரே!  சுமந்திரன் பா.உ

இலங்கையின் நாடாளுமன்றம் கலைக்கப்பட்டமை 19ம் திருத்தச் சட்டத்திற்கு விரோதமானது என 16 பேர் தாக்கல் செய்த வழக்குகளின் தீர்ப்பு நேற்றைய நாள் வெளி வsumanthiran2ந்த நிலையில் அந்த வழக்குகளில் ஒரு சட்டத்தரணியாக தோன்றிய  ஜனாதிபதி சட்டத்தரணியும் நாடாளுமன்ற உறுப்பினருமான ம.ஆ.சுமந்திரனுடனான   ஓர் செவ்வி.  செவ்வி கண்டவர் ந.லோகதயாளன்.  ஜனாதிபதிக்கு எதிராக வழக்குத் தொடரமுடியாது. ஆனால் நாடாளுமன்றில் நம்பிக்கை இல்லாத் தீர்மானம் கொண்டுவர முடியும். அவ்வாறு  ஜனாதிபதிக்கு எதிராக நம்பிக்கை இல்லாத்  தீர்மானத்தைக் கொண்டுவருவதற்கு பல காரணங்கள்  உண்டு.  அதில் ஒன்று ஜனாதிபதி அரசியல் யாப்பினை வேண்டுமென்றே அல்லது தெரிந்தே  மீறினார் என்பதன் அடிப்படையிலேயே கொண்டு வர முடியும். இங்கே தற்போது ஜனாதிபதி அரசியல் யாப்பினை மீறினாரா,  இல்லையா என்ற சந்தேகத்திற்கு அப்பால்  மிகத் தெளிவாக யாப்பிற்கு எதிராகச் செயல்பட்டார் என உச்ச நீதிமன்றமே தீர்ப்பளித்து விட்டது. இதன் அடிப்படையில்  ஜனாதிபதிக்கு எதிராக நாடாளுமன்றில் நம்பிக்கை இல்லாத் தீர்மானத்தை முன்கொணர்ந்தால் அதன்போது அரசியல் யாப்பை மீறினாரா இல்லையா என்ற வாதமே அவசியம் இல்லாது போய்விடும்.    (மேலும்)  16.12.18

_______________________________________________________________________

பொதுத் தேர்தல் இல்லாமல் பிரதமர் பதவி தேவையில்ல

-   மஹிந்த ராஜபக்ஷ

பொதுத் தேர்தல் ஒன்று இல்லாமல் பிரதமர் பதவியில் இருக்கும் தேவை தனக்கில்லை என்று மஹிந்த ராஜபக்ஷ கூறியுள்ளார்.Mahinda R  ஜனாதிபதி அடுத்தகட்ட நடவடிக்கையை எடுப்பதற்கு வசதியாகவே தான் பிரதமர் பதவியை இராஜினாமா செய்ததாக அவர் கூறியுள்ளார். தனது பதவி விலகல் குறித்து ஊடகங்களுக்கு விடுத்துள்ள விஷேட அறிக்கை மூலம் அவர் இந்த விடயத்தைக் கூறியுள்ளார். அந்த அறிக்கையில் மேலும் கூறப்பட்டுள்ளதாவது, பெப்ரவரி 10ம் திகதி உள்ளூராட்சி மன்ற தேர்தலின் பின்னர் மக்களுக்கு பொதுத் தேர்தல் ஒன்றை பெற்றுக் கொடுப்பதே எமது இலக்காக இருந்தது.பொதுத் தேர்தல் இன்றி பிரதமராக பதவி வகிக்கும் எதிர்பார்ப்பு இல்லை என்பதாலும் தீர்மானங்கள் எடுக்கும் போது ஜனாதிபதிக்கு இடையூறு ஏற்படாதிருப்பதற்கும் தான் பிரதமர் பதவியில் இருந்து விலகி புதிய அரசாங்கம் ஒன்றை அமைப்பதற்கு ஜனாதிபதிக்கு வழிவிடுவதாக அவர் கூறியுள்ளார்.    (மேலும்)  16.12.18

_______________________________________________________________________

கிளிநொச்சியிலும் விலைபோகும் மருத்துவத்துறை.  சட்ட நடவடிக்கை எடுக்குமாறு பொது மக்கள் கோரிக்கை

கிளிநொச்சியின் குறிப்பிட்ட சில சுற்றயல் வைத்தியசாலைகளை இலக்கு வைத்து வலைவீசும் மருத்துவ மாபியாக்களின் கைகளில் மருத்துவர்கள் சிலர் உளmed.fraud்ளிட்ட சுகாதாரத்துறைப் பணியாளர்கள் சிலர் வீழந்துள்ளமை குறித்து தகவல்கள் வெளியாகியுள்ளன.  குறிப்பாக முழங்காவில் ஆதார வைத்தியசாலைக்குச் செல்லும் நோயாளர்கள் மேலதிக சிகிச்சைக்காக  கிளிநொச்சி வைத்தியசாலைக்கு அனுப்பப்படாது, வைத்தியர் ஒருவரால் யாழ்ப்பாணத்தில் உள்ள பிரபல தனியார் வைத்தியசாலைக்கு நேரடியாக அனுப்பி வைக்கப்படுவதாக பொதுமக்கள் விசனம் தெரிவிக்கின்றனர். இவ்வாறு அனுப்பிவைக்கப்படும் பொதுமக்கள் வேண்டுமென்றே இரண்டு அல்லது மூன்று வைத்திய நிபுணர்களால் பார்வையிடப்பட்டு (ஒவ்வொரு பார்வையிடலுக்கும் தனிக் கட்டணம், பரிசோதனைகளுக்கு புறம்பான கட்டணம்) இறுதியில் பெருந்தொகைக்கு அத்தனியார் வைத்தியசாலையிலேயே சிகிச்சை பெறுமாறு நிர்ப்பந்திக்கப்படுவதாகவும் பாதிக்கப்பட்ட தரப்பினர்களால் தெரிவிக்கப்பட்டுள்ளது.     (மேலும்)  16.12.18

_______________________________________________________________________

மட்டக்களப்பின் இளவரசர் காசிநாதர் உயிர் நீத்தாராமே!

- பஸீர் சேகுதாவூத்

அண்மையில் 93 ஆவது வயதில் மறைந்த நிமிர்ந்த ஆசான், முன்னாள் மட்டக்களப்பு மாவட்ட நாடாளுமன்ற உறுப்பினர் கனவான் பிறின்ஸ் காசிநாதர் ஐயா அbpவர்களின் நினைவாக, 27 வருடங்களுக்கு முன்னர் தம்பி கலாநிதி அலவி சரீப்தீனுடைய திருமண நிகழ்வில் எடுத்துக்கொண்ட நிழற் படத்தை இங்கு பதிவிடுகிறேன்.  இடது மூலையில் புன்சிரிப்போடு அமர்ந்திருப்பவர் இளம் வயதில் இறந்து போன முன்னாள் நாடாளுமன்ற உறுப்பினர் தோழர் இம்மானுவேல் சில்வா ஆகும்.பிறின்ஸ் காசிநாதர் நாடாளுமன்ற உறுப்பினராக இருந்த காலத்தில் ஐரோப்பிய நாடொன்றில் இடம் பெற்ற மாநாடொன்றில் கலந்து கொள்வதற்காக இலங்கையைப் பிரதிநிதித்துவப்படுத்திச் சென்ற குழுவின் உறுப்பினர்களில் ஒருவராகச் சென்றிருந்தார்.மாநாட்டு மேடையில் Prince என்று எழுதப்பட்ட ஒரு விசேட கதிரையில் மிகவும் மரியாதையாக அழைத்துச் சென்று காசிநாதர் இருத்தப்பட்டாராம். கூட்ட ஏற்பாட்டாளர்கள் Prince என்ற பெயரின் காரணமாக இவரை ஒர் இளவரசர் என்று நம்பினராம். எழுந்து வரும்போது ஏற்பாட்டாளர்களிடம் "நான் பெயரில் மட்டும்தான் Prince அரச குடும்பத்தைச் சேர்ந்தவனல்ல" என்று கூறினாராம் நமது மட்டக்களப்பின் பிறின்ஸ். இக்கதையை ஒரு நாள் அவரே என்னிடம் கூறிக் கலகலவெனச் சிரித்தார்.     (மேலும்)  16.12.18

_______________________________________________________________________

3 கோடி ரூபா பெறுமதியான கொகெய்ன் போதைப் பொருளுடன் ஒருவர் கைது

சுமார் 30 மில்லியன் ரூபா பெறுமதியுடைய கொகெய்ன் போதைப் பொருளை கடத்தி வந்த நபர் ஒருவர் கட்டுநாயக்க விமான நிலையத்தில் வைத்து இன்று கைது செய்யப்பட்டுள்ளார். நைஜீரியாவில் இருந்து டோஹா ஊடாக இலங்கைக்கு வந்த கினியா பிசாவு நாட்டைச் சேர்ந்த 28 வயதுடைய ஒருவரே இவ்வாறு கைது செய்யப்பட்டுள்ளார்.இன்று காலை விமான நிலைய போதைப் பொருள் தடுப்பு சுங்க அதிகாரிகளால் கைது செய்யப்பட்ட சந்தேகநபரிடமிருந்து 2.006 கிலோகிராம் நிறையுடைய கொகெய்ன் போதைப் பொருள் கண்டெடுக்கப்பட்டுள்ளது.தனது பயணப் பொதியில் இவற்றை மறைத்து கடத்தி வந்துள்ளதாக விமான நிலைய அதிகாரிகள் தெரிவிக்கின்றனர்.சம்பவம் தொடர்பில் மேலதிக விசாரணைகள் இடம்பெறுகின்றன.

 

எதிர்வரும் ஆண்டின் முதல் 4 மாதங்களில்  நாட்டில் மருத்துகளுக்கு தட்டுப்பாடு ஏற்படும் அவதானம்

எதிர்வரும் ஆண்டின் முதல் 4 மாதங்களில் நாட்டில் மருந்துகளுக்கு தட்டுப்பாடு ஏற்படுவதற்கான சந்தர்ப்பங்கள் இருப்பதாக சுகாதார அமைச்சு தெரிவித்துள்ளmedicineது. ஸ்திரமற்ற அரசியல் காரணமாக மருந்துகளை இறக்குமதி செய்வதற்கான நிதி ஒதுக்கங்கள் செய்யப்படாதமை காரணமாக இந்த நிலை உருவாகியுள்ளதாக தெரிவிக்கப்பட்டுள்ளது. கடன் அனுமதிப் பத்திரங்கள் விடுவிக்கப்பட்டு அதற்கான செயன்முறைகள் பின்பற்றப்பட்டதின் பின்னரே இலங்கைக்கான மருந்துகள் உற்பத்தி செய்யப்படுகின்றன.கடன் அனுமதிப் பத்திரங்களை விடுவிப்பதற்கு போதுமான நிதி இல்லாமையே மருந்து விநியோகம் தாமதமாவதற்கு காரணம் என சுகாதார அமைச்சு குறிப்பிட்டுள்ளது.இதேவேளை, கொழும்பில் நேற்று இடம்பெற்ற ஊடக சந்திப்பொன்றில் கருத்து வெளியிட்டிருந்த அரச மருத்துவ அதிகாரிகள் சங்கத்தினர், சுகாதார அமைச்சராக ராஜித்த சேனாரத்னவை நியமிக்க வேண்டாம் என ஜனாதிபதியிடம் கோரிக்கை விடுத்தனர்.

_______________________________________________________________________

சிங்கள பௌத்த இனவாதத்தை கையிலெடுக்கின்றார் மகிந்த


மனித உரிமை செயற்பட்டாளர் சுனந்த தேசப்பிரிய

மகிந்த ராஜபக்ச தனது பதவி விலகல் குறித்து தெளிவுபடுத்தி வெளியிட்டுள்ள அறிக்கையில் காணப்படும் கருத்துக்கள் அவர் தீவிர சிங்கள பௌத்த பிரச்சாரத்திற்கு தயாராவதை வெளிப்படுத்தியுள்ளதாக மனித உரிமை செயற்பட்டாளர் சுனந்த தேசப்பிரிய தெரிவித்துள்ளார்  மகிந்த ராஜபக்ச தனது அறிக்கையில் 103 ஆசனங்களை மாத்திரமே கொண்டுள்ள ஐக்கியதேசிய கட்சியை தமிழ் தேசிய கூட்டமைப்பு தனது கட்டுப்பாட்டின் கீழ் கொண்டுவந்துள்ளது பணயக்கைதியாகியுள்ளது என குறிப்பிட்டுள்ளார். தமிழ்தேசிய கூட்டமைப்பு சொல்வதை  ஐக்கியதேசிய கட்சி செவிமடுக்காவிட்டால் ஐக்கியதேசிய கட்சி பாராளுமன்ற பெரும்பான்மையை இழக்கவேண்டிவரும் என மகிந்த ராஜபக்ச தெரிவித்துள்ளார்.  பாராளுமன்றத்தை இயக்கும் கருவி தமிழ் தேசிய கூட்டமைப்பிடமே உள்ளது என மகிந்த ராஜபக்ச குறிப்பிட்டுள்ளார்.        (மேலும்)  16.12.18

_______________________________________________________________________

ஐக்கிய தேசிய முன்னணியின் சத்தியாக்கிரக போராட்டம் நிறைவு

ஐக்கிய தேசிய முன்னணி மற்றும் சிவில் அமைப்புக்கள் இணைந்து நடத்திய சத்தியாக்கிரக போராட்டம் நிறைவடைந்துள்ளது.ஒஜனநாயகத்தை பாதுகாப்போம்ஒ என்ற தொனிப் பொருளில் சுமார் 50 நாட்களாக இந்த சத்தியாக்கிரக போராட்டம் கொழும்பு விகாரமகா தேவி பூங்காவில் இடம்பெற்று வந்தது.பாராளுமன்றத்தை கலைக்க தீர்மானித்ததானது, அரசியலமைப்புக்கு எதிரானது என்று உச்ச நீதிமன்றம் தீர்ப்பு வழங்கியதையடுத்து இந்த சத்தியாக்கிரக போராட்டம் கைவிடப்பட்டதாக சிவில் அமைப்புக்கள் கூறியுள்ளன.

_______________________________________________________________________

அன்றும் இன்றும் - அங்கம் 01 

பொறுப்புள்ள மனிதரின் தூக்கத்தினால் பல பொன்னான வேலைகளும் தூங்குதப்பா!

                                                                                       ரஸஞானி

உலகம் தோன்றிய காலத்திலிருந்து பார்ப்போமேயானால்,  வனாந்தmy3ரமயமாதல், பாலைவனமயமாதல், வறட்சிமயமாதல், வெப்பமயமாதல், கிராமமயமாதல், நகரமயமாதல் முதலான  பரிணாம வளர்ச்சியும்,  இவை தொடர்பான சிந்தனையும் மேலோங்கியிருந்தன. கடந்துவிட்ட  சில நூற்றாண்டுகளிலிருந்து பார்த்தால் உலகமயமாதலும் பேசுபொருளாகிவிட்டது. இதற்கு  தேசங்கள் பலியாகியிருப்பதை காணமுடிகிறது.  சமூகத்தில், மதங்களில், நோய் உபாதைகளில், வெகுஜன அமைப்புகளில், உள்நாட்டு மற்றும் உலக அரசியலில் மாற்றங்கள் தோன்றிக்கொண்டே இருக்கின்றன. அன்று நாம் வாழ்ந்த வாழ்க்கை இன்றில்லை. இன்று நாம் அனுபவிக்கும் வாழ்க்கை அன்றிருக்கவில்லை.  "கல்தோன்றி மண்தோன்றாக்காலத்திற்கு முந்திய இனம் தமிழினம்" என்று தொடர்ச்சியாக ஒரு வாய்ப்பாடாகவே சொல்லிவருகிறார்கள். எம்மத்தியில் முன்னர் வாழ்ந்த ஈழத்தின் மூத்த எழுத்தாளர் - "எஸ்.பொ. " என நன்கு அறியப்பட்ட எஸ்.பொன்னுத்துரை,  ஒரு சந்தர்ப்பத்தில், " இந்த மூத்த தமிழ்க்குடிமக்கள், கல்தோன்றி மண்தோன்றாக்காலத்திற்கு முன்னர் பிறந்திருந்தால், மலம் கழிப்பதற்கு எங்கு சென்றார்கள்...? " என்று அங்கதமாகக்கேட்டார்.    (மேலும்)  15.12.2018

_______________________________________________________________________

ஆழமான அரசியல் சகதிக்குள் சறுக்கிச் செல்லும் இலங்கை


ஜனாதிபதி மைத்திரிபால சிறிசேன கடந்த அக்டோபர் பிற்பகுதியில் பிரதமர் பதவியிலிருந்து ரணில் விக்கிரமசிங்கவை நீக்கிவிட்டு அலரின் இடத்துக்கு முன்னranil-mahinda-maithiri-620x263ாள் ஜனாதிபதி மகிந்த ராஜபக்சவை நியமித்ததை அடுத்து மூண்ட அரசியல் நெருக்கடியில் இலங்கை பல திருப்பங்களையும் நெளிவு சுழிவுகளையும் கண்டுவிட்டது.  விக்கிரமசிங்கவை மீண்டும் பிரதமராக நியமிக்கவேண்டும் என்று கோரும் தீர்மானம் கடந்த புதன்கிழமை பாராளுமன்றத்தில் பெரும்பான்மை வாக்குகளினால் நிறைவேற்றப்பட்டிருக்கிறது.ஆனால், பாராளுமன்றத்தில் போதுமான ஆதரவு இல்லாதபோதிலும் கூட ராஜபக்ச பதவியை இறுகப்பற்றிப் பிடித்ததுக்கொண்டேயிருக்கிறார். சபைக்குள் பெரும்பான்மைப் பலம் இல்லாத ராஜபக்சவும் அவரது நேசக் கட்சிகளும் பாராளுமன்றத்தைப் பகிஷ்கரித்துவருகின்றார்கள்.அதேவேளை ஜனாதிபதி சிறிசேன பிரதமர் பதவியை  விக்கிரமசிங்கவுக்கு  மீண்டும் ஒருபோதும் கொடுக்கப்போவதில்லை என்ற நிலைப்பாட்டில் உறுதியாக நிற்கிறார்.வியாழக்கிழமை இலங்கை உச்சநீதிமன்றம் பாராளுமன்றத்தை கடந்த மாத ஆரம்பத்தில் கலைத்து புதிய தேர்தலுக்கு உத்தரவிட்ட சிறிசேனவின் நடவடிக்கை அரசியலமைப்புக்கு முரணானது என்று தீர்ப்பு வழங்கியிருக்கிறது.    (மேலும்)  15.12.2018

_______________________________________________________________________

தமிழர்- முஸ்லிம் அரசியல் ஐக்கியம் காலத்தின் கட்டாயம்

                                                    கலாநிதி அமீர் அலி
 ( மேர்டொக் பல்கலைக்கழகம், மேற்கு அவுஸ்திரேலியா)

(தமிழர்- முஸ்லிம் என்ற பெயர்கொண்டு இந்நாட்டின் இரு சிறுபான்மை இனங்களையும் அழைப்பதில் எனக்குப் பிரச்சினையுண்டு. தமிழர் என்பது ஓர் இனத்தின் பெயDr.Ameer Aliர். முஸ்லிம் என்பது ஒரு மதத்தைப் பின்பற்றுபவர்களின் பெயர். இலங்கை முஸ்லிம்களின் இனப் பெயரென்ன? இந்தச் சர்ச்சையை நான் ஏற்கனவே வேறோரிடத்தில் விளக்கியுள்ளேன். ஆதலால் தமிழர்-முஸ்லிம் என்ற பெயர்களை வசதிக்காக இங்கு கையாளுகின்றேன்)   கடந்த சில வாரங்களாக நாட்டில் நடக்கும் அரசியல் சூதாட்டம் வெறுமனே கட்சிகளுக்கிடையேயும், ஆளும் கட்சிக்கும் ஜனாதிபதிக்கிடையேயும், நடைபெறும் அதிகாரப் போரட்டம் மட்டுமல்ல, அதற்கெல்லாம் மேலாக ஜனநாயகத்துக்கும் சர்வாதிகாரத்துக்குமிடையே நடக்கும் ஒரு ஜீவமரணப் போராட்டம். இந்தப் போராட்டம் இன்று வரை முற்றுப்பெறாது தொடர்வதற்குக் காரணம் பாராளுமன்றத்தில் தமிழர், முஸ்லிம் அங்கத்தவர்களுள் பெரும்பான்மையினர் ஜனநாயகம் நிலைக்க வேண்டுமென்ற தமது கொள்கையில் விடாப்பிடியாக நின்றமையாகும்   (மேலும்)  15.12.2018

_______________________________________________________________________

பிரதமர் பதவியை ராஜிநாமா செய்கிறார் ராஜபக்ஷ - நாமல் பரபரப்பு அறிவிப்பு

பி.பி.சி

பிரதமர் பதவியிலிருந்து மஹிந்த ராஜபக்ஷ ராஜிநாமா செய்யவுள்ளதாக, அவரின் மகனும் நாடாளுமன்ற உறுப்பினருமான நாமல் ராஜபக்ஷ தெரிவித்துள்ளார்.namal Rajapakha   நாட்டின் ஸ்திரத்தன்மையினை உறுதிப்படுத்துவதற்காகவே, அவர் தனது பதவியை ராஜிநாமா செய்யவுள்ளார் எனவும் நாமல் குறிப்பிட்டுள்ளார். தனது 'ட்விட்டர்' பக்கத்தில் இந்த தகவலை அவர் வெளியிட்டுள்ளார். நாட்டு மக்களுக்கு நாளை உரையாற்றிய பின்னர், மஹிந்த ராஜபக்ஷ தனது பிரதமர் பதவியை ராஜிநாமா செய்வார் என நாமல் குறிப்பிட்டுள்ளார். எவ்வாறாயினும், மஹிந்த ராஜபக்ஷ பிரதமர் பதவியை வகிப்பதற்கு மேன்முறையீட்டு நீதிமன்றம், இடைக்கால தடையுத்தரவொன்றினை பிறப்பித்துள்ளமை குறிப்பிடத்தக்கது. கடந்த 03ஆம் தேதி இந்த இடைக்கால தரையுத்தரவு பிறப்பிக்கப்பட்டது.    (மேலும்)  15.12.2018

_______________________________________________________________________

தீவுகளுக்களுக்கான பயணிகள் படகுசேவைகளில் ஈடுபடும் படகுகளின் தரம் மற்றும் கடல்போக்குவரத்துக்கான தகுதி குறித்த கலந்துரையாடல்

தீவுகளுக்களுக்கான பயணிகள் படகுசேவைகளில் ஈடுபடும் படகுகளின் தரம் மற்றும் கடல்போக்குவரத்துக்கான தகுதி சான்றிதழ்களை வழங்குவதற்கGovernor151218ு ஏற்ற நடவடிக்கைகளை எடுக்குமாறு அதிகாரிகளுக்கு ஆளுநர் பணித்துள்ளார். எழுவைதீவு அனலை தீவு உள்ளிட்ட தீவுகளுக்கு இடையில் போக்குவரத்தில் ஈடுபட்டுவந்த எழுதாரகை படகின் சேவைகள் இடைநிறுத்தப்பட்டுள்ளமை சம்பந்தமாக ஆராய்யும் விசேட கூட்டம் ஆளுநர் அலுவலகத்தில் நேற்று மாலை நடைபெற்றது. இங்கு கருத்து தெரிவித்த உள்ளுராட்சி ஆணையாளர் பற்றிக்டிறஞ்சன் குறித்த எழுதாரகை படகினை பராமரிப்பு செய்வதற்கு போதுமான வருமானம் கிடைக்கவில்லை அதற்காக பல இலட்சம் ரூபாவினை வருமானத்திற்கு மீறி செலவு செய்கின்றோம். அதனால் அதன் சேவையினை தொடர்ந்து மேற்கொள்வதற்கு இயலாமை ஏற்பட்டுள்ளது. இதற்கு மாற்று வழி ஒன்றினை ஏற்படுத்தவேண்டும் என ஆளுநரிடம் தெரிவித்தார்.     (மேலும்)  15.12.2018

_______________________________________________________________________

பச்சிலைப்பள்ளி பிரதேச சபையின் வரவு செலவு திட்டம்  தோற்கடிக்கப்பட்டுள்ளது.

கரைச்சி பிரதேச சபையின் வரவு செலவு திட்டம்  தங்க முலாம் பூசப்பட்ட வெடிகுண்டு - எதிர்தரப்பு உறுப்பினர் ரஜினிகாந்

கிளிநொச்சி பச்சிலைப் பள்ளி பிரதேச சபையின் வரவு செலவு திட்டம் இன்று(14 ஒரு வாக்கினால்   தோற்கடிக்கப்பட்டுள்ள்து.vasantharuban#    இன்றைய தினம் பிற்பகல் இரண்டு மணிக்கு  இடம்பெற்ற விசேட அமர்வில்  பச்சிலைப்பள்ளி பிரதேச சபையின் 2019 ஆம் ஆண்டுக்கான வரவு செலவு திட்டம்  சமர்பிக்கப்பட்டு விவதாங்கள் இடம்பெற்றது.  விவாதத்தை தொடர்ந்து வரவு செலவு திட்டத்திற்கான வாக்கெடுப்பு நடைப்பெற்றது. இதன் போது தவிசாளர் உட்பட  ஆறு உறுப்பினர்கள் ஆதரவாகவும், சுயேட்சைக் குழுவின் நான்கு உறுப்பினர்களும், தமிழ்த்தேசிய மக்கள் முன்னணி, சிறிலங்கா சுதந்திர கட்சி, ஈபிடிபி  ஆகிய  கட்சிகளின்  ஏழு உறுப்பினர்கள் எதிர்த்து வாக்களித்துள்ளனர். இதனால் வரவு செலவு திட்டம் ஒரு வாக்கினால் தோற்கடிக்கப்பட்டுள்ளது.  குறித்த வரவு செலவுத்திட்டம் தோற்கடிக்கப்பட்ட விடயம் தொடர்பில் பச்சிலைப்பள்ளி பிரதேச  மக்கள் கவலையடைத் தேவையில்லை     (மேலும்)  15.12.2018

_______________________________________________________________________

இடைக்கால தடை உத்தரவை நீக்குவதற்கு மறுப்புத் தெரிவித்தது உச்ச நீதிமன்றம்

மஹிந்த ராஜபக்ஷவின் பிரதமர் பதவி மற்றும் அமைச்சரவை செயற்படுவMahindaதற்கு விதிக்கப்பட்ட இடைக்கால தடை உத்தரவுக்கு எதிராக தடையுத்தரவு விதிக்க உச்ச நீதிமன்றம் ஒரு மனதாக மறுப்புத் தெரிவித்துள்ளது. மஹிந்த ராஜபக்ஷவின் பிரதமர் பதவி மற்றும் அமைச்சரவை செயற்படுவதற்கு எதிராக கடந்த 03ம் திகதி மேன்முறையீட்டு நீதிமன்றம் இடைக்கால தடை உத்தரவு பிறப்பித்தது. ஐக்கிய தேசிய கட்சியின் தலைவர் ரணில் விக்ரமசிங்க உள்ளிட்ட 122 பாராளுமன்ற உறுப்பினர்கள் இணைந்து தாக்கல் செய்த மனுவை விசாரித்த மேன்முறையீட்டு நீதிமன்றம் இந்த உத்தரவை பிறப்பித்தது.  இதனையடுத்து மேன்முறையீட்டு நீதிமன்றத்தால் விதிக்கப்பட்ட இடைக்கால தடை உத்தரவை நீக்குமாறு கோரிக்கை விடுத்து மஹிந்த ராஜபக்ஷவால் உச்ச நீதிமன்றத்தில் விஷேட மேன்முறையீட்டு மனு ஒன்று தாக்கல் செய்யப்பட்டது.   (மேலும்)  15.12.2018

_______________________________________________________________________

 கடக்க முடியாத காலக் குறிப்புகள்

-     கருணாகரன்

அதிகாலையில் எழுந்து மின்னஞ்சலைத் திறந்தால் கவிஞர் சேரனுடைய உரையொன்றின் இணைப்பை நண்பர் ஒருவர் அனுப்பியிருந்தார். கனடாவில் நடந்த நிகழ்வkarunakaran141218ொன்றில் ஊடகத்துறையினருடைய பொறுப்புகளைப் பற்றி சேரன் ஆற்றிய உரை அது.   1980 களின் முற்பகுதியில் 'சற்றடே றிவியு' என்ற ஆங்கிலப்பத்திரிகையில் தான் பணியாற்றிய அனுபவங்களையும் அந்தப் பத்திரிகைக்குப் பொறுப்பாக இருந்த காமினி நவரட்ன ஊடகவியலாளர்களுக்கு இருக்க வேண்டிய அடிப்படையான பொறுப்புணர்வு மற்றும் அறிவு பற்றியும் கூறியதைச் சேரன் சொல்கிறார்.இதைக் கேட்டபோது மெல்லிய சிரிப்பு வந்தது. 1980 களிலேயே ஊடகத்துறையின் மீதான நெருக்கடிகள், அழுத்தங்கள், செல்வாக்குச் செலுத்துதல்களைப் பற்றிய விளக்கத்தை 24 வயதுடைய இளைஞரான சேரனுக்கு அவர் ஊடகத்துறையில் சேரவந்தபோது காமினி நவரட்ன விளக்கியிருக்கிறார்.  இதற்குப் பிறகு ஏறக்குறைய முப்பத்தைந்து ஆண்டுகள் கடந்து விட்டன. ஆனால், நிலைமையில், சூழலில் எந்த முன்னேற்றமும் இல்லை. 'சற்றடே றிவியு' பத்திரிகையும் இன்றில்லை. அதை உருவாக்கிய கந்தசாமியும் இல்லை. அதன் ஆசிரியப்பொறுப்பிலிருந்த சிவநாயகம், காமினி நவரட்ண ஆகியோரும் இல்லை. உதவி ஆசிரியாக இருந்த ஏ.ஜே. கனகரட்ணாவும் இல்லை. சேரன் புலம்பெயர்ந்து கனடாவில் வாழ்கிறார.  (மேலும்)  14.12.2018

_______________________________________________________________________

உயர் நீதிமன்ற தீர்ப்பு

பாராளுமன்றத்தை கலைப்பதற்காக ஜனாதிபதி வெளியிட்ட வர்த்தsrilanka supreme courtமானி அறிவித்தலுக்கு எதிராக உயர் நீதிமன்றில் தாக்கல் செய்யப்பட்டுள்ள மனுக்கள் மீதான தீர்ப்பு சற்று முன்னர் அறிவிக்கப்பட்டுள்ளது.   இதனடிப்படையில் பாராளுமன்றத்தை நான்கரை வருடங்களுக்கு முன்னர் ஜனாதிபதியினால் கலைக்க முடியாது என உயர் நீதிமன்றம் தீர்ப்பு வழங்கியுள்ளது. பிரமத நீதியரசர் நளின் பெரேரா உட்பட எழுவர் அடங்கிய நீதிபதிகள் குழுவினால் ஏகமனதாக இந்த மனுக்கள் மீதான தீர்ப்பு வழங்கப்பட்டுள்ளது.   குறித்த மனுக்கள் தொடர்பான விசாரணை டிசம்பர் 4 ஆம் திகதி முதல் 7 ஆம் திகதி வரையில் இடம்பெற்றது. அதனடிப்படையில் குறித்த மனுக்கள் பிரதம நீதியரசர் நளின் பெரேரா உள்ளிட்ட பிரியந்த ஜயவர்த்தன, பிரசன்ன ஜயவர்தன, சிசிர டி ஆப்ரு, விஜித் மாலல்கொட, புவனேக அலுவிஹாரே மற்றும் முர்து பெர்னாண்டோ ஆகிய ஏழு நீதியரசர்கள் குழாம் முன்னிலையில் விசாரணைக்கு எடுத்துக் கொள்ளப்பட்டன.   இதன்போது ஜனாதிபதியின் தீர்மானம் அரசியலமைப்பு முரணானது என தீர்ப்பு வழங்கப்பட்டுள்ளது.   (மேலும்)  14.12.2018

_______________________________________________________________________

படித்தோம் சொல்கின்றோம்:

  "சிப்பிக்குள் முத்து "

கி. லக்‌ஷ்மணன் அய்யாவின் நூற்றாண்டு வெளியீடு
மெல்பனில் ஞாயிறன்று ( 16-12-2018) வெளியீட்டு விழா

                                                                                        முருகபூபதி

" படைப்பாளிகளையும் பத்திரிகையாளர்களையும் கல்வித்துறை சார்ந்த  ஆசிரியர்கள், விரிவுரையாளர்கள், பேராசிரியர்கள் மற்றும்     பதிப்புத்துsippiறையில்  இருப்பவர்களையும் மிரட்டிக்கொண்டிருக்கும் ஒரு  பிசாசு இருக்கிறது. கண்களுக்குத் தெரியும் பிசாசுதான்! ஆனால், எப்படியோ   கண்களுக்குத்தப்பிவிடும்! எங்கே எப்படி காலை வாரிவிடும்  என்பதைச் சொல்லமுடியாது.    மானநட்ட  வழக்கிற்கும் தள்ளிவிடும் கொடிய இயல்பு இந்தப்பிசாசுக்கு  இருக்கிறது. அதுதான் அச்சுப்பிசாசு. மொழிக்கு ஆபத்துவருவதும்  இந்தப்பிசாசினால்தான். 1990 ஆம் ஆண்டு மறைந்த எங்கள் கல்விமான்  இலக்ஷ்மணன் அய்யாவை நினைக்கும் தருணங்களில் அவர் ஓட ஓட விரட்டிய  இந்த அச்சுப்பிசாசுதான் எள்ளல்  சிரிப்போடு கண்முன்னே  தோன்றுகிறது."   இவ்வாறு சில வருடங்களுக்கு முன்னர் எனக்குத் தெரிந்த இலக்கிய ஆளுமைகள் பற்றிய தொடரில் பெரியார் இலக்‌ஷ்மணன் அவர்களைப்பற்றிய பதிவின் தொடக்கத்தில் எழுதியிருந்தேன்.அண்மையில் எனக்கு கிடைத்துள்ள  அய்யா எழுதியிருக்கும் "சிப்பிக்குள் முத்து" நூலை படிக்கின்றபோது அவர் நேரில் தோன்றி உரையாற்றுவதுபோன்ற உணர்வுதான் வருகிறது. (மேலும்)  14.12.2018

_______________________________________________________________________

முட்கொம்பன் சந்தைக்கு வெளியில் மரக்கறி வியாபாரம்  பாதிக்கப்பட்டுள்ள  சந்தை வியாபாரிகள்

பூநகரி  முட்கொம்பன் சந்தைக்கு வெளியில் உள்ள வியாபார நிலையங்களில் மரக்கறிகள் விற்பனை செய்யப்படுவதனால் தாம் பெரிதும் பாதிக்கப்பட்டுள்ளதாக  சந்தை வியாபாரிகள் தெரிவித்துள்ளனர்.  சந்தைக்குள் மூன்று மரக்கறி வியாபாரிகள்  விற்பனை நடவடிக்கைகளில் ஈடுப்பட்டு வந்துள்ளனர். இவர்களின் இருவர் அன்மையில் தங்களது வியாபாரத்தை நிறுத்தியுள்ள நிலையில் ஒருவர் மாத்திரம் விற்பனை நடவடிக்கைகளில் ஈடுப்பட்டு வருகின்றார். இவரும் தொடர்ந்தும் வியாபாரத்தை கொண்டு செல்ல முடியாத நிலையில் காணப்படுகின்றார்.  காரணம் சந்தைக்கு வெளியில் சில பல்பொருள் வியாபார நிலையங்களில் மரக்கறிகள் விற்பனை செய்யப்படுவதால் பொது  மக்கள் சந்தைக்குள் வருவதில்லை எனத் தெரிவிக்கப்படுகிறது. எனவே பூநகரி பிரதேச சபையினர் இது தொடர்பில் உரிய நடவடிக்கை மேற்கொள்ள வேண்டும் எனவும் அவர்கள் கோரியுள்ளனர்.இது தொடர்பில் பூநகரி பிரதேச சபையின் தவிசாளர் ஐயம்பிள்ளை அவர்களை தொடர்பு கொண்டு வினவிய போது குறித்த விடயம் தனது கவனத்திற்கு கொண்டு வரப்பட்டுள்ளது. இது தொடர்பில்  சந்தைக்கு வெளியில் மரக்கறி விற்பனையில் ஈடுபடுகின்ற இரண்டு வர்த்தகர்களுக்கு  அதனை நிறுத்துமாறு அறிவித்தல் விடுத்த போதும் அவர்கள் இதுவரை அதனை  மேற்கொள்ளவில்லை எனவே உடனடியாக அவர்களுக்கு கடிதம் மூலம் மரக்கறி வியாபாரத்தை நிறுத்துமாறு  அறிவிக்கப்படும். எனத் தெரிவித்தார்.

_______________________________________________________________________

தொடர்புகள் துண்டிக்கப்படும்  ஆபத்தில் பழைய ஊற்றுப்புலம் பழைய குடியிருப்பு

கிளிநொச்சி கரைச்சி பிரதேசத்தில் ஊற்றுப்புலம்  பழைய குடியிருப்புக்கான பிரதான பாதை துண்டிக்கப்படும்  ஆபத்தில் காணப்படுகிறது.  இந்தப் பிரதேசத்திற்கoottupulamும் மாவட்டத்திற்குமான  ஒரேயொரு  பாதையான காணப்படும் ஊற்றுப்புலம் பிரதான பாதையின்  இரண்டு பாலத்திற்கு இடைப்பட்ட பகுதி நீரினால் அரிக்கப்பட்டு  நீரில் மூழ்கும் ஆபத்தில் காணப்படுகிறது. புதுமுறிப்பு குளம் புனரமைக்கப்பட்டு உயர்த்தப்பட்டு நீர் கொள்ளளவு அதிகரிக்கப்பட்டநிலையில்  குளத்தின்  பின்பகுதியான ஊற்றுப்புலம் பிரதேசத்தில் நீர் நிறைந்து காணப்படுகிறது.  இந்த நீரேந்து பகுதியை ஊடறுத்து பழைய குடியிருப்புக்கான பாதை  உள்ளது.  இந்தப் பாதையிலேயே பாதிப்பு ஏற்பட்டுள்ளது. குறித்த பாதை துண்டிக்கப்படும் பட்சத்தில் ஊற்றுப்புலம் கிராமத்தின் பழைய குடியிருப்பில் வாழும் நூற்றுக்கணக்கான மக்கள் மாவட்டத்துடனான தொடர்புகள் துண்டிக்கப்படும் ஆபத்து ஏற்படும் என அச்சம் வெளியிடப்பட்டுள்ளது.எனவே உடனடியாக உரிய தரப்பினர் விரைந்து நடவடிக்கையினை மேற்கொள்ளுமாறும் பொது மக்கள்  அவரச வேண்டுகோள் விடுத்துள்ளனர்.

_______________________________________________________________________

ஐக்கிய தேசிய கட்சியுடன் எவ்வித ஒப்பந்தத்திலும் கைச்சாத்திடவில்லை


தான் ஐக்கிய தேசிய கட்சியின் தலைவருடன் எவ்வித ஒப்பந்தத்திலும் கைச்சாத்திடவில்லை என எதிர்க்கட்சித்தலைவர் இரா. சம்பந்தன் தெரிவித்துள்ளார்.அறிக்கை ஒன்றை வெளியிட்டு அவர் இதனை தெரிவித்துள்ளார்.குறித்த அறிக்கையில், ஐக்கிய தேசிய கட்சியின் தலைவர் ரணில் விக்ரமசிங்கவும் தமிழ் தேசிய கூட்டமைப்பின் தலைவரான நானும் ஒரு ஒப்பந்தம் செய்துள்ளதாக ஆவணம் ஒன்று வெளிவந்துள்ளதாக அறிய முடிகிறது. குறித்த ஆவணமானது வேண்டுமென்றே உண்மைக்கு புறம்பாக வெளியிடப்பட்டுள்ளதாகவும் அவர் குறித்த அறிக்கையில் குறிப்பிட்டுள்ளார்.

_______________________________________________________________________

ஐக்கிய தேசிய முன்னணியின் ஆதரவாளர்கள் மற்றும் லேக்ஹவுஸ் ஊழியர்களுக்கிடையில் மோதல்

உயர்நீதிமன்ற தீர்ப்பின் பின்னர் நீதிமன்ற வளாகத்திற்கு முன்னால் ஐக்கிய தேசிய முன்னணியின் ஆதரவாளர்கள் தமது வெற்றியை பட்டாசு வெடித்து கொண்டாடியிருந்தனர்.பின்னர் குறித்த ஆதரவாளர்களில் சிலர் லேக்ஹவுஸ் நிறுவனத்திற்கு முன்னால் வந்து அங்கு வைக்கப்பட்டிருந்த மகிந்த ராஜபக்ஸவின் பதாதையை அகற்ற முயற்சித்த போது அங்கிருந்த ஊழியர்களுடன் மோதல் ஏற்பட்டுள்ளது.

_______________________________________________________________________

அபாயகரமான முன்னுதாரணம்: உச்ச நீதிமன்றம் மற்றும் பாராளுமன்றக் கலைப்பு

                                           எஸ்.ஐ.கீதபொன்கலன்

பாராளுமன்றத்தைக் கலைத்து ஜனாதிபதி சிறிசேன மேற்கொண்ட பிரDr.-S.-I.-Keethaponcalanகடனத்தை ஏற்றுக்கொள்ளாத அமைப்புகள் அதற்குச் சவால்விடுத்து உச்ச நீதிமன்றிடம் வழங்கிய வழக்கு ஒப்பீட்டளவில் மிகவும் இலகுவான ஒரு வழக்கு. அது ஒரு இலகுவான வழக்கு என்பது எதனாலென்றால் அரசியலமைப்புக்கு இறுதியாக மேற்கொள்ளப்பட்ட திருத்தம் (19) வெளிப்படையாகத் தெரிவிப்பது, பாராளுமன்றம் முதல் கூடிய திகதியில் இருந்து முதல் நான்கரை வருடங்கள் முடியும் வரை ஜனாதிபதியினால் பாராளுமன்றத்தைக் கலைக்க முடியாது என்று.  என்னைப் போன்ற பலரும் எதிர்பார்த்தது உச்சநீதிமன்றம் அதன் முதல் விசாரணையிலேயே விரைவான ஒரு தெளிவான தீர்ப்பை வழங்கும் என்று, ஏனென்றால் வழக்கின் எளிதான தன்மையின் காரணத்தால். அமைப்பின் நல்லொழுக்கம் மற்றும் ஸ்திரத்தன்மை என்பனவற்றை மீட்டெடுப்பதற்கு விரைவான ஒரு தீர்ப்பை வழங்குவதே நீதியானது என்று கருதப்பட்டது.  ஆனால் நீதிமன்றம் அதை ஏற்றுக்கொள்ளவில்லை. முதலில் அது முடிவை டிசம்பர் 7ந் திகதிக்குப் பின்போட்டது மற்றும் வழக்கை விசாரிப்பதற்கு விரிவான நீதியரசர்களைக் கொண்ட ஒரு மன்றினை உருவாக்கியது.  (மேலும்)  13.12.2018

_______________________________________________________________________

மக்களின் பகுத்தறிவை  இழிவுசெய்யும் அதிகாரம்.

சுகு-ஸ்ரீதரன்

இலங்கை தெற்காசியாவின் சுவிற்சலாந்து -பல்லுயிரியல் பாங்குடையது இந்துசமுத்திரத்தின் முத்து எனவும் வாணிக்கப்படுவது!sritharan-11  ஆனால் சமூக பாதுகாப்பு பொருளாதார உறவுகள் இங்கு தலைகீழானவை. வாழ்வு அலங்கோலமானது இந்தநாட்டு மக்கள்  இன மதரீதியான பதட்டங்கள் மத்தியிலேயே வாழ்கிறர்கள்.கிராமப்புறமக்கள் -நகாப்புற கொல்லைப்புறங்கள ;சேரிகளில் மலையகலயன் காம்பராக்களில் வாழ்வோரின் நிலையில்  குறிப்பிடத்தகுந்த மாற்றங்கள் எதுவும் நிகழ்திருக்கின்றனவா? நீர் ,போசாக்கு, சுகதாரம், வீடு, நிலம் ,கல்வி, பொதுபோக்குவரத்து, பாதை,கண்ணியமான பாதுகாப்பானவேலை,  இதரசமூகபாதுகாப்பு எவ்வாறுள்ளன?அதிகாரம் மக்கள் சார்ந்ததாக  இருக்கிறதா? இன உறவுகள் -வர்க்க ஏற்றதாழ்வுகள் எவ்வளவு தூரம் பொருட்படுத்தப்பட்டிருக்கின்றன.பரம்பரை வாரிசுகளின் அரசியல் அதிகாரம் ,ஊழல் ,இராணுவவாதம,; இனவாதம், மதவாதம,; ஏக -எல்லலையற்ற அதிகாரம் -அதிகார துஸ்பிரயோகம் 22 மில்லலியன் இலங்கைமக்களில் ஒருசிலருக்கான பொருளதார சமூகசுதந்திரம் குறைந்தபட்ச கண்ணியமான வாழ்வு சாதாரண பெருவாரியான மக்களுக்குகனவே!   (மேலும்)  13.12.2018

_______________________________________________________________________

11 டிசம்பர்  2018

யாழ்ப்பாணத்தில் ஐனநாயகம் தொடர்பான மக்கள் கருத்தரங்கு

யாழ்ப்பாணப் பல்கலைக்கழக வரலாற்றுத்துறையின் முன்னாள் சிரேஷ்டவிரிவுரையாளர் திருமதி சோமேசசுந்தரி கிருஷ்ணகுமார் அவர்களின் நினைJaffnaSeminar2வாக ஐனநாயகம் தொடர்பான ஒருகலந்துரையாடல்  2018 ஆம்ஆண்டு டிசம்பர்மாதம் 9ஆம் திகதி யாழ்ப்பாணத்தில் உள்ள ட்ரிம்மர்மண்டபத்தில் இடம்பெற்றது.  இக்கலந்துரையாடலில் அக்கரைப்பற்று, கிளிநொச்சி, கண்டி மற்றும் கொழும்பு உட்பட நாட்டின் பல்வேறு பகுதிகளிலும் இருந்து செயற்பாட்டாளர்கள்,  மாணவர்கள்,  கல்வியாளர்கள், பத்திரிகையாளர்கள் மற்றும் பலரும் கலந்துகொண்டனர். இந்தக் கலந்துரையாடலின்போது தற்போது நாட்டில் ஏற்பட்டிருக்கும் அரசியல் நெருக்கடி மற்றும் அதன் வரலாற்றுத்தோற்றம், எதிர்காலத்தில் ஐனநாயகம் எவ்வாறு இருக்கவேண்டும் என்பவை தொடர்பாக விவாதிக்கப்பட்டது. தற்போதைய அரசியல் நெருக்கடியானது வெறுமனே அரசியல் தலைவர்களுக்கிடையிலானதோ அல்லது அரசியல்கட்சிகள் மற்றும் அரசின்முத்துறைகளான சட்ட, நிர்வாக, நீதித்துறைகளுக்கிடையிலான மோதல் இல்லை என்னும் கருத்துடன் இக்கலந்துரையாடலின் பங்கேற்பாளர்கள் உடன்பட்டனர்.    (மேலும்)  13.12.2018

_______________________________________________________________________

வவுனியா தமிழ் பிரதேசசபைக்கு உட்பட்ட பகுதிகளில் காணப்படும் பிரச்சினைகள் சம்பந்தமான கலந்துரையாடல்

வவுனியா தமிழ் பிரதேசசபைக்கு உட்பட்ட பகுதிகளில் காணப்படும் பிரச்சினைகள் சம்பந்தமான கலந்துரையாடல் ஒன்று ஆளுநர் அலுவலகத்தில் இன்று (12.12.20180 மgovernor-131218ாலை நடைபெற்றது. வவுனியா தமிழ் பிரதேசசபையின் தவிசாளராக தாம் நியமிக்கப்பட்ட காலம் முதல் பிரதேசபையின் பல தேவைகள் தொடர்பில் கோரிக்கைகள் பலவற்றினை முன்வைத்து கடிதம் எழுதிய போதும் இதுவரை அவை நிறைவு செய்யப்படவில்லை என சபையின் தவிசாளர் ரி.நடராஜசிங்கம் ஆளுநரிடம் தெரிவித்தார். தற்போது தங்களின் கரங்களில் அதிகாரங்கள் கிடைக்கப்பெற்றுள்ளமையால் இதனை நிறைவேற்றி தருவீர்கள் என்ற நம்பிக்கை தமக்கு இருப்பதாக தெரிவித்தார். குறிப்பாக எமது சபைக்கு பைக்கோ இயந்திரம் ஒன்று தேவையாக இருக்கின்றது   (மேலும்)  13.12.2018

_______________________________________________________________________

ரணில் விக்ரமசிங்க மீதான நம்பிக்கை வாக்கெடுப்பு வெற்றி

ஐக்கிய தேசிய கட்சியின் தலைவர் ரணில் விக்ரமசிங்க பிரதமராக பதவி வகிப்பதற்கு பாராளுமன்றத்தில் நம்பிக்கை இருப்பதாக தெரிவிக்கும் பிரேரணை பெரும்பான்மை வாக்குகளுடன் பாராளுமன்றத்தில் நிறைவேற்றப்பட்டுள்ளது. இந்த பிரேரணை மீதான வாக்கெடுப்புக்கு ஆதரவாக 117 வாக்குகள் கிடைத்திருந்தன. இந்த வாக்கெடுப்பின் போது தமிழ் தேசிய கூட்டமைப்பின் பாராளுமன்ற உறுப்பினர்கள் 14 பேர் ஆதரவாக் வாக்களித்ததுடன், மக்கள் விடுதலை முன்னணியில் உறுப்பினர்கள் வாக்கெடுப்பில் கலந்து கொள்ளவில்லை.சபாநாயகர் கரு ஜயசூரிய தலைமையில் பாராளுமன்ற அமர்வு இன்று (12) பகல் 1 மணிக்கு ஆரம்பமானது.இதன்போது பாராளுமன்ற உறுப்பினர் சஜித் பிரேமதாஸ பாராளுமன்றத்தில் இந்த பிரேரணையை சமர்பித்திருந்ததுடன், மங்கள சமரவீர ஆமோதித்து வழிமொழிந்தார்.எவ்வாறாயினும் இன்றைய பாராளுமன்ற அமர்வினையும் ஐக்கிய மக்கள் சுதந்திர கூட்டமைப்பினர் புறக்கணிக்கனித்திருந்தனர்.

_______________________________________________________________________

பிரான்ஸ் கிறிஸ்துமஸ் சந்தையில் துப்பாக்கிச் சூடு: 3 பேர் பலி


பிரான்ஸிலுள்ள கிறிஸ்துமஸ் சந்தையில் இளைஞர் நடத்திய துப்பாக்கிச் சூட்டில் 3 பேர் பலியாகினர்; 12 பேர் காயமடைந்தனர். இதுகுறித்து தகவல்கள் தெரிவிப்பதாவது: பstra-weinaிரான்ஸின் வட கிழக்கே அமைந்துள்ள ஸ்ட்ராஸ்பர்க் நகரில், கிறிஸ்துமஸ் பண்டிகைக்கான பொருள்களை விற்பனை செய்யும் புகழ் பெற்ற சந்தை இயங்கி வருகிறது. அந்தச் சந்தைக்கு செவ்வாய்க்கிழமை வந்த 29 வயது இளைஞர், உள்ளூர் நேரப்படி இரவு 8 மணிக்கு அங்கிருந்தவர்களை நோக்கி துப்பாக்கியால் சுட்டார். அதனைத் தொடர்ந்து வாடகைக் காரில் அவர் அங்கிருந்து தப்பிச் சென்றார்.அந்தத் தாக்குதலில் காயமடைந்த 2 பேர் உயிரிழந்ததாகவும், ஒருவர் மூளைச் சாவு அடைந்ததாகவும் புதன்கிழமை அறிவிக்கப்பட்டது.  மேலும், தாக்குதலில் 12 பேர் காயமடைந்தனர். அவர்களில் 6 பேர் ஆபத்தான நிலையில் உயிருக்குப் போராடி வருவதாக தகவல்கள் தெரிவிக்கின்றன.தேடுதல் வேட்டை: தாக்குதல் நடத்திவிட்டு தப்பிச் சென்ற இளைஞரைப் பிடிப்பதற்காக போலீஸார், சிறப்பு அதிரடிப் படையினர் உள்பட 350 பேர் தீவிர தேடுதல் வேட்டையில் ஈடுபட்டுள்ளதாக உள்துறை அமைச்சர் கிறிஸ்டோஃப் காஸ்டனெர் தெரிவித்தார்.   (மேலும்)  13.12.2018

_______________________________________________________________________

பிரதேச சபையின் சட்டத்திற்கு புறம்பான செயல்களை தொடர்ந்தும் பார்த்துக்கெண்டிருக்க முடியாது - உறுப்பினர் மோகன்ராஜ்

கரைச்சி பிரதேச சபையின் சட்டத்திற்கு புறம்பான செயற்பாடுகளை தொடர்ந்தும் பார்த்துக்கொண்டிருக்க முடியாது என சமத்துவம் சமூக நீதிக்கான மக்கள் அமைப்பின்  உறmohanrajுப்பினர் ஐயாத்துரை மோகன்ராஜ் தெரிவித்துள்ளார். கடந்த சில மாதங்களாக  சட்டத்திற்கும், சுற்று நிருபங்களுக்கும், நடைமுறைகளுக்கும் மாறாக பல விடயங்கள் சபையினால் மேற்கொள்ளப்பட்டு வந்துள்ளன. இதனை நாமும் பல தடவைகள் சுட்டிக்காட்டிய போதும் அவர்கள்  கவனத்தில் எடுப்பதாக தெரியவில்லை. எனவே இவ்வாறான செயற்பாடுகளை நாம் தொடர்ந்தும் பார்த்துக்கொண்டிருக்க முடியாது.  நாம் மக்களுக்கு பொறுப்புச் சொல்ல கடமைப்பட்டுள்ளோம். சபையும் மக்களுக்கு பொறுப்புக் கூறும் விடயத்தில் இருந்து தப்பிக்க முடியாது எனத் தெரிவித்த மோகன்ராஜ். சபையின் ஆளுகைக்குட்பட்ட பிரதேசங்களில் வியாபார நிலையங்கள் வழங்குதல். முச்சக்கர வண்டி உரிமையாளர்கள்  விடயத்தில் சபையின் செயற்பாடுகள், சபையினால் மேற்கொள்ளப்படுகின்ற அபிவிருத்தி நடவடிக்கைகள், சபையின் நிதிப் பயன்பாடு உள்ளிட்ட பல்வேறு விடயங்களில் கரைச்சி பிரதேச சபை  சட்டதிட்டங்களுக்கு புறம்பாக செயற்பட்டு வருகிறது.  எனவே இச் செயற்பாடுகள் தொடர்பில் இனியும் நாம் பொறுமையாக பார்த்துக்கொண்டிருக்க முடியாது. சபை மக்கள் நலன்சார்ந்து சட்டத்திட்டங்களுக்கு மதிப்பளித்து செயற்பாடுகளை முன்னெடுத்துச் செல்ல தவறும் பட்சத்தில்  நாம் மக்கள் மத்தியில் இவ்விடயங்களை வெளிப்படுத்த வேண்டிய நிலைமை ஏற்படும் எனவும் அவர் தெரிவித்தார்.

_______________________________________________________________________

தோட்ட தொழிலாளர்களை இலங்கை தொழிலாளர் காங்கிரஸ் காட்டிக்கொடுத்துள்ளதாக குற்றச்சாட்டு


பெருந்தோட்டத் தொழிலாளர்களை ஏமாற்றும் இலங்கை தொழிலாளர் காங்கிரஸ், தொழிலாளர்களின் போராட்டத்தையும் காட்டிக்கொடுத்துள்ளதாக தமிழ் முறprotest estate்போக்கு கூட்டணியின் இணைத் தலைவர்களுள் ஒருவரான பழனி திகாம்பரம் குற்றம் சுமத்தியுள்ளார்.  அலரி மாளிகையில் இன்று பிற்பகல் இடம்பெற்ற ஊடக சந்திப்பின்போதே அவர் இந்தக் குற்றச்சாட்டை சுமத்தியுள்ளார்.தமது அரசாங்கம் அமைக்கப்பட்டதன் பின்னர் தொழிலாளர்களுக்கு நியாயமான வேதனத்தை பெற்றுக்கொடுக்க நடவடிக்கை மேற்கொள்ளப்படும் என்றும் அவர் குறிப்பிட்டுள்ளார். இதேவேளை, இந்த ஊடக சந்திப்பில் கலந்து கொண்டு கருத்து வெளியிட்ட தமிழ் முற்போக்கு கூட்டணியின் மற்றுமொரு இணைத் தலைவர் வேலுசாமி இராதாகிருஷ்ணன், இலங்கை தொழிலாளர் காங்கிரஸ் ஜனாதிபதியை சந்தித்ததாக கூறியபோதும், அது தொடர்பில் ஊடகங்களில் புகைப்படமோ அல்லது காணொளியோ வெளியாகவில்லை என்று தெரிவித்துள்ளார்.     (மேலும்)  13.12.2018

_______________________________________________________________________

பேஸ்புக் நிறுவனத்திற்கு வெடிகுண்டு மிரட்டல்: காலி செய்யப்பட்ட அலுவலகங்கள்

லாஸ் ஏஞ்சலீஸ்: அமெரிக்காவின் கலிபோர்னியா மாகாணத்தில் அமைந்துள்ள பேஸ்புக் நிறுவன அலுவலகத்திற்கு வெடிகுண்டு மிரட்டல் விடுக்கப்பட்டதையடுத்து குறிப்பிட்ட சில அலுவலகங்கள் காலி செய்யப்பட்டதால் பரபரப்பு நிலவுகிறது. பிரபல சமூக வலைத்தளமான பேஸ்புக் நிறுத்திவனத்தின் தலைமையகமானது அமெரிக்காவின் கலிபோர்னியா மாகாணத்தில் உள்ள மென்லோ பார்க் பகுதியில் அமைநதுள்ளது. அந்த அலுவலகத்தில் வெடிகுண்டு வைக்கப்பட்டிருப்பதாக உள்ளூர் நேரப்படி செவ்வாயன்று மிரட்டல் வந்துள்ளது. இதைத் தொடந்து மென்லோ பார்க் பகுதி காவல்துறையிடம் புகார் செய்யப்பட்டதையடுத்து, சான் மேட்யோ பிரிவு வெடிகுண்டு சோதனை நிபுணர்கள் சம்பவ இடத்திற்கு விரைந்து சோதனையில் ஈடுபட்டதாக, காவல்துறை வட்டாரங்கள் உறுதி செய்தன. அதேபோல் பேஸ்புக் நிறுவன அலுவலகத்திற்கு வெடிகுண்டு மிரட்டல் விடுக்கப்பட்டதையும், அங்கு குறிப்பிட்ட சில அலுவலகங்கள் காலி செய்யப்பட்டதையும், அந்நிறுவனத்தின் செய்தித் தொடர்பாளரும் உறுதிப் படுத்தியுள்ளார்.     மேலதிக விபரங்கள் தெரிய வரவில்லை.

_______________________________________________________________________

sdp

  (மேலும்)  12.12.2018

_______________________________________________________________________

யாழ்மாநகரசபைவரவு செலவுத்திட்டம் : ஒரு பார்வை

கருணாகரன்

மக்கள் நலன் நோக்கில் அமையாத யாழ் மாநகரசபையின் வரவு செலவுத்திட்டத்தை ஏற்றுக்கொள்ள முடியாது என்று எதிர்க்கட்சிகள் தெரிவித்துள்ளன. இதjaffna municipalனால் வரவு செலவுத்திட்டம் தோற்கடிக்கப்படுவதாக மாநகரசபையின் முக்கிய எதிர்க்கட்சியாக இருக்கும் தமிழ்த்தேசிய மக்கள் முன்னணியின் உறுப்பினர்கள் தெரிவித்துள்ளனர்.  வரவு செலவுத்திட்டம் தோற்கடிக்கப்பட்டதாக தாம் உணரவில்லை என்று  மாநகரசபையின் முதல்வர் இம்மானுவேல் ஆனோல்ட் தெரிவித்திருக்கிறார். அப்படியென்றால் இந்த வரவு செலவுத் திட்டத்தைச் சிறப்பானதாக முதல்வர் கருதுகிறாரா என்று கேட்டுள்ள முன்னணியின் உறுப்பினர்களும் ஈ.பி.டி.பியினரும் சமர்ப்பிக்கப்பட்டுள்ள வரவு செலவுத்திட்டத்தை மக்களுக்கு விரோதமான முறையில் உள்ளதாகத் தெரிவித்துள்ளனர்.வரவு செலவுத்திட்டத்தை ஏற்றுக்கொள்ள முடியாவிட்டால் அதில் திருத்தங்களைச் செய்யுமாறும் அதற்கு இடமளிக்க முடியும் எனவும் கேட்டிருக்கிறார் மேஜர். இதை வரவேற்றுள்ள எதிரணியினர் தமது சிபாரிசுகளையும் திட்டங்களையும் அதில் இணைக்க வேண்டும் எனக் கேட்டுஇ அவற்றை முன்வைக்கவுள்ளதாகத் தெரிவிக்கப்படுகிறது.  (மேலும்)  12.12.2018

_______________________________________________________________________

இரண்டு பேராசிரியர்கள் இணைந்து எழுதிய "பாரதி மறைவு முதல் மகா கவி வரை"

மகாகவி பாரதிக்கு 136 வயது

                                                                              முருகபூபதி

( விரைவில் வெளிவரவிருக்கும் முருகபூபதியின் இலங்கையில் பாரதி என்னும் ஆய்வு நூலின் இறுதி அங்கத்தில்  இடம்பெறும் ஆக்கம்)

தமிழ்நாடு  திருநெல்வேலி மாவட்டத்தில் எட்டயபுரத்தில் 1882 ஆம்Bharathi ஆண்டு டிசம்பர் மாதம் 11 ஆம் திகதி பிறந்திருக்கும் சுப்பிரமணியன் சுப்பையாவாகி,  தனது 11 வயதில் பாரதியாகி, 1921 செப்டெம்பர் மாதம் 11 ஆம் திகதி சென்னையில் திருவல்லிக்கேணியில் மறைந்தார்.அவருக்கு  டிசம்பர் 11 ஆம் திகதி 136 வயது! பாரதியை இன்றும் சிலர் கவிஞராக மாத்திரமே பாரக்கின்றபோதிலும் அவர் ஒரு மகாகவி என்பதை நிரூபிப்பதற்காக  பலர் தொடர்ச்சியாக எழுதியும் பேசியும் வந்துள்ளனர். யார் கவிஞன் என்று பாரதியே ஒரு சந்தர்ப்பத்தில் இவ்வாறு சொல்லியுள்ளார்: "கவிதை எழுதுபவன் கவியன்று. கவிதையே வாழ்க்கையாக உடையோன், எவனொருவன் வாழ்க்கையையே கவிதையாகச் செய்தோன், அவனே கவி "அத்துடன்,  " நமக்குத் தொழில் கவிதை, நாட்டிற்கு உழைத்தல், இமைப்பொழுதும் சோராதிருத்தல் "  எனவும் சொன்னவர் அவர்.   (மேலும்)  12.12.2018

_______________________________________________________________________

பட்டப் பகலில் இந்திய துணைத்தூதுவரின் வீட்டில் கொள்ளை

பட்டப் பகலில் இந்திய துணைத்தூதுவர் அலுவலக அதிகாரியின் வீடு உடைத்து லட்சம் பெறுமதியான இலத்திரனியல் உபகரணங்கள் திருடிச் செல்லப்பட்டுள்ளதாக யாழ்ப்பாணம் பொலிஸ் நிலையத்தில் முறைப்பாடு பதிவு செய்யப்பட்டுள்ளது. யாழ். நாவலர் வீதி குறுக்கு வீதியில் இன்று (11) பட்டப்பகலில் இந்த திருட்டுச் சம்பவம் இடம்பெற்றுள்ளது. இந்திய துணைத் தூதுவர் அலுவலக அதிகாரி காலை 8.30 மணியளவில் சென்று மாலை 6.30 மணியளவில் வீட்டிற்குத் திரும்புவது வழமை. வழமை போன்று நேற்றுக் காலையும் வீட்டை பூட்டி விட்டுச் சென்று மாலை வீட்டிற்கு வரும் போது, வீட்டின் கதவு உடைக்கப்பட்டு இருந்துள்ளது. வீட்டிற்கு சென்று பார்த்த போது, வீட்டில் இருந்த 43 அங்குல ரீ.வி இரண்டும், ஸ்மாட் தொலைபேசிகள் இரண்டும், 5 ஆயிரம் ரூபா காசும் திருடப்பட்டுள்ளது.இத் திருட்டுச் சம்பவம் தொடர்பாக யாழ்ப்பாணம் பொலிஸ் நிலையில் அந்த அதிகாரி முறைப்பாடு பதிவுசெய்துள்ளார். அந்த முறைப்பாட்டின் பிரகாரம், யாழ்ப்பாணம் பொலிஸார் விசாரணைகளை முன்னெடுத்து வருகின்றார்கள்.

_______________________________________________________________________

யுத்தத்தில் அவயங்களை இழந்த இராணுவ வீரரின் இன ஐக்கியத்தை வலியுறுத்தி  பயணம்

யுத்தத்தில் தனது இரு கால்களையும், வலது கையின் இரண்டு விரல்களையும் இழந்து முன்னாள் இராணுவ வீரரின் இன ஐக்கியத்தை வலியுறுத்திய  சக்கர நாற்காலி பயணம் இன்று(10) கிளிநொச்சி கடந்தது. கடந்த மூன்றாம் திகதி  தெய்வேந்திரமுனையில் ஆரம்பமான பயணம் இன்று கிளிநொச்சியை கடந்து நாளை(11) வடக்கு முனையான  பருத்திதுறை பேதுரு  முனையில்  நிறைவடையவுள்ளது.சுமார் 580 கிலோமீற்றர் தூரம் இன ஐக்கியத்திற்கான சக்கர நாற்காலி பயணம் மேற்கொள்ளப்பட்டு நிறைவடையவுள்ளது.

slarmiy .travelslarmy-travel2

_______________________________________________________________________

இன்றைய தலைமுறையும் அரசியல் அறிவின் அவசியமும்!

- ஷம்ரான் நவாஸ் (துபாய்) -

அரசு மற்றும் அதனுடைய தன்மை, அரசாங்கம், ஆட்சி முறைகள், அரசு முறைகள், மக்களுக்கும் அரசுக்கும் இடையிலுள்ள தொடர்பு முறைகள், அரசுக்கும் அரசுகpolitics்கும் இடையிலான தொடர்பு முறைகள் போன்றவை பற்றிய அறிவை பெறுவதே அரசியல் கல்வி எனலாம். இன்றைய தலைமுறையினர் நவீன உலகின் விஞ்ஞான வளர்ச்சி, பாரிய தொழில்நுட்ப புரட்சி, உலகமயமாக்கல் போன்றவற்றை எதிர் கொண்டு வருகின்றனர். இவ்வாறு எதிர்கொள்ளும் தலைமுறை “நாட்டின் பிரஜைகள்” என்ற கட்டத்தில் இருந்து “சர்வதேச பிரஜைகள்” என்ற கட்டத்துக்கு நகர்ந்து வருகின்றனர். இதனடிப்படையில் ஒவ்வொருவரும் சிறந்த பிரஜைகளாக திகழ்வதற்கு நாட்டின் ஒவ்வொரு குடிமகனினதும் அரசியல் கல்வியறிவு என்பது இன்றியமையாதொன்று என்றால் அது மிகையாகாது. இன்றைய தலைமுறையினருக்கு பாடசாலை பருவத்தில் இருந்தே அரசியல் கல்வியை வழங்குவதன் மூலம் தமது அரசியல் ஆளுமைகளையும் விழுமியங்களையும் விருத்தி செய்து கொள்வதுடன் மட்டுமல்லாது அவர்கள் சிறந்த அரசியல் உயிரிகளாக வாழ வழி வகுக்கிறது. இதுவே நாட்டின் நட்பிரஜைகளை உருவாக்க சிறந்த அடித்தளமாகும்.     (மேலும்)  12.12.2018

_______________________________________________________________________

இரணைமடு நினனைவுக் கல் திட்டமிட்டப்படி  பழைய இடத்தில் -

 நீர்ப்பாசனத்திணைக்களம்

இரணைமடுகுளத்தில்  திரை நீக்கம் செய்யப்பட்ட  முதலாவது நினைவுக் கல்  திட்டமிட்டப்படி அதே பகுதியில்  நீர்ப்பாசனத்திணைக்களத்தினரால் வைக்கப்பட்டுள்ளது. iranamadu-memorial   இரணைமடு குளத்தின் அபிவிருத்தி பணிகள் இடம்பெற்றிருந்த வேளை அதன் நிறைவுக்காக குளத்தின் சுற்றுவட்டம் அழகுபடுத்தும் பணிகள் இடம்பெற்று வந்தன. இந்த நிலையில் குறித்த நினைவுகல் அமைந்திருந்த பகுதியும் பக்குவமாக அகற்றப்பட்டு அந்த பகுதியில் சுற்றுவட்டம் ஒன்றும் அமைக்கப்பட்டது.   இந்த நிலையில் குறித்த சுற்றுவட்டம் அமைந்திருந்த பகுதியில் குறித்த நினைவு கல்லையும்,புதிய நினைவு கல்லையும் அமைப்பதற்கான பணிகள் இடம்பெற்று வந்த நிலையில், ஜனாதிபதியினால் குறித்த குளம் விவசாயிகளிடம் கையளிக்க மேற்கொள்ளப்பட்ட திடீர் நடவடிக்கை காரணமாக உடனடியாக குறித்த  முதலாவது நினைவு கல்லை அப்பகுதியில் பொருத்த கால அவகாசம் போதுமானதாக இல்லாது போய்விட்டது  இந்த நிலையில் ஜனாதிபதியால் திரை நீக்கம் செய்வதற்குரிய புதிய நினைவு கல்லை மாத்திரம் அன்றைய பொருத்தப்பட்டு கடந்த வெள்ளிக்கிழமை ஜனாதிபதி மைதிரிபால சிறிசேனவினால் திறந்து வைக்கப்பட்டது.  (மேலும்)  12.12.2018

_______________________________________________________________________

 

ரணிலிற்கு எதிராக யாதுரிமை எழுத்தாணை பிறப்பிக்கப்படுமா

தனியார் நிறுவனம் ஒன்றில் பங்குதாரராக இருந்து கொண்டு அரச நிறுவனங்களில் கொடுக்கல் வாங்கல்களில் ஈடுபட்டதால் ஐக்கிய தேசிய கட்சியின் தலranil-wickremesinghe-1ைவர் ரணில் விக்ரமசிங்கவின் பாராளுமன்ற உறுப்பினர் பதவியை இரத்து செய்யுமாறு கோரி யாதுரிமை எழுத்தானை உத்தர பிறப்பிக்குமாறு, மேன்முறையீட்டு நீதிமன்றில் மனு ஒன்று தாக்கல் செய்யப்பட்டுள்ளது.  நீதிக்கான பெண்கள் அமைப்பின் துணை தலைவர் ஷேமிலா கோனவலவினால் குறித்த மனு தாக்கல் செய்யப்பட்டுள்ளது. குறித்த மனுவில் பிரதிவாதிகளாக பாராளுமன்ற உறுப்பினர் ரணில் விக்ரமசிங்க, ஐக்கிய தேசிய கட்சியின் பொது செயலாளர் அகில விராஜ் காரியவசம், பாராளுமன்ற பொதுச் செயலாளர் உட்பட நால்வரின் பெயர் குறிப்பிடப்பட்டுள்ளது. அரசியலமைப்பின் பிரகாரம் பாராளுமன்ற உறுப்பினர் ஒருவர் அரச நிறுவனங்களுடன் ஒப்பந்த அடிப்படையில் வியாபார நடவடிக்கைகளில் ஈடுபட்டால் பாராளுமன்ற உறுப்பினர் பதவியில் இருக்க அவருக்கு அனுமதியில்லை என குறிப்பிடப்பட்டுள்ளதாக மனுதாரர் தெரிவித்துள்ளார்.  (மேலும்)  12.12.2018

_______________________________________________________________________

சிறுபான்மைக் கட்சிகள் ஒருமித்து பயணிப்பதற்கான பேச்சுவார்த்தைகள் அடுத்தவாரம் ஆரம்பம்: ரவூப் ஹக்கீம்

சிறுபான்மைக் கட்சிகள் அனைத்தும் பாராளுமன்றத்திலும் வெளியிலும் கூட்டாக செயற்படவேண்டும். இதன் முதற்கட்டமாக அடுத்த தேர்தலுக்கு முன்னர் தமிழ்த் rauff hakkeem121218தேசியக் கூட்டமைப்புடன் ஓர் இணக்கப்பாட்டுக்கு வரவேண்டும். இதற்கான பேச்சுவார்த்தைகளை அடுத்த வாரத்தில் ஆரம்பிப்பதற்கு தமது பாராளுமன்றக்குழு தீர்மானித்துள்ளதாக ஸ்ரீலங்கா முஸ்லிம் காங்கிரஸ் தலைவர் தெரிவித்தார்.  ஸ்ரீலங்கா முஸ்லிம் காங்கிரஸ் செயற்குழுவின் செயலாளரும் வடமேல் மாகாணசபை முன்னாள் உறுப்பினருமான றிஸ்வி ஜவஹர்ஷாவின் ஏற்பாட்டில் நடைபெற்ற செயற்குழுக் கூட்டத்தில் முடிவுரை நிகழ்த்தும்போதே அவர் இவ்வாறு தெரிவித்தார்.அங்கு தொடர்ந்து உரையாற்றிய ரவூப் ஹக்கீம் மேலும் கூறியதாவது; அரசியல் நெருக்கடி நிலவுகின்ற இக்காலகட்டத்தில் முஸ்லிம் காங்கிரஸின் செயற்பாடுகள் ஜனநாயகத்தை விரும்புகின்ற மக்கள் மத்தியில் நற்பெயரை சம்பாதித்துள்ளது. அதேவேளை, எமது கட்சியின் அரசியல் நகர்வுகள் குறித்து சிலர் வைத்திருக்கின்ற தப்பபிப்பிராயங்களையும் அது போக்கியுள்ளது.  (மேலும்)  12.12.2018

_______________________________________________________________________

மனித புதைகுழியில் இதுவரை 21 சிறுவர்களுடைய எலும்புக்கூடுகள் மீட்பு

மன்னார் மனித புதை குழி அகழ்வுகளின் போது மீட்கப்பட்ட மனித எலும்புக்கூடுகளில் இது வரை 21 சிறுவர்களுடைய மனித எலும்புக்கூடுகள் அடையாளம் காணப்பட்டுள்ளதாக அகழ்வு பணிக்கு பொறுப்பான சட்ட வைத்திய அதிகாரி சமிந்த ராஜபக்ஷ தெரிவித்தார்.   மன்னார் மனித புதை குழியின் அகழ்வு பணிகள் இன்று (11) 115 ஆவது நாளாக சட்ட வைத்திய அதிகாரி சமிந்த ராஜபக்ஷ தலைமையில் இடம் பெற்றது. அதனைத்தொடர்ந்து இன்று (11) மாலை 3.30 மணியளவில் அகழ்வு பணிகள் இடம் பெறும் இடத்தில் வைத்து ஊடகங்களுக்கு கருத்து தெரிவிக்கையிலேயே அவர் அவ்வாறு தெரிவித்தார்.  அவர் மேலும் தெரிவிக்கையில், குறித்த புதை குழியில் இருந்து இன்று (11) மாலை வரை 276 மனித எலும்புக்கூடுகள் அடையாளம் காணப்பட்டுள்ளது. அவற்றில் 269 மனித எலும்புக்கூடுகள் அகழ்ந்து எடுக்கப்பட்டு நீதிமன்றத்தின் பாதுகாப்பில் வைக்கப்பட்டுள்ளது. மேலும் அகழ்வு பணிகளின் போது எடுக்கப்பட்ட மனித எலும்புக்கூடுகள் மாதிரிகள் ஒகாபன்ஒ பரிசோதனைக்காக புலோரிடாவுக்கு அனுப்ப நடவடிக்கைகள் மேற்கொள்ளப்பட்டுள்ளது.    (மேலும்)  12.12.2018

_______________________________________________________________________

Hello My3  + ஹலோ ரணில் = 0

-     கருணாகரன்

2018 ஒக்ரோபர் 26 முன்னிரவில் தொடங்கிய “இலங்கை அரசியல் தாழமுக்கம்” நீங்குவதற்கு இன்னும் சில நாட்கள் செல்லலாம். இதற்குள் சூறாவளிகள், புயல்கள், மினcabinetி சூறாவளிகள், சிறுவெள்ளம், பெருவெள்ளம் என்று ஏராளம் அனர்த்தங்கள். ஏற்கனவே பல புயல்கள் சிறிய அளவில் அடித்துக் கொண்டிருக்கின்றன. ஆனால், எந்தப் பெரிய புயலடித்தாலென்ன, பிசாசைப்போல சூறாவளி சுழன்றடித்தாலென்ன எதற்கும் அஞ்சான் இந்தச் சிங்கன் என்ற மாதிரி, கப்பலோட்டிக் கொண்டிருக்கிறார் ஜனாதிபதி My3.   My3 யின் இந்தக் கப்பலோட்டம் எப்போது முடியும்? இந்தக் கப்பல் எங்கே போய் முட்டும்? என்று யாருக்கும் தெரியாது. இதில் யாருடைய மூக்குகள் உடைபடும்? யாரெல்லாம் மூழ்கப்போகிறார்கள் என்றும் புரியவில்லை. ஆனால், இந்த “அரசியல் டைட்டானிக்”, திடீர்க்காதல், திடீர்க் காதல் முறிவு என்று பல க்ளைமாக்ஸ்களைக் கொண்டது.  ஒக்ரோபர் 26 வெள்ளிக்கிழமை முன்னிரவில், (அப்பம் சாப்பிடுவதற்கு முன்) ரணில் விக்கிரமசிங்கவின் பிரதமர் பதவியைப் பிடுங்கி, முன்னாள் ஜனாதிபதியும் பின்னாள் எதிராளியுமான மகிந்த ராஜபக்ஸவுக்குப் பரிசளித்து, மறுபடியும் ஏற்படுத்திய புதிய உறவினால்  தொடங்கியது.  (மேலும்)  10.12.2018

_______________________________________________________________________

படித்தோம் சொல்கின்றோம்:

ஆழியாள் மொழிபெயர்த்த அவுஸ்திரேலிய ஆதிக்குடிகளின் கவிதைகள்

பூவுலகைக்கற்றலும் கேட்டலும்

                                                                                         முருகபூபதி

பூமித்தாயை கற்கவும் அவளது உணர்வுகளை கேட்கவும் முடியுமா? ஆம்! முடியும் என்பவர்கள்தான் அவுஸ்திரேலியாவின் ஆதிக்குடிகளான அபோர்ஜனிஸ் இனத்தmathu pashiniவர்கள். இயற்கையை நேசித்து அதற்கியைந்து வாழ்ந்த மக்கள் கூட்டத்தினரிடமிருந்து,  வந்தேறு குடிகளால் அபகரிக்கப்பட்ட பெருநிலப்பரப்பிலிருந்து குரல்கள் தொடர்ந்தும் ஒலிக்கின்றன. அங்கு இசையும் அவலமும் கண்ணீரும் இழப்பும் பண்பாட்டுக்கோலங்களும் வரலாற்றுச்செய்திகளும் வெளிப்படுகின்றன. அந்த மக்கள் குறித்து தொடர்ந்து எழுதியும் பேசியும் ஆய்வு செய்தும் வந்திருப்பவர் அவுஸ்திரேலியா கன்பரா மாநில நகரத்தில் வதியும் கவிஞர் ஆழியாள் மதுபாஷினி.  இவர், இலங்கையில் திருகோணமலையில் பிறந்து, தனது கல்வியை மூதூர் புனித அந்தோனியார் கல்லூரியில் தொடர்ந்து, பின்னர் மதுரை மீனாட்சி கல்லூரியில் ஆங்கில இலக்கியத்தில்  கலைமாணி பட்டமும், நியுசவுத்வேல்ஸ் பல்கலைக்கழகத்தில் ஆங்கில முதுமாணிப்பட்டமும் பெற்றவர். தகவல் தொழில்நுட்பத்தில் பட்ட மேற்படிப்பு டிப்ளோமாவும் பெற்றவர். உரத்துப்பேச, துவிதம், கருநாவு முதலான கவிதைத் தொகுப்புகளை 2000 முதல் 2013 வரையிலான காலப்பகுதிக்குள் வரவாக்கியவர்.  (மேலும்)  10.12.2018

_______________________________________________________________________

திறமையானவர்கள் நல்ல வேலை தெரிந்தவர்கள் கெட்டிக்காரர்கள் அரசாங்க வேலைக்கு வருவதில்லை

 அரசாங்கத்தில் வேலையில் இணைந்து கொள்ளும் அனைவரும் இணைந்த பிற்பாடு எப்போது நாம் ஓய்வுதியம் எடுப்போம் என்று நினைத்துக்கொண்டே பணிபுரிகின்governor-101218றனர் இதனால் மக்களுக்கு நல்ல சேவையினை வழங்க முடிவதில்லை என வடமாகாண ஆளுநர் தெரிவித்துள்ளார்.  அபிவிருத்தி உத்தியோகத்தர்களுக்கான நியமனக் கடிதங்களை வடமாகாண ஆளுநர் ரெஜினோல்ட் குரே இன்று 07.12.2018 வழங்கி வைத்து உரையாற்றும் போது இவ்வாறு தெரிவித்துள்ளார்.அங்கு தொடர்ந்தும் உரையாற்றிய ஆளுநர்இந்த தற்காலிக உலகத்திலே ஒன்றுமே நிரந்தரம் இல்லை ஆனால் நிரந்தரமான வேலை வேண்டும் நிரந்தரமான சம்சாரம் வேண்டும் நிரந்தரமான குடும்பம் வேண்டும் என அனைவரும் நிரந்தரமானது வேண்டும் என்று தேடிக் கொண்டிருக்கின்றோம்.    (மேலும்)  10.12.2018

_______________________________________________________________________

தொழிலாளர்களின் உரிமையை வலியுறுத்தி கிளிநொச்சி கவனயீர்ப்பு போராட்டம்

மனித உரிமை தினத்தை முன்னிட்டு கிளிநாச்சி மாவட்ட வர்த்தக தொழில் kilinochi protestபொதுதொழிலாளர் சங்கத்தினரால் தொழில் புரியும் இடங்களில் ஆண் பெண் தொழிலாளர்களின் உரிமையை வலியுறுத்தி கவனயீர்ப்பு போராட்டம் இன்று (09) முன்னெடுக்கப்பட்டது. குறித்த போராட்டம் இன்று காலை 10  மணியளவில் கிளிநொச்சி டிப்போச் சந்திக்கருகில் இடம்பெற்றது. தொழில் புரியும் இடங்களில் ஊழியர்கள் மீதான வன்முறையை நிறுத்து எனும் தொணி பொருளில் குறித்த போராட்டம் முன்னெடுக்கப்பட்டது. இதன்போது தொழிலாளர்கள் எதிர்கொள்ளும் உரிமைகள், பெண்கள் மீதான வன்முறை, வேலை நேரம் மற்றும் விடுமுறை நாட்களில் தொழிலாளர்களை வேலைக்கமர்த்துதல்  உள்ளிட்ட விடயங்களை முன்னிறுத்தி குறித்த போராட்டம் இடம்பெற்றது.

_______________________________________________________________________

இன்னும் அச்சுறுத்தலாக விடுதலைப் புலிகள் இயக்கம்!!

விடுதலைப் புலிகள் இயக்கம் இலங்கைக்கு இன்னும் அச்சுறுத்தலான இயக்கமாக இருப்பதாக, சர்வதேச தீவிரவாதம் குறித்த நிபுணர் ரொஹான் குணரத்ன தெரிவRohanGunaratnaித்துள்ளார்.    ஆங்கில ஊடகம் ஒன்றுக்கு வழங்கிய செவ்வியில் அவர் இதனைக் குறிப்பிட்டுள்ளார்.இந்தியாவின் முன்னாள் பிரதமர் ராஜிவ் காந்தியின் கொலைக்கும் விடுதலைப் புலிகள் இயக்கத்துக்கும் தொடர்பு இல்லை என்று அண்மையில் விடுதலைப் புலிகள் இயக்கத்தின் பெயரில் அறிக்கை ஒன்று வெளியாக்கப்பட்டிருந்தது.ஆனால் அதில் கைச்சாத்திட்டிருந்த இரண்டு பேரும் விடுதலைப் புலிகளின் தலைவர்களால் உத்தியோகபூர்வமாக அந்த பதவிகளுக்கு நியமிக்கப்பட்டவர்கள் இல்லை என்பதோடு, விடுதலைப் புலிகள் இயங்கியக் காலப்பகுதியில் அவர்களது செயற்பாடுகள் குறித்த குறிப்புகளும் இல்லை என்றும் பேராசிரியர் ரொஹான் குரணத்ன சுட்டிக்காட்டியுள்ளார். (மேலும்)  10.12.2018

_______________________________________________________________________

சாவகச்சேரி மாணவனை  பலியெடுத்தது இரணைமடு

கிளிநொச்சி இரணைமடுவின் வான்பகுதிக்குள்  குளித்துக்கொண்டிருந்த போது நீரில்  இழுத்துச் செல்லப்பட்டு மாணவன் ஒருவர் பலியாகியுள்ளார்.  யாழ்ப்பiranamadu101218ாணம் சாவகச்சேரி மீசாலையைச் சேர்ந்த 21 வயதுடைய என். டிலக்சன் எனும் மாணவனே பலியாகியுள்ளார்.இன்று(09) மாலை 4.30 மணியளவில் இரணைமடுவின் வான் கதவு நான்கு  திறக்கப்பட்டிருந்து. இதில் இடது பக்கம் இரண்டு கதவுகளும், வலது பக்கம் இரண்டு கதவுகளும் திறக்கப்பட்டிருந்த நிலையில்  குறித்த பகுதிக்குள் பெருமளவான  பொது மக்கள் குழுமியிருந்தனர். இதில் சில இளைஞர்கள் குறித்த பகுதியின் ஆழமான பகுதிக்குள்  இறங்கி குளித்துக்கொடிண்டிருந்தனர்.இதன் போது  யாழ்ப்பாணம் சாவக்கச்சேரி பகுதியிலிருந்து ஜந்து பேருடன் இரணைமடுவை பார்க்க வந்திருந்த இளைஞர் ஒருவர் குளிப்பதற்கு இறங்கிய போது நீரில் இழுத்துச் செல்லப்பட்ட நிலையில்  காணாமல் போயிருந்தார். இந்த நிலையில் அவருடன் வருகை தந்த நண்பர்கள்  அழுதவாறு காணப்பட சம்வ இடத்தில் நின்ற ஊடகவியலாளர் உடனடியாக கிளிநொச்சி பிரதி பொலீஸ் மா அதிபர்,  கிளிநொச்சி படைகளின் தலைமையகம்,  போன்றோருக்கு உடனடியாக அறிவித்த போதும் முப்பது நிமிடங்களுக்கு பின்னரே பொலீஸ் மற்றும் படையினர் வருகை தந்தனர். இதற்கிடையில் ஒரு பகுதியில் திறக்கப்பட்டிருந்த வான்கதவுகள் மூடப்பட்டு  சில இளைஞர்கள் நீரில்  இறங்கி தேடுதலை மேற்கொண்டு ஒரு மணித்தியாலயத்திற்கு பின்னர் உடலை மீட்டனர். இரணைமடுகுளம் அபிவிருத்திக்கு பின் கடந்த வெள்ளிகிழமை ஜனாதிபதி மைதிரிபால  சிறிசேன அவர்களினால் திறந்து வைக்கப்பட்டமை குறிப்பிடத்தக்கது

_______________________________________________________________________

பணி நிறுத்தம், ஆர்ப்பாட்டங்களால் இலங்கை முகம் கொடுத்துள்ள பாரிய சிக்கல்

இலங்கையில் இடம்பெறும் பணி நிறுத்தங்கள் மற்றும் வீதி ஆர்ப்பாட்டங்கள் அதிகரித்த வண்ணம் இருப்பதனால் பொருளாதார செலவீனம் அதிகரித்து வருவதாக பொருளாதார நிபுணர்கள் கருத்து வெளியிட்டுள்ளனர். இலங்கையின் முழு சனத்தொகையில் 38 சதவீதமானவர்கள் மாத்திரமே பணியில் ஈடுபடுபவர்கள். இதற்கமைய, வேலை செய்யும் ஒவ்வொருவரும் 5 வேலையற்றவர்களை பராமரிக்க வேண்டியுள்ளது.அதிகரித்துவரும், வெளிநாட்டு நாணய விகிதாசாரம், அதிகரித்து வரும் வேலையின்மை, அதிகரித்து வரும் பண வீக்கம் போன்றவை இலங்கையின் பொருளாதாரத்தினை பெரிதும் பாதிப்பதாக குறிப்பிடப்பட்டுள்ளது.இந்த நிலையினை நீக்கும் நோக்கில் ஆக்கப்பூர்வமானதும், உறுதியானதுமான பொருளாதார கொள்கையினை முன்னெடுக்க வேண்டும் என வலியுறுத்தப்பட்டுள்ளது.

_______________________________________________________________________

ஆட்சியின் நெருக்கடி: சாத்தியமான  பொருளாதார விளைவுகள் மற்றும் விiளையாட்டின் முடிவு

                                      எஸ் டபிள்யு ஆர் டீ ஏ சமரசிங்க

ஸ்ரீலங்கா தற்போது எதிர்கொள்ளும் நெருக்கடி யுத்தத்துக்குப் பின்னான ஸ்ரீலங்கா அரசியலில் முன்பொருபோதும் நடந்திராத ஒன்று. இரண்டு நபர்கள் தாங்கpolitical crisisள்தான் பிரதமர்கள் என்று உரிமை கோருவதுடன் இதைச் சுட்டிக்காட்டி ஒரு பிரதான அரசியற்கட்சி பாராளுமன்றத்தைப் புறக்கணித்தும் வருகிறது. கடந்த ஐந்து வாரங்களாக நடைபெற்றுவரும் நிகழ்வுகளைப் பற்றித் திரும்பவும் கூறவேண்டிய அவசியமில்லை ஏனென்றால் அவை பகிரங்கமாக அறியப்பட்ட விடயங்கள். இந்தக் கட்டுரையின் நோக்கம்,  இந்த நெருக்கடி காரணமாக நாட்டின் பொருளாதாரத்துக்கு ஏற்பட்டுள்ள தீவிர தாக்கங்கள் சிலவற்றைக் கவனிக்கவும் மற்றும் இந்த  பாதகமான போக்கை மாற்றி பழைய நிலைக்குக் கொண்டுவரும் வகையில் நெருக்கடியை தீர்ப்பதற்கான முக்கியத்துவத்தை வலியுறுத்துவதும் ஆகும். அரசியலும் மற்றம் பொருளாதாரமும் யதார்த்த உலகில் ஒன்றுடன் ஒன்று நெருக்கமாகப் பின்னிப் பிணைக்கப் பட்டுள்ளன,   (மேலும்)   09.12.2018

_______________________________________________________________________

 மனாமியங்கள் – சல்மா


சாந்தி சிவகுமார்

மெல்பேர்ன் தமிழ் இலக்கிய கலைச்சங்கத்தின் எழுத்தாளர் விழாவில், இந்த நாவலை மெல்பேர்ன் வாசகர்களுக்கு அறிமுகப்படுத்துமாறு கேட்டுக்கொண்டதற்க்காக எsalmaந்தவிதமான முன்னுமானமுமின்றி நாவலை வாசிக்க தொடங்கினேன். ஆசிரியர் முன்னுரையில் குறிப்பிட்டுள்ளதுபோல் ”புற உலகம் அறியாத பெண்களின் உள் உலகத்தை விரிக்கும் எழுத்து”. எனக்கு அறிமுகமில்லாத புது வெளியை, புது வாழ்க்கையை என் முன் நிறுத்தியது. இயல்பான் ஒரு சின்ன கிராமம். பெரும்பான்மையானவர்கள் இசுலாமியர்கள். அந்த கிராமாத்தில் உள்ள ஒரு குடும்பத்தின் கதை. ஹசன் மெஹர் கணவன், மனைவி. அவர்களுக்கு சாஜிதா, அஷ்ரப் என இரண்டு குழந்தைகள். சராசரியாக எல்லோரையும்போல் இருக்கும் ஹசன் மத்திய கிழக்கு நாடுகளுக்கு போய்வந்தபின் முற்றிலும் மாறிவிடுகிறான். காலத்திற்கு சிறிதும் ஒவ்வாத, பெண்களை அடிமைபடுத்தும் மதகோட்பாடுகளுக்குள் தன்னை ஒப்புவிக்கிறான். அவனுடையே குடும்ப பெண்களாலேயே ஏற்றுகொள்ளமுடியாமல் போவதும் அதனால் அவன் குடும்பம் சிதறுவதும் அதன் பின்விளைவுகளும்தான் கதை.    (மேலும்)   09.12.2018

_________________________________________________________________________________________________

noviolence

_______________________________________________________________________

வவுணதீவு சம்பவம்; கைது செய்யப்பட்டவர்களிடம் தொடர்ந்தும் விசாரணை

மட்டக்களப்பு, வவுணதீவு பிரதேசத்தில் பொலிஸார் இருவர் சுட்டுக் கொலை செய்யப்பட்ட சம்பவம் தொடர்பாக கைது செய்யப்பட்ட முன்னாள் விடுதலைப் புலி உறுப்பினர்கள் இருவரும் தடுத்து வைக்கப்படு தொடர்ந்து விசாரணை செய்யப்படுவதாக பொலிஸார் தெரிவித்தனர்.கைது செய்யப்பட்ட இருவரும் குற்றப் புலனாய்வுத் திணைக்கள அதிகாரிகளால் விசாரணை செய்யப்படுவதாக பொலிஸார் தெரிவித்தனர்.வவுணதீவு, வலையிறவு பாலம் அருகில் பொலிஸ் வீதி சோதனைச் சாவடியில் கடந்த மாதம் 29ம் திகதி நள்ளிரவு கடமையில் இருந்த பொலிஸார் இருவர் இனந் தெரியாதோரால் துப்பாக்கிச் சுட்டுக்கு இலக்காகியும் கத்தியால் குத்தப்பட்டும் கொலை செய்யப்பட்டிருந்தனர்.அதன்படி சம்பவம் தொடர்பில் குற்றப் புலனாய்வுத் திணைக்கள அதிகாரிகள் விசாரணைகளை ஆரம்பித்தனர்.

_______________________________________________________________________

யாழில் வீடொன்றின் மீது பெற்றோல் குண்டுத்தாக்குதல்

யாழ்ப்பாணம் கோப்பாய் மத்தி, கல்வியற்கல்லூரி ஒழுங்கையில்kopay உள்ள வீடொன்றின் மீது இனந்தெரியாதவர்களால் பெற்றோல் குண்டுத்தாக்குதல் மேற்கொள்ளப்பட்டுள்ளது.இந்தச் சம்பவம் நேற்று இரவு 11.00 மணியளவில் இடம்பெற்றுள்ளதாக தெரிவிக்கப்பட்டுள்ளது.சம்பத்தில் ஒருவரின் கையில் எரிகாயம் ஏற்பட்ட நிலையில் யாழ்ப்பாணம் போதனா வைத்தியசாலையில் சேர்க்கப்பட்டுள்ளார்.அத்துடன், வீட்டின் முற்றத்தில் நிறுத்திவைக்கப்பட்டிருந்த வேன், முச்சக்கரவண்டி மற்றும் மோட்டார் சைக்கிள் என்பன தீயில் எரிந்து சேதமடைந்துள்ளன.சம்பவம் தொடர்பில் கோப்பாய் காவல்துறையினர் விசாரணைகளை முன்னெடுத்துள்ளனர்.

_______________________________________________________________________

பிரான்ஸின் எரிபொருள் உயர்வுக்கு எதிரான போராட்டம்: தொடரும் வன்முறை

பிரான்ஸில் அரசுக்கு எதிரான போராட்டம் மீண்டும் தொடங்கியுள்ளதால் சுமார் 90,000 பாதுகாப்புப் படையினர் தெருக்களில் பாதுகாப்புப் பணியில் ஈடுபடுத்தப்பட்டுளfrench protest்ளனர்.  பாரீஸ் நகரில் மட்டும் சுமார் 8000 அதிகாரிகள் மற்றும் 12 கலவர தடுப்பு வாகனங்கள் நிறுத்தப்பட்டுள்ளன. அந்நகரின் மத்திய பகுதியில் சுமார் 5000 பேர் கூடியுள்ளனர். பாரீஸ் நகரில் இதுவரை 127 பேர் தடுத்து வைக்கப்பட்டுள்ளனர். அப்பகுதியில் எடுக்கப்பட்ட வீடியோ பதிவில் போலிஸார் கண்ணீர் புகை குண்டுகளை வீசுவதை பார்க்க முடிகிறது. `மஞ்சள் ஜாக்கெட்` என்று அழைக்கப்படும் இந்தப் போராட்டம் பிரான்ஸில் எரிபொருள் உயர்வுக்கு எதிராக தொடங்கப்பட்டது. ஆனால் இது "அதிதீவிர வன்முறையாளர்களால்" கையில் எடுக்கப்பட்டுள்ளது என்று பிரான்ஸ் அமைச்சர்கள் தெரிவிக்கின்றனர். பாரீஸ் நகரில் பல வருடங்களில் நடைபெறாத அளவு மோசமான போராட்டமாக கருதப்படும் இந்தப் போராட்டத்தில் நூற்றுக்கணக்கானோர் கைது செய்யப்பட்டனர். பலர் காயமடைந்தனர்.     (மேலும்)   09.12.2018

_______________________________________________________________________

வீட்டுக்குள் நுழைந்த திருடர்கள் கத்திமுனையில் துணிகர கொள்ளை ; யாழில் சம்பவம்

வீடொன்றின் புகைக் கூடு வழியாக வீட்டுக்குள் உள்நுழைந்த திருடர்கள் வீட்டிலிருந்த தாய்,மகள் ஆகியோரது கழுத்தில் கத்தியை வைத்து மிரட்டி வீட்டிலிருந்த 14 பவுண் தங்க நகைகள் மற்றும் 20 ஆயிரம் ரூபா பணம், துவிச்சக்கர வண்டி என்பவற்றைத் திருடிச் சென்றுள்ளனர். குறித்த சம்பவம் யாழ்.உடுப்பிட்டி கட்டைப் புளியடிப் பகுதியில் நேற்று(07) அதிகாலை இடம்பெற்றுள்ளது. வீட்டுக்குள் நுழைந்த நான்கு பேர் கொண்ட திருட்டுக் கும்பல் வீட்டில் தனித்திருந்த தாயையும்,மகளையும் கத்தி முனையில் மிரட்டியுள்ளதுடன் சுமார் இரு மணித்தியாலங்களுக்கு மேலாக வீடு முழுவதும் சல்லடை போட்டும் தேடிய.பின்னர் வீட்டிலிருந்த தங்கநகைகள், பணம் என்பவற்றைத் திருடியுள்ளனர். திருடிய நகைகளை வீட்டிலிருந்த தாய் மற்றும் மகளிடம் காட்டிய திருடர்கள் “இவை கவரிங் நகைகளாகவிருந்தால் நீங்கள் இருவரும் உயிரோடிருக்க மாட்டீர்கள்” எனத் தெரிவித்தவாறு அவர்களைக் கடுமையாகத் தாக்கியுமுள்ளனர். இதனையடுத்து குறித்த சம்பவம் தொடர்பில் பொலிஸார் விசாரணைகளை மேற்கொண்டுள்ளமை குறிப்பிடத்தக்கது.

__*