Theneehead-1

                            Vol:17                                                                                                                         27.04.2018

தமிழ் மக்களுக்கு இருள்சூழ்ந்த எதிர்காலமே உருவாகி வருகின்றது.

மக்கள் மயப்படுத்தப்பட்ட போராட்டங்கள் அவசியம் - பேராசிரியர் சூரியநாராயன் விசேட செவ்வி

(பகுதி - II )

சீன அரசாங்கமானது ஆரம்பகாலத்தில் கம்யூனிஸ கோட்பாடுகளின் பிரகாரம் புரட்சிகளுக்குத் தான் ஒத்துழைப்புக்களை வழங்கி வந்தது. ஆனால் அண்மைக்காலமாக அந்srilanka chinaத போக்கில் மாற்றத்தினை ஏற்படுத்தியுள்ளது. ஏனைய நாடுகளின் அரசுகளுக்கே அதாவது தனக்கு இசைவான ஆட்சியாளர்களுக்கே தனது ஆதரவை வழங்கி வருகின்றது. இதற்கு நல்ல உதாரணம் உள்ளது. ஜே.வி.பி இரண்டாவது கிளச்சியினை ஆரம்பிக்க முனைந்த சமயத்தில் அந்த அமைப்புக்கு பரப்புரை செயலாளராக இருந்த லயனல் போப்பகேயை நான் சந்திதபோது, குறித்த கிளர்ச்சியை ஆரம்பிக்கவிருந்த தருணத்தில் தாங்கள் இந்திய இராணுவத்துக்கு எதிராக எதற்காக கிளர்ச்சியை ஆரம்பிக்கின்றோம் என்பதை கொழும்பில் உள்ள சீன தூதுவருக்கு விளக்கமளிக்க சென்றிருந்ததாகவும் அதன்போது ஐந்து நிமிடங்களில் தன்னை வெளியேறுமாறு சீன தூதுவர் கடும் தொனியில் உத்தரவிட்டதாகவும் கூறினார்.அந்தளவுக்கு ஆட்சியில் அதிகாரம் உள்ளவர்களுக்கே சீனா தனது ஆதரவை வழங்குகின்றது. தற்போதைய சூழலில் கூட பார்த்தால், பார்மாவிலும் பாகிஸ்தானிலும் இராணுவ தரப்பினருக்கும், மலைதீவில் ஆட்சியில் உள்ளவர்களுக்கும், இலங்கையில் மகிந்த ராஜபக்ஷவுக்கும் தான் சீனா தனது ஆதரவை வழங்குகின்றது. இவ்வாறு ஆதரவுகளை வழங்குவதன் ஊடாக தனக்கு தேவையானதை அந்தந்த நாடுகளில் நிறைவேற்றி வருகின்றது.         (மேலும்)  27.04.2018

_______________________________________________________________________

அரசியல்கைதி ஆனந்த சுதாகரனை ஜனாதிபதியே பொது மன்னிப்பின் அடிப்படையில் விடுதலை செய்ய முடியும்

 தமிழ் தேசிய கூட்டமைப்பின் பாராளுமன்ற உறுப்பினர் எம். சுமந்திரன்

அரசியல்கைதி ஆனந்த சுதாகரனை ஜனாதிபதியே பொது மன்னிப்பின் அடிபsumanthiran2்படையில் விடுதலை செய்ய முடியும் என தமிழ் தேசிய கூட்டமைப்பின் பாராளுமன்ற உறுப்பினர் எம். சுமந்திரன் தெரிவித்துள்ளார்.   அவரை விடுதலை செய்ய முடியாது என்ற மாற்றுக்கருத்திற்கு இடமில்லை என தமிழ் தேசிய கூட்டமைப்பின் பாராளுமன்ற உறுப்பினர் எம்.சுமந்திரன் மேலும் தெரிவித்துள்ளார். யாழ்ப்பாணத்தில் உள்ள அவரது வீட்டில் இன்று (26) மதியம் நடைபெற்ற ஊடகவியலாளர் சந்திப்பின் போது, அரசியல்கைதி ஆனந்த சுதாகரனை வெசாக் தினத்திற்கு முன்னர் விடுவிக்க வேண்டுமென பல தரப்பினரும் அழுத்தங்கள் கொடுத்து வரும் நிலையில், புத்தாண்டு தினத்திற்கு விடுவிக்கப்படுவார் என ஜனாதிபதி தெரிவித்திருந்தும் விடுவிக்கப்படவில்லை.    ஆனந்த சுதாகரனை ஜனாதிபதியால் விடுவிக்க முடியாது, நீதிமன்றமே விடுவிக்க வேண்டும் என்றும் தெரிவிக்கப்பட்ட நிலையில், தமிழ் தேசிய கூட்டமைப்பினால் அழுத்தங்கள் கொடுக்கப்பட்டுள்ளதா என ஊடகவியலாளர்கள் எழுப்பிய கேள்விக்குப் பதிலளிக்கும் போதே இவ்வாறு தெரிவித்தார்.       (மேலும்)  27.04.2018

_______________________________________________________________________

நிலத்தை மீட்ட போராளிகளாகவே இரணைத்தீவு மக்களை பார்க்கின்றேன். முன்னாள் பாராளுமன்ற உறுப்பினர் சந்திரகுமார்

நிலத்தை மீட்ட போராளிகளாகவே இரணைத்தீவு மக்களை பார்க்கின்றேன். முன்னாள் பாராளுமன்ற உறுப்பினர் சந்திரகுமார்   iranativu    இரணைத்தீவிற்கு சென்று அங்கு குடியேறிய மக்களை நான்   சொந்த நிலத்தை மீட்ட மக்களாகவே பார்க்கின்றேன் என முன்னளா் பாராளுமன்ற உறுப்பினரும் சமத்துவம் சமூகநீதிக்கான மக்கள் அமைப்பின் தலைவருமான மு. சந்திரகுமார் தெரிவித்துள்ளார். மக்களின் போராட்டத்திற்கு ஆதரவளிக்கும வகையில் இன்று(26) இரணைத்தீவுக்கு சென்ற அவர்  அங்கு  ஊடகவியலாளர்களுக்கு கருத்து தெரிவிக்கும் போதே  இவ்வாறு தெரிவித்தார். அவர் மேலும் குறிப்பிடுகையில்இரணைத்தீவு மக்கள் தங்களின் மண்ணை மீட்கும் போராளிகளாக  காணப்படுகின்றனர். அண்மைக் காலமாக வடக்கு கிழக்கில் தமிழ் மக்கள் தங்களின் பல பிரச்சினைகளுக்கு தாங்களாகவே போராட்டங்களை நடத்தி வெற்றிப்பெற்றிருக்கின்றார்கள்.         (மேலும்)  27.04.2018

_______________________________________________________________________

ஶ்ரீ சண்முகா இந்து மகளிர் கல்லூரியின் ஹபாயா சர்ச்சைக்கு தற்காலிக தீர்வு

திருகோணமலை ஶ்ரீ சண்முகா இந்து மகளிர் கல்லூரியில் 5 முஸ்லிம் ஆசிரியர்கள் அவர்களது கலாசார உடையான ஹபாயாவை உடுத்தி பாடசாலைக்கு வந்தமையால் ஏற்பட்டிரshanmugaுந்த சர்ச்சைக்கு, தற்காலிக தீர்வு காணப்பட்டுள்ளது. இதுவரையில் ஹபாயா இன்றி, சேலை மாத்திரமே உடுத்தி வந்த குறித்த ஆசிரியர்கள், கடந்த திங்கட் கிழமை முதல் ஹபாயா உடுத்த ஆரம்பித்ததால், அதற்கு எதிர்ப்பு வெளியாக்கப்பட்டது.   இதுதொடர்பில் நேற்று ஆர்ப்பாட்டமும் நடத்தப்பட்டது.இந்தநிலையில் இன்றையதினம் கிழக்கு மாகாண மேலதிக கல்வி பணிப்பாளர் தலைமையில், முஸ்லிம் மற்றும் இந்து அமைப்புகள், பாடசாலை நிர்வாகம், கல்வி மற்றும் காவற்துறை அதிகாரிகளின் பங்குபற்றுதல்களுடன் இன்று பேச்சுவார்த்தை இடம்பெற்றது.இதன்போது இந்த பிரச்சினைக்கு மத்திய கல்வி அமைச்சு தீர்வு ஒன்றை வழங்கும் வரையில், குறித்த ஐந்து ஆசிரியர்களும் அவர்கள் விரும்பும் வேறு பாடசாலைகளில் தற்காலிகமாக பணியாற்றுவதற்கு அறிவுறுத்தப்பட்டுள்ளது.கிழக்கு மாகாண மேலதிக கல்விப் பணிப்பாளர் ஏ.விஜயானந்தமூர்த்தி இதனைத் தெரிவித்துள்ளார்.இந்த விடயம் சமுகங்களுக்கு இடையில் மேலும் முறுகலை ஏற்படுதாது தடுக்கும் நோக்கில் தற்காலிகமாக இந்த தீர்மானம் மேற்கொள்ளப்பட்டிருப்பதாகவும், மத்திய கல்வி அமைச்சின் தலையீட்டுடன் விரைவில் இதற்கான நிரந்தர தீர்வு வழங்கப்படும் என்றும் அவர் குறிப்பிட்டுள்ளார்.

_______________________________________________________________________

அம்பாறை - கொழும்பு மாவட்டங்களில் முஸ்லிம்களின் கல்வித்தரம் மலையும்‌ மடுவும்போல் உள்ளது: அமைச்சர் ரவூப் ஹக்கீம்

அம்பாறை மாவட்டத்திலும் கொழும்பு மாவட்டத்திலும் அண்ணளவாக ஒரேயளவான முஸ்லrauff hakkeem3ிம்கள் இருந்தாலும், அவற்றுக்கிடையான கல்வித்தரம் மலைக்கும் மடுவுக்கும் உள்ள வித்தியாசம்போல இருக்கின்றது. இதனை நிவர்த்திப்பதற்கான நடவடிக்கைகளை அவசரமாக மேற்கொள்ள வேண்டுமென ஸ்ரீலங்கா முஸ்லிம் காங்கிரஸ் தலைவரும் அமைச்சருமான ரவூப் ஹக்கீம் தெரிவித்தார். ஸ்ரீலங்கா முஸ்லிம் காங்கிரஸின் மேல் மாகாண சபை உறுப்பினர் அர்ஷாத் நிசாம்தீனின் பன்முகப்படுத்தப்பட்ட 11 இலட்சம் ரூபா நிதியொதுக்கீட்டில் நிர்மாணிக்கப்பட்ட கொழும்பு அல்-ஹிஜ்ரா முஸ்லிம் வித்தியாலயத்துக்கான நுழைவாயிலை திறந்துவைத்து உரையாற்றும்போதே அமைச்சர் இவ்வாறு தெரிவித்தார்.அங்கு தொடர்ந்து உரையாற்றிய அமைச்சர் மேலும் கூறியதாவது;அரசியல் தலைமைகள் பின்தங்கிய பாடசாலைகளை கண்டுகொள்வதில்லை என்ற பெரிய குறைபாடு இருக்கிறது.         (மேலும்)  27.04.2018

_______________________________________________________________________

உலக தொழிலாளர் தினத்தை மே 01ம் திகதியே கொண்டாட கூட்டமைப்பு தீர்மானம்

உலக தொழிலாளர் தினத்தை மே 01ம் திகதி கொண்டாட தமிழ் தேசிய கூட்டமைப்பு தீர்மானித்துள்ளதாகவும், அந்த தீர்மானத்தால் பௌத்த புனித நாளுக்கு எந்த தீங்கும் ஏற்பாடாதுtna party என்றும் தமிழ் தேசிய கூட்டமைப்பின் செயலாளர் துரைரட்ணசிங்கம் தெரிவித்தார்.   தமிழ் தேசிய கூட்டமைப்பின் பாராளுமன்ற உறுப்பினர் எம்.சுமந்திரனின் வீட்டில் இன்று (26) நடைபெற்ற பத்திரிகையாளர் சந்திப்பின் போதே அவர் இவ்வாறு தெரிவித்தார். இதன்போது தொடர்ந்து கருத்து வௌியிட்ட அவர்,அரசாங்கத்தின் வேண்டுகோளை கௌரவப்படுத்த வேண்டும் என்பதனால், வெசாக் நிகழ்வுகள் நடைபெறுகின்ற இடங்களில் மே தின நிகழ்வுகளை நடாத்தாது, வடக்கு, கிழக்கைப் பொறுத்தவரையில் தமிழ் பேசும் மக்கள் செறிந்து வாழ்வதுடன், இந்த பிரதேசங்களில் உள்ள பௌத்த தலங்களுக்கு இடையூறுகளை விளைவிக்காத வகையில், உலக தொழிலாளர் தினத்தினை மே 01 ஆம் திகதியே கொண்டாட வேண்டுமென்று தீர்மானித்துள்ளோம்.         (மேலும்)  27.04.2018

_______________________________________________________________________

கனடாவில் இலங்கையர்களை கொலை செய்தவருக்கு எதிரான வழக்கு ஒத்திவைப்பு

கனடாவில் இரண்டு இலங்கையர்கள் உள்ளிட்ட எட்டு பேரை கொலை செய்த புரூஸ் மெக்ஆத்தரின் வழக்கு எதிர்வரும் மே மாதம் 23ம் திகதிக்கு ஒத்திவைக்கப்பட்டுள்ளது.இலங்கையில் இருந்து ஏதிலிகளாக கனடாவிற்கு சென்ற ஸ்கந்தராஜா நவரணம் மற்றும் கிருஷ்ணகுமார் கனகரத்தினம் ஆகிய இருவரும் வெவ்வேறு காலப்பகுதிகளில் அவரால் கொலை செய்யப்பட்டதாக தெரிவிக்கப்படுகிறது.தொடர் கொலையாளி என குற்றம் சுமத்தப்பட்டுள்ள 66 வயதான அவர் இன்று டொரென்டோ நீதிமன்றில் ன்னிலைப்படுத்தப்பட்டார்.இதன்போது அவருக்கு எதிராக எட்டு குற்றச்சாட்டுகள் முன்வைக்கப்பட்டன.அவருக்கு எதிராக மேலதிக ஆதாரங்களை அடுத்த விசாரணைத் திகதியில் சமர்ப்பிக்கவிருப்பதாக, கனடாவின் சட்டமா அதிபர் காரியாலயம் தெரிவித்துள்ளது.

_______________________________________________________________________

சாமியார்களின் குற்றப் பின்னணி: பிரேமானந்தா முதல் ஆசாராம் பாபுவின் மகன் நாராயண் சாய் வரை


சிறுமியை பாலியல் வன்கொடுமை செய்த வழக்கில் சாமியார் ஆசாராம் பாபுவுக்கு ஆயுள் தண்டனை வழங்கி ஜோத்பூர் நீதிமன்றம் நேற்று பரபரப்புத் தீர்ப்பை அளித்தது.nidayanatha    பாகிஸ்தானில் பிறந்து, ஆன்மிகத் தேடலில் ஆசாராம் பாபுவாகி, தற்போது 400 ஆசிரமங்களுடன் ரூ.10 ஆயிரம் கோடி சொத்துக்களுடன் இருப்பவர் தான் ஆசாராம் பாபு.  சிறுமியை பாலியல் வன்கொடுமை செய்தக் குற்றச்சாட்டின் கீழ் இவருக்கு, சாகும்வரை சிறையில் அடைக்கும் வகையில் ஆயுள் தண்டனை விதிக்கப்பட்டுள்ளது.    தன்னைத் தானே சாமியார் என்று கூறிக் கொண்ட இதுபோன்ற பலரும் இந்தியாவில் குற்றப் பின்னணி கொண்டவர்களாக இருந்துள்ளனர். இருக்கின்றனர். அவர்களைப் பற்றிய ஒரு மின்னல் வேகப் பார்வை இதோ..சுவாமி பிரேமானந்தா: போர்க்களமாக இருந்த இலங்கையில் இருந்து 1984ம் ஆண்டு இந்தியாவுக்கு வந்து திருச்சியில் தனது ஆசிரமத்தைத் தொடங்கியவர் சுவாமி பிரேமானந்தா. தமிழகத்தில் சாமியார் என்ற போர்வையில் பாலியல் வழக்கில் சிக்கி அப்போதைய காலக்கட்டத்தில் பரபரப்பாக பேசப்பட்ட முதல் சாமியார் என்ற பெருமையையும் இவர் பிடித்தார்.         (மேலும்)  27.04.2018

_______________________________________________________________________

மக்கள் மயப்படுத்தப்பட்ட போராட்டங்கள் அவசியம் - பேராசிரியர் சூரியநாராயன் விசேட செவ்வி

(1)

1986 இல் சார்க் மாநாடு பெங்களுரில் ஏற்பாடானது. ஆதில் ஜே.ஆர் பங்கேற்கிறார். ஆகவே அங்கு பிரபாகரனை எப்படியாவது அழைத்து வருமாறு எம்.ஜி.ஆருக்கு டெsuryanarayananல்லியிலிருந்து கோரிக்கை விடுக்கப்பட்டது. இந்தவிடயம் பிரபாகரனுக்கு தெரியவும் பிரபாகரன் உடனடியாக சென்னையிலிருந்து இலங்கை திரும்பினார். இதனால் டெல்லி அழுத்தமளித்தால் சிலசமயம் எம்.ஜி.ஆரும் அதற்கு பணிந்து விடுவார் என்ற சிந்தனையும் இக்காலத்தில் விடுதலைப்புலிகளிடத்தில் எழுந்தது. அதுவரையில் இந்தியாவிடமிருந்து மட்டுமே ஆயுதங்களை வாங்கிக்கொண்டிருந்த விடுதலைப்புலிகள் இந்தியாவைத் தாண்டி உலக நாடுகளுடன் தொடர்புகளை ஏற்படுத்தி ஆயுதங்களை கொள்வனவு செய்யும் செயற்பாடுகளை ஆரம்பித்தனர்.ஒரு ஆயுத போராட்ட அமைப்பா அல்லது ஒரு நாட்டு அரசாங்கமா என்று பார்க்கின்ற போது இரண்டுக்கும் இடையில் யானைக்கும் ஆடுக்கும் இடையில் காணப்படுகின்ற அளவிற்கு வலிமையில் வேறுபாடுகள் உள்ளன. எந்தவொரு அரசாங்கத்துக்கு மூலங்களும் வளங்களும் அதிகமாகும். இந்த பின்னணியில் தான் தான் நான்காவது ஈழப்பேரின் போது கடற்புலிகள் தெற்கிழக்கு ஆசியாவில் எங்கிருந்தெல்லாம் ஆயுதங்களை கொள்வனவு செய்கின்றார்கள் உள்ளிட்ட சகல தகவல்களையும் இந்திய புலனாய்வு அமைப்புக்கள் கொழும்புக்கு வழங்கின.         (மேலும்)  26.04.2018

_______________________________________________________________________

யாழ்ப்பாணத்தில் விடுவிக்கப்பட வேண்டியுள்ள காணிகள்..

யாழ்ப்பாணத்தில் சுமார் 3 ஆயிரத்து 500 ஏக்கர் காணிகள் இன்னும் விடுவிக்கப்பlandட வேண்டியுள்ளதாக மாவட்ட உதவி அரசாங்க அதிபர் முரளிதரன் தெரிவித்துள்ளார்.யாழ்ப்பாணத்தில் முன்னெடுக்கப்படும் காணி விடுவிப்பு மற்றும் மீள்க்குடியேற்றம் தொடர்பில் எமது செய்திச் சேவை வினவியபோதே அவர் இதனைக் கூறியுள்ளார். குறித்த காணிகளை விடுவிப்பது குறித்து முப்படைத் தரப்பினருடன் பேச்சுவார்த்தைகள் இடம்பெற்று வருவதாகவும் அவர் குறிப்பிட்டார்.அதேநேரம், புது வருடத்திற்கு முன்னர், வலிகாமம் வடக்கில் விடுவிக்கப்பட்ட 683 ஏக்கர் காணிகளில் மக்களை மீள்க்குடியேற்றுவதற்காக ஆயிரம் வீடுகளை அமைப்பதற்கான கோரிக்கை அரசாங்கத்திடம் முன்வைக்கப்பட்டுள்ளது.காணிகள் விடுவிக்கப்பட்டதன் பின்னர், முன்னெடுக்கப்படும் மீள்குடியேற்ற நடவடிக்கை சவாலானது என அவர் குறிப்பிட்டுள்ளார்.இந்த நிலையில், மீள்க்குடியேற்ற நடவடிக்கைகளுக்காக அரசாங்கத்தால் தற்போது 150 மில்லியன் ரூபா ஒதுக்கிடப்பட்டுள்ளதாகவும் யாழ்ப்பாண மாவட்ட உதவி அரசாங்க அதிபர் முரளிதரன் தெரிவித்துள்ளார்.

_______________________________________________________________________

ஸ்ரீலங்கன் எயார்லைன்ஸ் மோசடிகள் குறித்த விசாரணை அடுத்த இரண்டு வாரத்தில் ஆரம்பிக்கப்படும்

ஸ்ரீலங்கன் எயார்லைன்ஸ் விமான நிறுவனத்தில் இடம்பெற்றதாக கூறப்படும் ஊழல், மோசடிகள் தொடர்பில் விசாரணை செய்ய நியமிக்கப்பட்ட ஜனாதிபதி ஆணைக்குழுவின் சாட்சி srilankan airlines1விசாரணை நடவடிக்கைகள் எதிர்வரும் இரண்டு வாரத்திற்குள் ஆரம்பிக்கப்படும் என்று ஜனாதிபதி மைத்திரிபால சிறிசேன கூறியுள்ளார்.   இலங்கை விமான நிறுவனத்துடன் இணைந்த தொழிற்சங்க சம்மேளனத்துடன் இன்று காலை ஜனாதிபதி செயலகத்தில் இடம்பெற்ற கலந்துரையாடலின் போதே ஜனாதிபதி இதனைக் கூறியுள்ளார்.தொழிற்சங்க பிரதிநிதிகள் உள்ளிட்ட அனைத்து தரப்பினரிடமும் தகவல்கள் மற்றும் யோசனைகளை பெற்றுக் கொண்டு அரசாங்கத்துக்கு தேவையான பரிந்துரைகளை சமர்பிப்பதற்கு அந்த ஆணைக்குழு விரைவாக பணிகளை ஆரம்பிக்கும் என்று ஜனாதிபதி இதன்போது கூறியுள்ளார்.         (மேலும்)  26.04.2018

_______________________________________________________________________

பெரிய பரந்தனில் அமைக்க திட்டமிடும் மதுபானசாலைக்கு மக்கள் மீண்டும் எதிர்ப்பு

கிளிநொச்சி பெரிய பரந்தன் பிரதேசத்தில் புதிய மதுபானசாலைகparanthanள் அமைக்கப்படுவதற்கு எதிர்ப்பு தெரிவித்து பிரதேச மக்கள் இன்று மீண்டும் மனு ஒன்றை கையளித்துள்ளனர்.இந்த மனு கரைச்சி பிரதேச செயலாளரிடம் இன்று கையளிக்கப்பட்டுள்ளது.குறித்த மதுபானசாலைகள் அமைக்கப்படவுள்ள இடங்களுக்கு அருகில் பாடசாலைகள் மற்றும் கல்வி நிலையங்கள் இயங்குவதாக பல முறைகள் சுட்டிக்காட்டப்பட்டுள்ளன.குறித்த மதுபானசாலைகள் அமையப் பெரும் நிலையில் வறுமை கோட்டின் கீழ் வாழும் மக்கள் பொருளாதார மற்றும் கலாச்சார பாதிப்புக்களை எதிர்நோக்குவதாக சுட்டிக்காட்டப்பட்டிருந்தது.எனினும் இதுவரை எந்தவித நடவடிக்கையும் எடுக்கப்படவில்லை.இந்தநிலையிலேயே, மனு கரைச்சி பிரதேச செயலாளரிடம் இன்று கையளிக்கப்பட்டுள்ளது.

_______________________________________________________________________

பூங்காவனம் 31 ஆவது இதழ் மீதான பார்வை

கலாபூஷணம் எம்.எம். மன்ஸுர், மாவனெல்ல

கலை இலக்கிய சமூக சஞ்சிகையான பூங்காவனத்தின் 31 ஆவது இதழ் வெளிவந்திருக்கிறது. வழமை போல் பெண் எழுத்தாளர்களின் முன் அட்டைப் படத்தைத் தாங்கி வரும் பூங்காவனத்தின் மேற்படPoongavanam 31 Frontி இதழ் திருமதி எஸ். பாயிஸா அலியின் படத்தைத் தாங்கி வெளிவந்திருக்கிறது. இதழின் உள்ளே ஆ. முல்லைதிவ்யன், மிகிந்தலை ஏ. பாரிஸ் எஸ்.ஏ. இஸ்மத் பாத்திமா, சந்திரன் விவேகரன், பதுளை பாஹிரா, ஷெல்லிதாசன், மின்ஹா இமாம், எம்.எம்.எம். சப்ரி ஆகியோரது கவிதைகள் பல தலைப்புக்களைத் தாங்கி வெளிவந்திருப்பதைக் காண முடிகிறது. அதேபோன்று திருமதி பாயிஸா அலியுடனான நேர்காணலை நூலாசிரியரும் இதழாசிரியருமான ரிம்ஸா முஹம்மத் தந்திருக்கிறார். மேலும் இக்ராம் தாஹா, சூசை எட்வேட் என்போர் முறையே நியமனம், அவரின் மனிதாபிமானம் ஆகிய தலைப்புக்களில் சிறுகதைகளைத் தந்திருக்கிறார்கள். எஸ்.ஆர். பாலசந்திரன் ''இராஜ நீதி'' என்ற பெயரில் ஒரு சரித்திரக் கதையைத் தந்திருக்கிறார்.         (மேலும்)  26.04.2018

_______________________________________________________________________

ஹெச் 4 விசா அனுமதி ரத்து: அமெரிக்க எம்.பி.க்கள், தொழில் துறையினர் எதிர்ப்பு

அமெரிக்காவில் ஹெச்-1பி விசா அடிப்படையில் தங்கிப் பணியாற்றும் வெளிநாட்டினh1visaரின் மனைவி அல்லது கணவர் பணியாற்றுவதற்கு தடை விதிக்கும் டிரம்ப் நிர்வாகத்தின் முடிவுக்கு அந்நாட்டு எம்.பி.க்களும், தொழில் துறையினரும் எதிர்ப்பு தெரிவித்துள்ளனர்.    அமெரிக்காவில் ஹெச்-1பி விசா அடிப்படையில் வெளிநாட்டினர் ஏரளாமானோர் தங்கிப் பணியாற்றி வருகின்றனர். அவர்கள், தங்களது மனைவி அல்லது கணவரை ஹெச்-4 விசா அடிப்படையில் அமெரிக்காவுக்கு அழைத்து வரலாம். அவர்களும் அமெரிக்காவில் பணியாற்றலாம். இந்தத் திட்டத்தை முந்தைய ஒபாமா அரசு கொண்டு வந்தது. இந்தத் திட்டத்தின் கீழ், ஆயிரக்கணக்கான இந்தியப் பெண்கள் பணியாற்றி வருகின்றனர். இந்நிலையில், ஹெச்-4 விசா திட்டத்தை ரத்து செய்வது குறித்து டிரம்ப் நிர்வாகம் தீவிரமாகப் பரிசீலித்து வருகிறது. அரசின் இந்த நடவடிக்கைக்கு தொழில் துறையினர் கடும் எதிர்ப்பு தெரிவித்து வருகின்றனர்.         (மேலும்)  26.04.2018

_______________________________________________________________________

ஐவரின் உயிரிழப்புக்கு காரணமான தொழிற்சாலையின் உயரதிகாரிகள் மீண்டும் விளக்கமறியலில்

கைது செய்யப்பட்ட ஹொரணை, பெல்லப்பிட்டிய பிரதேசத்தில் உள்ள இறப்பர் தொழிற்சாலையின் முகாமையாளர் மற்றும் நிறுவனத்தின் சிரேஷ்ட இரசாயன கட்டுப்பாட்டளர் ஆகிய இருவரும் மீண்டும் விளக்கமறியலில் வைக்கப்பட்டுள்ளனர்.இருவரையும் எதிர்வரும் 27ம் திகதி வரையில் விளக்கமறியலில் வைக்க உத்தரவிடப்பட்டுள்ளது.ஹொரணை நீதவான் நீதிமன்றம் இந்த உத்தரவை பிறப்பித்ததாக எமது நீதிமன்ற செய்தியாளர் கூறினார்.ஹொரணை, பெல்லப்பிட்டிய பகுதியில் உள்ள இறப்பர் கைத்தொழிற்சாலையில் கடந்த 19ம் திகதி ஏற்பட்ட அனர்த்தத்தில் ஐந்து பேர் உயிரிழந்துள்ளனர்.அமோனிய அடங்கியுள்ள தாங்கியில் ஊழியர் ஒருவர் விழுந்ததுடன், அவரை காப்பாற்றச் சென்றவர்களும் நச்சு வாயுவை சுவாசித்ததால் மயக்கமுற்று அந்த தாங்கியில் விழுந்து உயிரிழந்தனர்.இதனையடுத்து நிறுவனத்தின் முகாமையாளர் கடந்த 19ம் திகதி கைது செய்யப்பட்டதுடன், சிரேஷ்ட இரசாயன கட்டுப்பாட்டளர் கடந்த 21ம் திகதி கைது செய்யப்பட்டிருந்தார்.

_______________________________________________________________________

வெள்ளை வான் கடத்தல்களின் சூத்திரதாரி கோத்தபாயவே- மேர்வின்

வெள்ளை வான் கடத்தல்களின் முக்கிய சூத்திரதாரி முன்னாள் பாதுகாப்பு செயலாளர் கோத்தபாய ராஜபக்ஷவே என தெரிவித்துள்ள முன்னாள் பாராளுமன்ற உறுப்பினர் மேர்விmervinன் சில்வா வெள்ளை வான் கடத்தல்களிற்கான உத்தரவுகளை வழங்கிய கோத்தபாய ராஜபக்ஷவை  விசாரணை செய்வதற்கு எவருக்கும் முதுகெலும்பு இல்லை எனவும் தெரிவித்துள்ளார். உத்தரவு இன்றி எதுவும் இடம்பெற்றிருக்க முடியாது எனக்குறிப்பிட்டுள்ள மேர்வின் சில்வா வெள்ளை வான் கடத்தல்களிற்கான உத்தரவினை பாதுகாப்பு அமைச்சரோ அல்லது பாதுகாப்பு செயலாளரோ வழங்கியிருக்கவேண்டும் எனவும் குறிப்பிட்டுள்ளார்.  2012 வெலிக்கடை சிறைச்சாலை படுகொலைகளிற்காகவும் கோத்தபாய ராஜபக்ஷவை விசாரணை செய்யவேண்டும் எனவும் மேர்வின் சில்வா தெரிவித்துள்ளார்.பாதள உலகத்தவர்களுடன் எவருக்காவது தொடர்பிருந்தால் அவர் உடனடியாக கொலை செய்யப்பட்டார் இது குறித்து பொலிஸ் விசாரணைகள் எதுவும் இடம்பெறவில்லை எனவும் மேர்வின் சில்வா தெரிவித்துள்ளார்.பொலிஸார் இது குறித்து விசாரணைகளை மேற்கொள்ளவேண்டும் எனவும் கேட்டுக்கொண்டுள்ள மேர்வின் சில்வா படுகொலைகளில் ஈடுபடுவதற்கு எந்த அரசியல்வாதிக்கும் உரிமையில்லை எனவும் தெரிவித்துள்ளார்.

_______________________________________________________________________

பத்திரிகை சுதந்திரம்: இந்தியாவுக்கு 138-ஆம் இடம்

பத்திரிகைகளுக்கு சுதந்திரம் அளிப்பதில் இந்தியா 138-ஆம் இடத்தில் இருப்பதாக சர்வதேச ஆய்வறிக்கை ஒன்றில் தெரிவிக்கப்பட்டுள்ளது. கடந்த ஆண்டைக் காட்டிலும் இரண்டு இடங்கள் இந்தியா பின்னுக்கு வந்துள்ளது.   பத்திரிகை சுதந்திரத்தில் நார்வே இரண்டாம் முறையாக முதலிடத்தில் உள்ளது. பத்திரிகையாளர்கள் மீது அடக்குமுறைகளைக் கையாளும் நாடுகளில் வட கொரியா முன்னணியில் உள்ளது.  மொத்தம் 180 நாடுகளைக் கணக்கில் கொண்டு பத்திரிகை சுதந்திரத்துக்கான பட்டியல் வெளியிடப்பட்டுள்ளது. கடந்த ஆண்டைக் காட்டிலும் இந்தியா பின்னடைவை சந்தித்ததற்கு, செய்தியாளர்களுக்கு எதிராக வெறுப்பை தூண்டும் பேச்சுகளும், சில வன்முறைகளுமே காரணம் என தெரிவிக்கப்பட்டுள்ளது. குறிப்பாக, பிரதமர் நரேந்திர மோடி தலைமையிலான அரசு அமைந்த பிறகு, பத்திரிகையாளர்களுக்கு எதிராக இந்துத்வா ஆதரவாளர்கள் முன்வைக்கும் விமர்சனங்கள் மிகக் கடுமையாக உள்ளதாக கூறப்படுகிறது.    மத்தியில் ஆளும் கட்சியையோ அல்லது இந்துத்வா கொள்கையை விமர்சித்தோ ஏதேனும் கூறப்படுமானால், "பிரைம் மினிஸ்டர்ஸ் ட்ரோல் ஆர்மி' என்பவர்களிடம் இருந்து இணையதளத்தில் கடுமையான எதிர்ப்பு கிளம்புவதாகவும், சம்பந்தப்பட்ட எழுத்தாளரையோ அல்லது செய்தியாளரையோ கொலை செய்ய வேண்டும் என அவர்கள் வலியுறுத்துவதாகவும் ஆய்வறிக்கையில் தெரிவிக்கப்பட்டுள்ளது. பத்திரிகையாளர்கள் மீது அடக்குமுறையை கையாள்வதில் வட கொரியாவை தொடர்ந்து எரிடேரியா, துர்க்மெனிஸ்தான், சிரியா, சீனா ஆகிய நாடுகளும் இடம்பெற்றுள்ளன. சீனாவில் பத்திரிகையாளர்களை கடுமையாக கண்காணிப்பதாகவும், வெளிநாட்டு செய்தியாளர்கள் பணிபுரிய முடியாத சூழல் நிலவுவதாகவும், சமூக வலைதளங்களில் கருத்துகளை பகிரும் பொதுமக்களை கூட கைது செய்யுமளவு மோசமான நிலைமை இருப்பதாகவும் ஆய்வறிக்கை தெரிவிக்கிறது.

_______________________________________________________________________

இலங்கைப் பொலிஸாரின் பொருட்களை வைத்திருந்த பிரிட்டன் குடியுரிமை பெற்ற நபர் கைது

இலங்கைப் பொலிஸாரின் உத்தியோகபூர்வ சீருடைகள், உத்தியோகபூர்வ அடையாள அட்டைகள் மற்றும் தோட்டாக்கள் உள்ளிட்ட பொருட்களை வைத்திருந்த ஒருவர் திட்டமிடப்பட்ட குற்ற ஒழிப்பு பிரிவினரால் கைது செய்யப்பட்டுள்ளார்.நேற்று (24) காலை 10 மணியளவில் மீகொட பொலிஸ் பிரிவுக்குட்பட்ட தாம்பே பிரதேசத்தில் உள்ள வீடொன்றில் வைத்து சந்தேகநபர் கைது செய்யப்பட்டுள்ளார்.வெவ்வேறு தரநிலையில் உள்ள பொலிஸாரின் உத்தியோகபூர்வ சீருடைகள், பொலிஸ் அதிகாரிகளின் உத்தியோகபூர்வ அடையாள அட்டைகள் 16, சேவை ஆவணங்கள் 03, உத்தியோகபூர்வ இலாஞ்சனை பொறிக்கப்பட்ட தொப்பிகள் 02, வேறு நபர்களுடைய தேசிய அடையாள அட்டைகள் 12, கடவுச்சீட்டு 01 உட்பட போலி ஆவணங்கள் மற்றும் தடை செய்யப்பட்ட 04 கத்திகள் மற்றும் 20 தோட்டாக்களும் சந்தேகநபரிடமிருந்து கைப்பற்றப்பட்டுள்ளன.     கைது செய்யப்பட்டவர் போரகே பியல் சந்திரகுமார என்ற 49 வயதுடைய மீகொட பிரதேசத்தைச் சேர்ந்த பிரித்தானிய குடியுரிமை பெற்றவர் என்று பொலிஸார் தெரிவித்தனர்.அவர் இன்று ஹோமாகம நீதவான் நீதிமன்றில் ஆஜர் செய்யப்பட உள்ளதுடன், திட்டமிடப்பட்ட குற்ற ஒழிப்பு பிரிவினர் மேலதிக விசாரணைகளை ஆரம்பித்துள்ளனர்.

_______________________________________________________________________

யாழ்ப்பாணத்தில் கடவுளுக்கு காது கேட்கவில்லை

                                                                                               எஸ்.ரட்னஜீவன் எச்.ஹ_ல்

யாழ்ப்பாணத்தில் பொதுவாக தாராளவாத சிந்தனை கொண்ட மக்கள் உள்ளனர். சமீபத்தைய உள்ளுராட்சித் தேர்தல்களின்போது பிரசித்தி பெற்ற நல்லூர் கந்தசாமி கோவில் உள்ள நல்லூர் பிரதேசlautspeakerத்தில் கூட, ஒரு கிறீஸ்தவ பெண்ணே அங்கத்தவராகத் தெரிவானார்.  எனினும் எல்லா விடயமும் சரியாக அமைவதில்லை. இந்துமதத்தின் சகிப்புத்தன்மையற்ற ஆபத்தான அறிகுறிகள் அதிகரித்து வருகின்றன. இந்தியப் பிரதமரின் சிவசேனா மற்றும் மட்டக்களப்பு பாராளுமன்ற உறுப்பினர் யோகேஸ்வரன் ஆகியோர் பொதுக்கூட்டங்களில் பகிரங்கமாக இந்துக்களுக்கு மட்டும் வாக்களியுங்கள் என்;று அழைப்பு விடுத்திருந்தது பற்றி நான் இதற்கு முன்பும் எழுதியிருந்தேன், வட மாகாண முதலமைச்சர் கூட கிறீஸ்தவர்களை இழிவுபடுத்தி சூடான பேச்சுக்களை வெளியிட்டிருந்தார் (உதயன் 19.11.2016). ஒரு தேர்தல் முறைமையில் தாராளவாத சிந்தனையுள்ள கட்சிகள் கூட சில சமயங்களில் இனவாதமாக நடந்து கொள்கின்றன. நல்லூரில் வெற்றிபெற்ற வேட்பாளரான திருமதி ராஹினி ராமலிங்கம் இலங்கைத் தமிழரசுக் கட்சியிடம் (ஐரிஏகே) தனது வேட்பாளர் நியமனத்தைக் கோரியபோது, தாராளவாத எண்ணம் கொண்டவர்கள் என்று அறியப்பட்டவர்கள் கூட, இந்து வகுப்புவாதிகள் அளிக்கக்கூடியதாகவுள்ள சிறிதளவு வாக்குகளைக்கூட இழக்கக்கூடடிய ஆபத்தை நாங்கள் எடுக்கமுடியாது என்று கூறி அவருக்கு தங்கள் எதிர்ப்பை வெளியிட்டார்களாம்.        (மேலும்)  25.04.2018

_______________________________________________________________________

 அண்டியன் எக்ஸ்பிரஸ்

- நடேசன்

இரயில்ப்பயணம் எனக்குப் பிடித்தது யாழ்ப்பாணம்- கொழும்பு அதன்பின் கண்டி மலையகம் என மாணவப் பருவத்திலும் சென்னை-டெல்கி பம்பாய்- திருவனந்தபுரம் என தொடந்து பின்பு ஐரோப்பaeாவின் இரயில்களில் நாடுகள் ஊடாகப் பியாணம் செய்திருக்கிறேன். இப்பொழுது நான் எழுதும் இந்தப் பிரயாணம் மிகவும் வித்தியாசமானது     இன்கா அரச பரம்பரையின் தலைநகரான குஸ்கோ அவர்களது தொப்பிள் எனச் சொல்வார்கள். ஆனால் இன்காக்களின் வரலாறு தொடங்கிய இடம் புனாவுக்கு அருகில் உள்ள வாவி. ((Lake Titicaca) இந்த வாவியில் இருந்தே இன்காக்களின் ஆரம்ப மூதாதையர் தோன்றுகிறார்கள். ஆரம்ப மூதாதையினர் விவிலியத்தில் மண்ணில் இருந்து உருவாகுவாகவது போல் இங்கும் மண்ணில் இருந்து சூரியக்கடவுளால் உருவாக்கப்பட்டு அனுப்பப்பட்டனர் என்பது அவர்களது நம்பிக்கை. ஆண்கள் விவசாயத்திலும் பெண்கள் ஆடைகள் நெய்வதிலும் நிபுணர்களாக மற்றய மனிதர்களுக்கு கற்பிக்க அங்கிருந்து அனுப்பப்பட்டதாக அவர்களது ஐதீகம்.          (மேலும்)  25.04.2018

_______________________________________________________________________

தமிழகத்தில் தற்போது 95 ஆயிரம் ஈழ அகதிகள் உள்ளதாக தகவல் வௌியாகியுள்ளது

தமிழகத்தில் தற்போது 95 ஆயிரம் ஈழ அகதிகள் உள்ளதாக தகவல் வெளியிடப்பட்டுள்ளது.     மீள்க்குடியேற்றம் மற்றும் புனர்வாழ்வு அமைச்சின் தகவல்களில் இந்த விடயத்தைtamilrefugees1 அறியக்கூடியதாக உள்ளது.   தமிழகத்தில் ஒரு லட்சத்து 2 ஆயிரத்து 193 ஈழ அகதிகள் தங்கியுள்ளனர்.  110 அகதிகள்  முகாம்களில் 19 ஆயிரத்து 916 குடும்பங்களைச் சேர்ந்த 67 ஆயிரத்து 436 அகதிகளும் நண்பர்கள் மற்றும் உறவினர்கள் இல்லங்களில் 34 ஆயிரத்து 757 அகதிகளும் வசிக்கின்றனர்.       அவர்களுள் கடந்த 2011 ஆம் ஆண்டு முதல் 2017 டிசம்பர் 31 ஆம் திகதிவரை 6 ஆயிரத்து 900 ஈழஅகதிகள் நாடு திரும்பியுள்ளதாக அமைச்சின் தகவல்களில் தெரிவிக்கப்பட்டுள்ளது. 2011 இல் ஆயிரத்து 728 பேரும் 2012 இல் ஆயிரத்து 291 பேரும்  2013இல் 718 பேரும் 2014இல் 338 பேரும்   2015இல் 453 பேரும்    2016இல் 852 பேரும்  2017இல் ஆயிரத்து 520 பேரும் இலங்கை திரும்பியுள்ளனர்.      சென்னையில் உள்ள இலங்கையின் துணை உயர்ஸ்தானிகராலய தகவல்களை அடிப்படையாகக் கொண்டு மீள்க்குடியேற்றம் மற்றும் புனர்வாழ்வு அமைச்சு இந்தத் தகவலை வெளியிட்டுள்ளது.

_______________________________________________________________________

யாழ். பல்கலைக்கழக வவுனியா வளாக புத்தர் சிலை சர்ச்சைக்கு தீர்வு

யாழ் பல்கலைக்கழகத்தின் வவுனியா வளாகத்தில் சிங்கள மாணவர்கள் புத்தர் சிலை வைப்பதற்கு முன்னெடுத்த முயற்சியால் ஏற்பட்ட குழப்ப நிலை சமரசப பேச்சுக்களால் சுமுக நிலைக்கு வந்தது.     யாழ்ப்பாண பல்கலைக்கழக மாணவர் ஒன்றியப் பிரதிநிதிகளும் வவுனியா பொலிஸாரும் இன்று மாலை சிங்கள மாணவர்களுடன் பேசி, புத்தர் சிலை விவகாரத்தால் ஏற்பட்ட குழப்ப நிலையை சுமுக நிலைக்கு கொண்டு வந்தனர். வவுனியா வளாகத்தின் பம்பைமடுவில் அமைந்துள்ள வியாபார கற்கைகள் பீடத்தில் கல்வி பயிலும் சிங்கள மாணவர்கள் அங்கு புத்தர் சிலை ஒன்றை நிறுவுவதற்கு அதற்கான கூட்டை நேற்று (23) அமைத்தனர். பல்கலைக்கழகத்தில் அனுமதி பெறாது மாணவர்கள் மேற்கொண்ட இந்த முயற்சியை பல்கலைக்கழக நிர்வாகம் தடுத்து நிறுத்தியது.        (மேலும்)  25.04.2018

_______________________________________________________________________

விடுதைப் புலிகளின் நிலக்கீழ் பதுங்கு குழி கண்டுபிடிப்பு

கிளிநொச்சியில் விடுதைப் புலிகளின் நிலக்கீழ் பதுங்கு குழி ஒன்று கண்ltte bunkerடுபிடிக்கப்பட்டுள்ளது.கிளிநொச்சி, பளை நகருக்கு அண்மித்த அரசர்கேணி பிரதேசத்தில் இந்த நிலக்கீழ் பதுங்கு குழி கண்டுபிடிக்கப்பட்டுள்ளது.குறித்த காணியின் உரிமையாளர் காணியை சுத்தம் செய்யும் போது சீமேந்தால் கட்டப்பட்ட சுவர் தென்பட்டதையடுத்து சந்தேகம் கொண்டு, அருகில் இருந்த இராணுவ முகாமிற்கு தகவல் வழங்கியுள்ளார்.இதனையடுத்து சம்பவ இடத்துக்கு சென்ற இராணுவத்தினர் குறித்த காணியில் இருப்பது விடுதைப் புலிகளின் நிலக்கீழ் பதுங்கு குழி என்பதை உறுதி செய்துள்ளனர்.குறித்த பதுங்கு குழியானது சுமார் 35 அல்லது 45 அடி நிலமட்டத்தில் இருந்து கீழ் செல்வதாக அங்கிருக்கும் எசெய்தியாளர் தெரிவிக்கின்றார்.

_______________________________________________________________________

maydaymeeting

_______________________________________________________________________

கிளிநொச்சியில் மீட்கப்பட்ட சிசு உயிரிழந்தது

கிளிநொச்சி வைத்தியசாலைக்கு அருகில் கைவிடப்பட்டிருந்த நிலையில் மீட்கப்பட்ட சிசு உயிரிழந்துள்ளதாக காவற்துறையினர் தெரிவிக்கின்றனர்.கடந்த ஜனவரி மாதம் மீட்கப்பட்ட குறித்த குழந்தை கிளிநொச்சி வைத்தியசாலையால் பராமரிக்கப்பட்டு வந்த நிலையில் சில வாரங்களுக்கு முன் உயிரிழந்துள்ளதாக கூறப்படுகிறது.சிசுவின் பெற்றோர் அடையாளம் காணப்படாமையால் சிசுவின் சடலத்தினை உரியவர்களிடம் ஒப்படைக்க முடியாத நிலையில் வைத்தியசாலையின் பிரேத அறையில் வைக்கப்பட்டுள்ளதாக காவற்துறையினர் கூறுகின்றனர்.இதேவேளை உயிரிழந்த சிசுவின் சடலத்தினை பொறுப்பேற்க பெற்றோர், உறவினர்கள் யாராவது முன்வரும் பட்சத்தில் அவர்களிடம் சடலத்தினை கையளிக்க நடவடிக்கை மேற்கொள்ளப்படும் என தெரிவிக்கப்படுகிறது.

_______________________________________________________________________

படுகொலை செய்யப்பட்ட வித்தியாவின் சகோதரிக்கு அரச வேலை

படுகொலை செய்யப்பட்ட யாழ்ப்பாணத்தைச் சேர்ந்த மாணவி சிவலோகநாதன் வித்தியாவின் மூத்த சகோதரியான யாழ்ப்பாண பல்கலைகழக பட்டதாரி நிஷாந்தி சிவலோகநாதனுக்கு அபிவிருத்தி அலுவலர் நியமனம் வழங்கப்பட்டுள்ளது.அவர் தனது நியமனத்தை இன்று முற்பகல் ஜனாதிபதி அலுவலகத்தில் ஜனாதிபதி மைத்ரிபால சிறிசேனவிடமிருந்து பெற்றுக்கொண்டார்.கடந்த வருடம் ஜனாதிபதி வவுனியாவுக்கு சென்றிருந்த போது மாணவி வித்தியாவின் வீட்டுக்கும் சென்று அக்குடும்பத்தினரின் சுகதுக்கங்களை கேட்டறிந்தார்.இதன்போது அவர்களுக்கு வழங்கப்பட்ட வாக்குறுதிக்கு ஏற்ப இந்த நியமனத்தை வழங்க நடவடிக்கை எடுக்கப்பட்டுள்ளதாக ஜனாதிபதி ஊடகப் பிரிவு தெரிவித்துள்ளது.

_______________________________________________________________________

சிங்கப்பூரில் கைதானவரை விட டுபாயில் கைதான உதயங்கவை கொண்டு வருவது கடினம்

ரஷ்யாவுக்கான முன்னாள் இலங்கைத் தூதுவர் உதயங்க வீரதுங்க டுபாய் நாட்டில் கைது செய்யப்பட்டுள்ளதாகவும், அவரை நாட்டுக்கு கொண்டுவர நடவடிக்கைகள் எடுக்கப்பட்டுக் கொண்டிருப்பதாகவும் பொலிஸ் மா அதிபர் பூஜித் ஜயசுந்தர கூறினார்.    சட்டம் மற்றும் ஒழுங்கு அமைச்சில் ஊடகவியலாளர்களுடன் இன்று இடம்பெற்ற சந்திப்பில் கலந்து கொண்டு உரையாற்றும் போதே அவர் இதனைக் கூறினார். இதன்போது சட்டம் மற்றும் ஒழுங்கு அமைச்சர் ரஞ்சித் மத்தும பண்டார, அமைச்சின் செயலாளர், பொலிஸ் மா அதிபர் பூஜித் ஜயசுந்தர மற்றும் பொலிஸ் ஊடகப் பேச்சாளர் ருவன் குணசேகர ஆகியோர் கலந்து கொண்டிருந்தனர்.  ரஷ்யாவுக்கான முன்னாள் இலங்கைத் தூதுவர் உதயங்க வீரதுங்க டுபாய் நாட்டில் கைது செய்யப்பட்டிருப்பது, அவர் அந்த நாட்டில் இழைத்த தவறுக்காகவே என்று பொலிஸ் மா அதிபர் பூஜித் ஜயசுந்தர இதன்போது சுட்டிக்காட்டினார்.        (மேலும்)  25.04.2018

_______________________________________________________________________

பரஸ்பர உரையாடலுக்கும் உறவுக்குமான அழைப்பு

விமர்சனங்களை எதிர் கொள்ளுதல்

-     கருணாகரன்

(02)


ஈழத்தில் நடந்த போரும் அது உண்டாக்கிய விளைவுகளும் ஈழத்து இலக்கியச் சூழலைப் பாதித்தது. வெளிப்பாட்டுக்கான வாய்ப்புகளை முடக்கியது என்பதெல்லாம் உண்மையvallinam teamே. இதற்குள்ளும் ஆர். எம். நௌஷாத், ஹஸீன், ஓட்டமாவடி அறபாத், அனார், த. மலர்ச்செல்வன், வி.கௌரிபாலன். திசேரா, நிலாந்தன். பா. அகிலன், ஸர்மிலா ஸெய்யித், றியாஸ் குரானா, ஜமீல், ரிஷான் ஷெரிப், கருணாகரன், யோ. கர்ணன், யதார்த்தன், சித்தாந்தன், தானா விஷ்ணு, சி.ரமேஸ், மயூரரூபன், அனோஜன் பாலகிருஸ்ணன், ந. சத்தியபாலன், கிரிஷாந், தமிழ்க்கவி, சுயாந்தன், பிரிந்தன், ஈ.சு.முரளிதரன், பரணிதரன், சோ.ப, தீபச்செல்வன், இராகவன், சோலைக்கிளி, சாந்தன், முஸ்டீன், உடுவில் அரவிந்தன், அ.ச. பாய்வா எனக் குறிப்பிடக்கூடிய பலர் எழுதி வருகின்றனர். வெளியீட்டு முயற்சிகளும் நடக்கின்றன. ஆனாலும் வாசிப்பு, விமர்சனம், புதிய அலைகளை உண்டாக்கக்கூடியவாறான எழுத்து, படைப்புச் செயற்பாடு என்றால் அது குறைவே. விமர்சனம் என்பது இல்லை என்ற நிலையே தொடர்கிறது.         (மேலும்)  24.04.2018

_______________________________________________________________________

தென்மராட்சி மட்டுவில் மற்றும் சாவகச்சேரி பகுதிகளில் வீடுகளை அடித்து நெறுக்கிய   கும்பல்

தென்மராட்சி மட்டுவில் மற்றும் சாவகச்சேரி பகுதிகளில் நேற்று (22) இரவு தொடக்கம் இன்று (23) அதிகாலை வரை கிராம சேவகரின் வீடு உட்பட்ட மூன்று வீடுகளுக்குள் நுழைந்த ரவுடிக் கும்பல் பெரும் அட்டகாசத்தில் ஈடுபட்டனர்.  நேற்று இரவு 11 மணியளவில் சாவகச்சேரி பொலிஸ் நிலையத்தில் இருந்து 1 கிலோ மீற்றர் தூரத்தில் அமைந்துள்ள மட்டுவில் வளர்மதி பகுதியில் வசிக்கும் உடுவில் பிரதேச செயலக பிரிவில் கடமையாற்றும் கிராம சேவகரின் வீட்டுக்குள் வாள் மற்றும் கோடரி போன்ற ஆயுதங்களுடன் நுழைந்த 6 பேர் கொண்ட கும்பல் தாக்குதல் நடத்திவிட்டு தப்பிச்சென்றனர்.  இத் தாக்குதல் தொடர்பாக நேற்று இரவு உடனடியாகவே கிராம சேவகரால் சாவகச்சேரி பொலிஸ் நிலையத்தில் முறைப்பாடு செய்யப்பட்டும் இன்று மதியம் 12 மணி வரைக்கும் சம்பவ இடத்திற்கு பொலிஸார் வருகை தரவில்லை. இதையடுத்து பாராளுமன்ற உறுப்பினர் த.சித்தார்த்தன் மற்றும் மாகாண சபை உறுப்பினர் பா.கஜதீபன் ஆகியோருக்கு கிராம சேவகர் சம்பவம் தொடர்பில் தெரிவித்துள்ளார்.        (மேலும்)  24.04.2018

_______________________________________________________________________

இலங்கையில் குரோதத்தை ஏற்படுத்தக்கூடிய பதிவுகளை அடையாளம் கண்டு நீக்குவதற்கான பொறிமுறை ஒன்று பேஸ்புக் நிறுவனத்திடம் இல்லை.

பேஸ்புக் நிறுவனமானது, இலங்கைப் போன்ற வளர்முக நாடுகளில் குரோதப் பதிவுகளை நீக்குவதற்கு போதுமான அளவு செயலூக்கத்தை வெளிப்படுத்தவில்லை என்று குற்றம் சுமத்தப்பட்டுள்ளanti muslim violenceது.    நியுயோர்க் டைம்ஸ் வெளியிட்டுள்ள ஆய்வு அறிக்கை ஒன்றில் இந்த தகவல் தெரிவிக்கப்பட்டுள்ளது.   இலங்கையின் கண்டி, அம்பாறை போன்ற பகுதிகளில் அண்மையில் இடம்பெற்ற குழப்பநிலைமைகளுக்கு, பேஸ்புக் ஊடாக பரப்பப்பட்ட குரோதத் தகவல்கள் காரணமாக அமைந்தன  .ஒரு சம்பவம் இடம்பெற்றதன் பின்னர், அதற்கு இனச்சாயம் பூசப்பட்டு பேஸ்புக்கில் பரவ விடப்பட்டமையால், பல்வேறு வன்முறை சம்பவங்கள் பதிவானதாக கூறப்படுகிறது. இதன்காரணமாகவே இலங்கையில் சில தினங்களுக்கு பேஸ்புக் உள்ளிட்ட சமுக வலைத்தளங்களுக்கு தடைவிதிக்கப்பட்டிருந்தது.        (மேலும்)  24.04.2018

_______________________________________________________________________

கிழக்கிலங்கை முஸ்லிம் ஆளுமைக்கு வித்திட்ட சுவாமி விபுலானந்த அடிகளார்'.

சாதி மத பேத மற்ற மகானாக வாழ்ந்த ஒரு அற்புத ஞானி-

விபுலானந்தர் பற்றிய ஆவணப் படம் சொல்லும் பல அரிய உண்மைகள்

இராஜேஸ்வரி பாலசுப்பிரமணியம்-23.4.18.

'அரங்கம்' அமைப்பு சார்பில் எடுக்கப் பட்டிருக்கும்'முத்தமிழ் வித்தகர் விபுலானந்த அடிகள்' என்ற ஆவணப் படத்தை இன்றைய இளைய தலைமுறை கட்டாயம் பார்ப்பதற்குப் பல உதாரணங்களை vipulanantharஇங்கு முன்வைக்கலாம். இந்தச் சிறு கட்டுரையில், சாதி மத பேதமின்றி,யாவருக்கும் கல்வியறிவைக் கொடுக்கவேண்டுமென்ற அவரது கனவால் இன்ற கிழக்கிலங்கை மட்டுமல்ல இலங்கை பூராவும் முஸ்லிம் மக்கள் கல்வியில் முன்னேறியிருப்பதற்கு அவர் செய்த கைங்கரியம் பற்றி ஒரு முஸ்லிம் எழுத்தாளர், ஆய்வாளர்,சொன்னவற்றை எழுத்துருவிற் தருகிறேன்.    கனடா வாழ்,தர்மராஜா பாபு வசந்தகுமார் அவர்களின் தயாரிப்பு அனுசரணையுடன்,'அரங்கம்'அமைப்பின் சீவகன்,அவரின் குடும்பத்தினர், மற்றும் பல கலைஞர்களின் உதவியுடன் எடுக்கப் பட்டிருக்கும் இந்த ஆவணப் படம், விபுலானந்த அடிகளார் பற்றிய பன்முக ஆய்வுகளுக்கு அடித்தளமிட்டிருக்கிறது.இந்த ஆவணப் படத்தை வெளிக் கொண்டுவரப் பாடுபட்ட அத்தனைபேருக்கும் எனது மனதார்ந்த நன்றிகள்.          (மேலும்)  24.04.2018

_______________________________________________________________________

யாழ் பல்கலைக்கழக வவுனியா வளாகம் காலவரையறையின்றி மூடல்

புத்தர் சிலை வைப்பு விவகாரம் ஒன்று தொடர்பில் ஏற்பட்டுள்ள நிலைமையைvavuniya uni சுமூகமாக தீர்த்துக் கொள்ளும் முகமாக, யாழ்ப்பாண பல்கலைக்கழகத்தின் வவுனியா வளாகம் காலவரையறையின்றி மூடப்பட்டுள்ளது.    வவுனியா வளாக முதல்வர், கலாநிதி மங்களேஸ்வரன் இந்த தகவலை எமது செய்தி சேவைக்கு வழங்கினார். குறித்த வளாகத்தில் அனைத்து மதங்களதும் சின்னங்களை வைப்பதற்கான தீர்மானம் ஒன்று ஏற்கனவே மேற்கொள்ளப்பட்டிருந்தது.    எனினும் கடந்த சனிக்கிழமை புத்தர் சிலையை வைப்பதற்கான அமைப்பு ஒன்றை பலவந்தமாக மாணவர்கள் சிலர் வளாகத்தினுள் கொண்டுவந்தததை அடுத்து, நிர்வாகம் அதனை தடுத்துள்ளது. பின்னர் இன்று நிர்வாகத்தினரால் குறித்த அமைப்பு கையகப்படுத்தப்பட்ட போது, மாணவர்கள் சிலர் முறைக்கேடாக நடந்துக் கொண்டதாகவும், இந்தநிலையில் இந்த நிலைமைக்கு சுமுக தீர்வு ஏற்படும் வரையில் பல்கலைக்கழக கல்விச் செயற்பாடுகளை இடைநிறுத்தவும் தீர்மானிக்கப்பட்டுள்ளது.         (மேலும்)  24.04.2018

_______________________________________________________________________

இலங்கைக்கு சீனா விடுத்துள்ள எச்சரிக்கை

இலங்கைக்கும் சீனாவிற்கும் இடையிலான நல்லுறவை சீர்குலைக்க சூழ்ச்சிகள் இடம்பெறுகின்றமை தொடர்பில், இலங்கை அவதானமாக இருக்க வேண்டும் என்று சீனா வலியுறுத்தியுள்ளது.சீனாவின் இலங்கைக்கான தூதுவர் செங் சியுஆன், பிரதமர் ரணில் விக்ரமசிங்க மற்றும் இராணுவ தளபதி வைஸ் அட்மிரல் சிறிமெவன் ரணசிங்க ஆகியோருடனான பிரத்தியேக சந்திப்புகளின் போது இந்த கருத்தை வெளியிட்டுள்ளார்.ஹம்பாந்தோட்டை துறைமுகத்தின் ஊடாக சீனா இராணுவ செயற்பாடுகளை முன்னெடுக்கவிருப்பதாக உண்மைக்கு புறம்பான தகவல்கள் வெளியாகியுள்ளன.இவ்வாறான தகவல்கள் இலங்கை – சீன உறவில் விரிசலை ஏற்படுத்துவதற்காக பரப்பப்படுவன என்று அவர் குறிப்பிட்டுள்ளார்.இவை தொடர்பில் இலங்கை எச்சரிக்கையாக இருக்க வேண்டும் என்றும் அவர் கோரியுள்ளார்.

_______________________________________________________________________

பரஸ்பர உரையாடலுக்கும் உறவுக்குமான அழைப்பு

 -     கருணாகரன்

(01)

மலேசியாவிலிருந்து “வல்லினம்” இலக்கியச் செயற்பாட்டியக்கத்தைச் சேர்ந்த குழுவினர் 2018 ஏப்ரல் மூன்றாவது வாரத்தில் இலங்கைக்கு வந்திருந்தனர். அவர்களுடையkarunakarn vallinam வருகையின் நோக்கம் மலேசிய இலக்கியம் பற்றிய அறிமுகத்தையும் அதையொட்டிய பரஸ்பர இலக்கிய உரையாடல்கள், அறிமுகங்களையும் நிகழ்த்துவது. இதை வல்லினம் இதழின் ஆசிரியர் ம. நவீன் தன்னுடைய பதிவில் கீழ்வருமாறு தெளிவாக விளக்கியுள்ளார். “‘வல்லினம் 100’ களஞ்சியத்தை இலங்கையில் அறிமுகம் செய்வதன் வழி மலேசிய – சிங்கப்பூர் நவீன தமிழ் இலக்கியம் மட்டுமல்லாது சமகாலத்தில் இந்நாட்டின் அரசியல், சமூகச் சூழலையும் இன்னொரு நிலப்பரப்புக்குக் கடத்த முடியும். மலேசியத் தமிழர்கள் கலை வெளிப்பாட்டின் சாதக, பாதகங்களை அறிய அவர்களின் வாழ்வியலையும் வரலாற்றையும் உள்வாங்க வேண்டியுள்ளது. ‘வல்லினம் 100’ களஞ்சியம் அத்தகையதொரு குறுக்குவெட்டு பார்வையை வழங்கவே திட்டமிட்டு உருவாக்கப்பட்டது. எனவே அதை சிங்கப்பூர், தமிழகத்தை அடுத்து இலங்கையில் பரவலான கவனத்திற்கு எடுத்துச் செல்வது உலகத் தமிழர்கள் பார்வைக்கு மலேசியத் தமிழ்ச் சமூகத்தின் ஒரு பக்கத்தைக் காட்டும் பணி என்றே உருவகித்துக்கொண்டோம்” என.        (மேலும்)  23.04.2018

_______________________________________________________________________

 தமிழ் மக்களின் மனிதநேயத்தை நான் நன்கு உணர்ந்து கொண்டுள்ளேன் என வட மாகாண ஆளுநர்

 தமிழ் மக்களின் மனிதநேயத்தை நான் நன்கு உணர்ந்து கொண்டுள்ளேன் என வட மாகாண ஆளுநர் றெஜினோல்ட் குரே தெரிவித்துள்ளார்.reginold 1      புங்குடுதீவு அம்பலவாணர் கலையரங்கத்தின் முதலாம் ஆண்டு நிகழ்வில் இன்று (22) பிரதம விருந்தினராக கலந்து கொண்டு உரையாற்றும் போது அவர் இதனை தெரிவித்துள்ளார். கடந்த ஒரு வாரங்களுக்கு முன்பதாக மத்திய மாகாண ஆளுநராக நான் நிமிக்கப்பட்டபோதும் ஒரு நாளேனும் அக்கடமையினை செய்யாது மீண்டும் வட மாகாணத்திற்கு சேவையாற்ற வந்திருக்கின்றேன். அந்த தருணத்தில் தமிழ் மக்களின் மனிதநேயப் பண்பினை நான் நன்கு அறிந்து கொண்டேன்.     வடமாகாணத்திற்கு நான் ஆளுநராக கடமைக்கு வரும்போது என்னுடய மனைவி அங்கே போகவேண்டாம் என்று சொல்லி அழுதார். நான் இறக்க நேரிடும் என்று கூறினார்.  இன்று அவரும் இங்கே வடக்கு மாகாணத்திற்கு வந்திருக்கின்றார். அவருக்கும் வடக்கு தமிழ் மக்களின் மனிதநேயம் நன்றாக புரிந்துவிட்டது.          (மேலும்)  23.04.2018

_______________________________________________________________________

இசை நிகழ்ச்சியின் மீது துப்பாக்கி பிரயோகம் - ஒருவர் பலி

நிட்டம்புவ, அத்தனகல்ல விகாரைக்கு அருகில் நேற்று (21) இரவு இடம்பெற்ற இசை நிகழ்ச்சியின் மீது மேற்கொள்ளப்பட்ட துப்பாக்கி பிரயோகத்தில் ஒருவர் உயிரிழந்துள்ளதுடன் மேலும் நால்வர் பலத்த காயங்களுக்கு உள்ளாகியுள்ளனர்.புத்தாண்டு விளையாட்டுக்களை தொடர்ந்து நேற்று (21) இரவு இடம்பெற்ற இசை நிகழ்ச்சிக்கு இனந்தெரியாத குழுவினர் துப்பாக்கி பிரயோகம் மேற்கொண்டுள்ளதாக பொலிஸார் தெரிவிக்கின்றனர்.ஹெய்யின்துடுவ பகுதியை சேர்ந்த 37 வயதுடைய பிரபல வியாபாரி ஒருவரே இவ்வாறு உயிரிழந்துள்ளார்.இந்த சம்பவத்தில் காயமடைந்த பெண்ணொருவர் உட்பட 4 பேரும் வத்துபிட்டிவல வைத்தியசாலையில் அனுமதிக்கப்பட்டுள்ளனர்.​இந்த துப்பாக்கி பிரயோகம் மேற்கொள்ளப்பட்டமைக்கான காரணம் இதுவரையில் அடையாளம் காணப்படவில்லை.

_______________________________________________________________________

உலகின் மிகவும் வயதான பெண் 117-ஆவது வயதில் மறைவு

உலகின் மிகவும் வயதான ஜப்பானிய பெண் தனது 117-ஆவது வயதில் இயற்கை எய்தினார்.  இதுகுறித்து கிகாய் நகர அதிகாரிகள் தெரிவித்ததாவது:  உலகின் மிக வயது முதிர்ந்தவரான நபி தNABIஜிமா (117) (படம்), ஜப்பானின் ககோஷிமா மாகாணம், ஒஸிமா மாவட்டத்துக்குட்பட்ட கிகாய் நகரில் வசித்து வந்தார். இவர் கடந்த ஜனவரி மாதம் முதல் உடல்நலக்குறைவு காரணமாக மருத்துவமனையில் இருந்து வந்தார். இந்த நிலையில், அவருக்கு நோய்த்தொற்று அதிகமானதையடுத்து சனிக்கிழமை (ஏப்.21) இரவு 8 மணிக்கு மருத்துவமனையிலேயே உயிரிழந்தார் என்று அந்த அதிகாரிகள் தெரிவித்தனர். நபி தஜிமா கடந்த 1900-ஆம் ஆண்டு ஆகஸ்ட் 4-ஆம் தேதி பிறந்தவர். இவருக்கு, 160-க்கும் மேற்பட்ட பேரக் குழந்தைகள் உள்ளனர். ஜமைக்காவில் 117-ஆவது வயதில் மரணமடைந்த வயலட் ப்ரௌவுனுக்கு பிறகு மிகவும் வயதான நபராக இருந்தவர் நபி தஜிமா. தஜிமா மரணத்தையடுத்து, உலகின் மிகவும் வயதான பெண்மணியாக ஜப்பானைச் சேர்ந்த ஷியோ யோஷிதா உள்ளார். அவருக்கு வயது 116.

_______________________________________________________________________

2017ஆம் ஆண்டிற்கான மனித உரிமை நடைமுறைகள் தொடர்பான அறிக்கையை வௌியிட்டது அமெரிக்கா

மனித உரிமை நடைமுறைகள் தொடர்பான, 2017ஆம் ஆண்டிற்கான அறிக்கையை அமெரிக்கா வௌியிட்டுள்ளது.lanka report      நீதிப் பொறிமுறையை நடைமுறைப்படுத்துவதில் இலங்கை அரசாங்கம் வரையறையுடன் செயற்பட்டதாக, அந்த அறிக்கையில் குறிப்பிடப்பட்டுள்ளது.  அமெரிக்க இராஜாங்க உதவிச் செயலாளர் John J. Sullivan இனால் வௌியிடப்பட்டுள்ள இந்த அறிக்கையில் இலங்கை தொடர்பில் 25 பக்கங்களில் குறிப்பிடப்பட்டுள்ளது.      அரசாங்கம் அல்லது அதன் முகவர்கள் கொலைச் சம்பவங்களுடன் தொடர்புபட்டுள்ளதாக பதிவாகியுள்ளதாக இதில் குறிப்பிடப்பட்டுள்ளது.நாட்டில் துன்புறுத்தல்கள் தொடர்வதாக மனித உரிமைகள் அமைப்புக்களை மேற்கோள்காட்டி அமெரிக்காவின் அறிக்கையில் குறிப்பிடப்பட்டுள்ளது.      (மேலும்)  23.04.2018

_______________________________________________________________________

SACOSAN அமைப்புக்குக்கான  அலுவலகம் கண்டியில் அமைக்கப்படும்: அமைச்சர் ரவூப் ஹக்கீம்

டெல்லியில் 2020ஆம் ஆண்டு நடைபெறவுள்ள 8ஆவது தrhெற்காசியாவின் சுகநல பாதுகாப்பு மாநாட்டின்போது இலங்கையில் SACOSAN அமைப்புக்குக்கான  நிரந்தர அலுவலகம் கண்டியில் அமைக்கப்படுமென ஸ்ரீலங்கா முஸ்லிம் காங்கிரஸ் தலைவரும் அமைச்சருமான ரவூப் ஹக்கீம் தெரிவித்தார்.   பாகிஸ்தானில் நடைபெற்ற 7ஆவது தெற்காசியாவின் சுகநல பாதுகாப்பு மாநாட்டின் இறுதிநாள் அமர்வில் கலந்துகொண்டு உரையாற்றும்போதே அமைச்சர் இவ்வாறு தெரிவித்தார். அங்கு உரையாற்றிய அமைச்சர் ரவூப் ஹக்கீம் மேலும் கூறியதாவது;இஸ்லாமாபாத் நகரில் மற்றுமொரு SACOSAN மாநாடு வெற்றிகரமாக அரங்கேறியதையிட்டு நாம் பெருமைப்படுகிறோம். அடுத்ததாக டெல்லியில் நடைபெறவுள்ள எமது 8ஆவது மாநாட்டை ஆவலுடன் எதிர்பார்த்துக் காத்திருக்கிறோம்.        (மேலும்)  23.04.2018

_______________________________________________________________________

19 இராணுவத்தினர் வைத்தியசாலையில் அனுமதி

வவுனியாவில் உள்ள பம்பாமடுவ இராணுவப் பயிற்சிப் பள்ளியில் பயிற்சி பெற்ற 19 இராணுவத்தினர் வவுனியா வைத்தியசாலையில் இன்று (22) அனுமதிக்கப்பட்டனர்.இராணுவத் தலைமையகத்தின் பயிற்சிப் பள்ளியில் 50 க்கும் அதிகமான வீரர்கள் கலந்து கொண்ட இப்பயிற்சியின் போது, ​​ உடல் நிலை பாதிப்பிற்கு உள்ளான நிலையில் 19 இராணுவ வீரர்கள் வைத்தியசாலையில் அனுமதிக்கப்பட்டு உள்ளனர்.இந்த உடல்நிலை பாதிப்பு இவர்களுக்கு பயிற்சியின் போது குடிப்பதற்கு நீர் வழங்கப்படாமையால் ஏற்பட்டு இருக்கலாம் எனவும் இப்பகுதியில் நிலவும் சூடான வானிலை காரணமாக இந்த நிலைமை ஏற்பட்டு இருக்கலாம் எனவும் சந்தேகிக்கப்படுகிறதுஇவ்வாறு பாதிக்கப்பட்ட வீரர்கள் இராணுவத்தின் 25 வது படைப்பிரிவின் கீழ் பயிற்சி பெற்ற வீரர்கள் என்பதும் குறிப்பிடத்தக்கது

_______________________________________________________________________

மிக அதிக அளவில் ‘ஸ்மார்ட் போன்’ பயன்படுத்தினால் மனச்சோர்வு வரும்

‘ஸ்மார்ட் போன்’ உபயோகிப்போரின் எண்ணிக்கை நாளுக்கு நாள் அதிகரித்துக் கொண்டே வருகிறது.  தற்போதைய நிலவரப்படி நமது நாட்டில் 53 கோடிப்பேர் ‘ஸ்மார்ட் போன்’ பயSmartphone Userன்படுத்துவதாக புள்ளி விவரங்கள் கூறுகின்றன.இந்த நிலையில் ‘ஸ்மார்ட் போன்’ பயன்பாடு தொடர்பாக அமெரிக்காவின் சான்பிரான்சிஸ்கோ மாகாண பல்கலைக்கழகத்தின் 135 மாணவர்களிடம் ஆராய்ச்சி நடத்தப்பட்டது.      அந்த பல்கலைக்கழகத்தின் சுகாதார கல்வி பேராசிரியர் எரிக் பெப்பர், இணை பேராசிரியர் ரிச்சர்டு ஹார்வி நடத்திய இந்த ஆராய்ச்சியில், மிக அதிக அளவில் ‘ஸ்மார்ட் போன்’ பயன்படுத்துகிற மாணவர்கள் தனிமை உணர்வுக்கும், மனச்சோர்வுக்கும், பதற்றத்துக்கும் ஆளாவது தெரிய வந்து உள்ளது.வலி தாங்க முடியாமல் வலி நிவாரணிகளை எடுத்து, அதற்கு அடிமையாகி விடுவதுபோல, ஒரு கட்டத்தில் ‘ஸ்மார்ட் போன்’ பயன்படுத்துவோர் அதற்கு அடிமையாகி விடுவதாக இந்த ஆராய்ச்சியாளர்கள் தெரிவித்து உள்ளனர்.   ‘ஸ்மார்ட் போன்’ பயன்படுத்துவோர் தனிமை உணர்வுக்கு தள்ளப்படுவதற்கு காரணம், அவர்கள் சக மனிதர்களிடம் முகம் பார்த்து பேசாமல் போய்விடுவதுதான் என்கிறார்கள் ஆராய்ச்சியாளர்கள்.

_______________________________________________________________________

மார்க்சிஸ்ட் பொதுச் செயலாளராக சீதாராம் யெச்சூரி மீண்டும் தேர்வு

மார்க்சிஸ்ட் கம்யூனிஸ்ட் கட்சியின் பொதுச் செயலாளராக சீதாராம் யெச்சூரி இரண்டாவது முறையாக ஞாயிற்றுக்கிழமை மீண்டும் தேர்ந்தெடுக்கப்பட்டார்.mpi       மார்க்சிஸ்ட் கம்யூனிஸ்ட் கட்சியின் 22-ஆவது மாநாடு, ஹைதராபாதில் கடந்த 5 நாள்களாக நடைபெற்று வந்தது. அதில், கட்சியின் புதிய பொதுச் செயலாளரைத் தேர்வு செய்வது குறித்து கட்சியின் மூத்த தலைவர்களும், உறுப்பினர்களும் விவாதித்து வந்தனர். அதில், திரிபுரா முன்னாள் முதல்வர் மாணிக் சர்க்கார், அரசியல் தலைமைக் குழு உறுப்பினர் பிருந்தா காரத், கட்சியின் செயலர் பி.வி.ராகவலு ஆகியோரின் பெயர்கள் பரிசீலிக்கப்பட்டன. இறுதியில், சீதாராம் யெச்சூரி மீண்டும் ஒரு மனதாகத் தேர்ந்தெடுக்கப்பட்டார். அவரது நியமனத்துக்கு 95 உறுப்பினர்களைக் கொண்ட புதிய மையச் செயற்குழு ஒப்புதல் அளித்துள்ளது.         (மேலும்)  23.04.2018

_______________________________________________________________________

வேலை இல்லாத பட்டதாரிகள்

-    கருணாகரன்

பட்டதாரிகளுக்கான வேலை வாய்ப்புகளை வழங்குவதற்கு அரசாங்கம் தயைகூர்ந்து முன்வந்துள்ளது. ஏறக்குறைய இது ஒரு கருணைச் செயலே. 2012 இலிருந்து ஒவ்வொரு Graduates1ஆண்டும் பட்டதாரிகளாகப் பல்கலைக்கழகங்களிலிருந்து வெளியேறியவர்கள் தங்களுக்கு “அரச உத்தியோகமே வேணும்” என்று காத்திருந்தார்கள்.    இந்தக் காத்திருப்பு ஒன்றும் சாதாரணமானதல்ல. பெரும்போராட்டத்தின் மத்தியில் நிகழ்ந்த காத்திருப்பு. இப்படி “அரச உத்தியோகமே வேணும். அதைத் தவிர, எங்களால் வேறு எதையும் செய்ய முடியாது” என்று இந்த இளைய தலைமுறையினர் கருதுமளவுக்கு நிலைமையை உருவாக்கியது அரசாங்கமே. ஒன்று, அரசாங்கத்தின் மோசமான பொருளாதாரக் கொள்கை. தெளிவும் உறுதியும் இல்லாத பொருளாதாரக் கொள்கையை அரசாங்கம் மடியில் வைத்து தாலாட்டிக் கொண்டிருக்கிறது. இதனால் நாடே கடனில் மூழ்கிப் பஞ்சத்தில் பாடிக் கொண்டிருக்கிறது. மன்னிக்கவும் பஞ்சத்தில் வாடிக்கொண்டிருக்கிறது.         (மேலும்)  22.04.2018

_______________________________________________________________________

அரசாங்கத்தில் உள்ள குறைபாடுகளை ஏற்றுக் கொள்கிறேன்  சரத் பொன்சேகா

அரசாங்கத்தில் குறைபாடு இருப்பதை தான் ஏற்றுக் கொள்வதாகவும், அதற்காக முன்னர் இருந்த ஆட்சியை மீண்டும் கொண்டு வருவது தீர்வாகாது என்றும் பிரதேச அபிவிருத்தி அமைச்சர் சரத் பொன்சேகா கூறியுள்ளார். மக்களின் தேவைக்கு ஏற்ப அரசாங்கத்தில் சில மாற்றங்களை செய்துவிட்டு மக்களிடம் செல்ல வேண்டும் என்றும் அவ்வாறில்லாவிட்டால் ஐக்கிய தேசிய கட்சியான எமக்கு வருத்தப்பட வேண்டி ஏற்படும் என்றும் அவர் கூறியுள்ளார்.அரசாங்கத்தில் இருந்து விலகிய ஶ்ரீலங்கா சுதந்திர கட்சியின் 16 அமைச்சர்களும் அமைச்சரவைக்குள்ளும் அரசாங்கத்திற்குள்ளும் கெட்ட நேரமாக இருந்ததாக அமைச்சர் கூறியுள்ளார்.   அதேநேரம் எதிர்க்கட்சித் தலைவர் இரா. சம்பந்தனுடன் எவ்வித உடன்படிக்கையும் இல்லை என்றும் பிரதேச அபிவிருத்தி அமைச்சர் சரத் பொன்சேகா கூறியுள்ளார்.

_______________________________________________________________________

சுற்றுலாப் பயணிகள் பாதுகாப்புக்கு புதிய போலீஸ் சாவடிகள்: இலங்கை திட்டம்

இலங்கையில் உள்ள சுற்றுலா மையங்களையும் இங்கு வரும் சுற்றுலாப் பயணிகளtourையும் பாதுகாக்கும் வகையில் புதிய போலீஸ் சாவடிகளை அமைக்கப்போவதாக இலங்கை அரசாங்கம் அறிவித்துள்ளது.     இங்கு வரும் சுற்றுலாப் பயணிகள் மீது பாலியல் தாக்குதல் உட்பட சில தாக்குதல் சம்பவங்கள் இடம்பெற்றுள்ள நிலையிலேயே இந்த அறிவிப்பு வந்துள்ளது.குற்றச்செயல்களில் ஈடுபடுவோர், வாடிக்கையாளரை ஏமாற்றும் வழிகாட்டிகள் ஆகியோரிடம் இருந்து சுற்றுலாப் பயணிகளை பாதுகாக்கும் வகையில் மேலும் 20 வரையிலான போலீஸ் சாவடிகளை அல்லது நிலையங்களை அமைக்கப்போவதாக போலீஸ் தரப்பு பேச்சாளர் பூஜித ஜயசுந்தர ஊடகங்களுக்கு கூறியுள்ளார். ஏற்கனவே போலீஸாருக்கு அளவுக்கு அதிகமான வேலைப்பளு இருக்கும் நிலையில் இதற்கு மேலும் அதிகமாக ஆட்பலம் தேவைப்படும் என்றும் அவர் கூறியுள்ளார்.       (மேலும்)  22.04.2018

_______________________________________________________________________

 டெங்கு நோயாளர்கள் எண்ணிக்கை..

இந்த வருடத்தின் இதுவரையான காலப்பகுதியில் 15 ஆயிரத்து 578 டெங்கு நோயாளர்கள் பதிவdenque-1ாகியுள்ளதாக சுகாதார அமைச்சின் பருவகால நோய்கள் தொடர்பான பிரிவு தெரிவித்துள்ளது.கடந்த ஜனவரி மாதத்தில் 7 ஆயிரத்து 178 டெங்கு நோயாளர்களும், பெப்ரவரியில் 4 ஆயிரத்து 390 நோயாளர்களும், மார்ச் மாதத்தில் 3 ஆயிரத்து 264 நோயாளர்களும் பதிவாகியுள்ளதாக தெரிவிக்கப்படுகின்றது.இந்த நிலையில், இந்த மாதத்தின் இதுவரையான காலப்பகுதியில் 946 நோயாளர்கள் பதிவாகியுள்ளதாக தெரவிக்கப்படுகின்றது.இதுவரை பதிவாகியுள்ள நோயாளர்களில் 31 சதவீதமானவர்கள் மேல் மாகாணத்திலேயே அடையாளம் காணப்பட்டுள்ளனர்.3 தினங்களுக்கு அதிகமான காலம் காய்ச்சல் நீடிக்குமாயின் மருத்துவ சிகிச்சைகளை பெறுவதற்கான நடவடிக்கைகளை மேற்கொள்ளுமாறு சுகாதார அமைச்சின் பருவ நோய் பிரிவு தெரிவித்துள்ளது.

_______________________________________________________________________

சிறுமிகளை பலாத்காரம் செய்தால் மரண தண்டனை: அவசரச் சட்டத்துக்கு மத்திய அமைச்சரவை ஒப்புதல்

12 வயது வரையிலான சிறுமிகளை பாலியல் பலாத்காரம் செய்யும் குற்றவாளிகளுக்கு மரண தண்டனை விதிக்கும் வகையில் அவசரச் சட்டம் கொண்டு வருவதற்கு மத்திய அமைச்சரவை Hangசனிக்கிழமை ஒப்புதல் அளித்தது.    சிறார்களுக்கு எதிரான பாலியல் குற்றங்களை விசாரிப்பதற்கென புதிதாக விரைவு நீதிமன்றங்கள் அமைக்கவும், பாலியல் பலாத்கார சம்பவங்களில் தடயவியல் பரிசோதனை செய்வதற்காக, அனைத்து மருத்துவமனைகளுக்கும், காவல் நிலையங்களுக்கும் சிறப்பு பரிசோதனை சாதனங்கள் வழங்கவும் இந்த அவசரச் சட்டம் வழிவகை செய்துள்ளது. உத்தரப் பிரதேச மாநிலம், உன்னாவ் மாவட்டத்தில் இளம்பெண் ஒருவர் பாலியல் பலாத்காரம் செய்யப்பட்டார். ஜம்மு-காஷ்மீர் மாநிலம், கதுவாவில் 8 வயது சிறுமி, ஒரு கும்பலால் பலாத்காரம் செய்யப்பட்டு கொல்லப்பட்டார். கடந்த சில தினங்களுக்கு முன் சூரத் நகரில் சிறுமி ஒருவர் பலாத்காரம் செய்து, கொல்லப்பட்டார். தொடரும் இந்தச் சம்பவங்களைத் தடுக்கவும், குற்றவாளிகளுக்கு கடுமையான தண்டனை அளிக்கவும் அவசரச் சட்டம் கொண்டுவர மத்திய அரசு முடிவு செய்தது.       (மேலும்)  22.04.2018

_______________________________________________________________________

அரசாங்கத்தை சீரழிக்கும் செயற்பாட்டில் ஈடுபட்டவர்கள்..

அரசாங்கத்தில் இருந்து விலகிய 16 ஸ்ரீ லங்கா சுத்திர கட்சியின் உருப்பினர்கள், அரசாங்கத்தை சீரழிக்கும் செயற்பாட்டில் ஈடுபட்டவர்கள் என முன்னாள் ஜனாதிபதி சந்திரிக்கா பண்டாரநாயக்க குமாரதுங்க குற்றம் சுமத்தியுள்ளார்.அத்தனகல்ல பிரதேசத்தில் இன்று இடம்பெற்ற நிகழ்வில் கலந்து கொண்டு உரையாற்றும் போதே அவர் இந்த குற்றச்சாட்டை முன்வைத்தார்.அவர்கள் இன்றி அரசாங்கத்தை கொண்டு செல்வதில் எந்த விதமான பிரச்சினைகளும் இல்லை எனவும் அவர் தெரிவித்தார்.

_______________________________________________________________________

35 மில்லியன் பெறுமதியான கேரளா கஞ்சாவுடன் நான்கு பேர் கைது

வத்தளை ஹேக்கித்த பிரதேசத்தில் சுமார் 35 மில்லியன் ருபா பெறுமதியான கேரளா கஞ்சா மற்றும் ஹேஷ் வகைப் போதைப் பொருளுடன் நான்கு சந்தேகநபர்கள் கைது செய்யப்பட்டனர்.பொலிஸ் விஷேட அதிரடிப் படையினரால் இவர்கள் கைது செய்யப்பட்டுள்ளனர்.அவர்களிடமிருந்து சுமார் 150 கிலோ கிராம் கேரளா கஞ்சாவும், 02 ஹேஷ் வகைப் போதைப் பொருளும் பொலிஸ் விஷேட அதிரடிப் படையினரால் கைப்பற்றப்பட்டுள்ளது.கைது செய்யப்பட்ட சந்தேகநபர்கள் மேலதிக விசாரணைகளுக்காக பொலிஸ் போதை தடுப்பு பிரிவினரிடம் ஒப்படைக்கப்பட்டதாக பொலிஸ் விஷேட அதிரடிப் படையினர் தெரிவித்தனர்.

_______________________________________________________________________

பங்களாதேஷிடமிருந்து கற்றுக்கொள்ள வேண்டும்

                                      என்.சத்தியமூர்த்தி

யுத்தக் குற்றங்களை விசாரணை செய்வது போன்ற அனைத்தையும்; உடனடியாக மூடிவிடவேண்டும் என்று விரும்பும் ஸ்ரீலங்காவிலும் மற்றும் வெளிநாட்டிலுமுள்ள அனைவரும், சகsheikh தெற்காசிய நாடான பங்களாதேஷினை மட்டும் பார்க்கவேண்டிய தேவை உள்ளது. பங்களாதேஷின் சுதந்திரப் போருக்குப் பின்னர் முழுதாக நான்கு தசாப்தங்களுக்கு மேலான காலம் கடந்தபின்னர் அந்த நாட்டில், பாகிஸ்தான் இராணுவப் படைகளுடன் சேர்ந்து அவர்களுக்காக வெகுஜனப் படுகொலைகளில் ஈடுபட்டவர்கள்மீது வழக்கு நடத்தி தண்டனை வழங்கப்பட்டது - மற்றும் முறையான சட்ட நடவடிக்கைகள் மேற்கொள்ளப்பட்டு பலருக்கு தூக்குத் தண்டனைகூட வழங்கப்பட்டது - எந்தக் கேள்விகளும் கேட்கப்படவில்லை.இவை அனைத்திலும் ஸ்ரீலங்கா மற்றும் ஸ்ரீலங்காவாசிகள் கற்றுக்கொள்ள வேண்டிய ஒன்றுக்கு மேற்பட்ட பாடங்கள் உள்ளன. பங்களாதேஷ் கிழக்குப் பாகிஸ்தானாக இருந்தபோது அங்கு கொல்லப்பட்ட பதினாயிரக்கணக்கான அப்பாவி மக்களுக்கு நீதி நியாயம் வழங்குவதற்காக பங்களாதேஷ் மேற்கொண்ட நடவடிக்கைகளை எதிர்ப்பவர்கள்கூட  அவர்கள் அப்பாவிகள் அந்தக் குற்றங்களை அவர்கள் செய்யவில்லை என்று பங்களாதேஷின் நீதித்துறையை கண்டனம் செய்தார்கள்.        (மேலும்)  21.04.2018

_______________________________________________________________________

தாமரைச் செல்வி- தனித்துவமான படைப்பாளி';

'வன்னியாச்சி'     சிறுகதைத் தொகுதி பற்றிய விமர்சனக் கட்டுரை-

Rajeswary Balasubramaniam

(2)

சட்டென்று சரியும் சரித்திரத் தடயங்கள்:

இதற்கு உதாரணம். இவரது படைப்பின் பெயரான,'வன்னியாச்சி' என்ற சிறுகதை. அந்thamaraiதக் கிராமத்திலேயே வயதுபோன,எண்பத்திரண்டு வயது மூதாட்டியைச் சுற்றிப் படைத்திருக்கும் கதை ஓவியம் இந்தக் கதை. அவளின் அப்பாவின் அழகிய 'நாச்சியாராக' வலம் வந்து அறுபது ஆண்டுகளுக்கு முன்  முன்,சரசாலையிலிருந்து வந்து தன்னை மணமுடித்து, அவ்விடத்து இயற்கை வனப்புகளுடன் இணைந்து திரிந்து.காதலைத் தந்த கணவன்,சட்டென்று பாய்ந்து வந்த 'இந்தியனின்' குண்டுக்குப் பலியான துயரத்தை நினைத்துப் பெருமூச்சு விடுகிறாள்.   கிழவியின் இளவயது நினைவுகள் மூலம்.படைப்பாளி எங்களையும் இழுத்துக் கொண்டு,மாங்குளத்திலிருந்து துணக்காய் போகும் வழியில் இருக்கும் அழகிய கிராமத்துக்கு அழைத்துச் செல்கிறார்.மூதாட்டியின் நினைவலைகளில் தத்தளிக்கும் கிராமத்தின் பழைய சரித்திரத்தின் மூலம் ஒரு வரலாற்றை எங்கள் முன் விரிக்கிறார் iவாகசி விசாகத்தில் நடக்கும் பொங்கலை நினைத்து ஆதங்கப் படுகிறாள்.       (மேலும்)  21.04.2018

_______________________________________________________________________

நான் அன்று கூறியது இன்று உண்மையாகிறது - மகிந்த

தேசிய அரசாங்கத்தின் அமைச்சர் பதவிகளை துறந்த ஸ்ரீலங்கா சுதந்திர கட்சியை சேர்ந்த 16 பேரும் தமக்கு நம்பிக்கையானவர்கள் என நாடாளுமன்ற உறுப்பினர் மகிந்த ராஜபக்ச தெரிMahinda Rவித்துள்ளார்.இன்று முற்பகல் கண்டி ஸ்ரீதலதா மாளிகையில் வழிபாடுகளை மேற்கொண்ட அவரிடம் ஊடகவியலாளர் எழுப்பிய கேள்விக்கு பதிலளிக்கையிலேயே அவர் இந்த கருத்தினை வெளியிட்டார். தேசிய அரசாங்கம் அமைக்கப்பட்டு 3 மாதங்களிலேயே பசு மாடும், எருமை மாடும் இணைந்து வண்டியினை இழுக்க முடியாது என கூறியிருந்தேன். அதேபோலவே, தற்போது தேசிய அரசாங்கத்தில் இருந்து பலர் வெளியேறுகின்றனர்.இன்னும் 20 இற்கும் மேற்பட்டவர்கள் அரசாங்கத்தில் இருந்து வெளியேறவுள்ளதாக தெரிவிக்கப்படுகின்றது.ஏற்கனவே வெளியேறிய 16 பேரும் தமக்கு மிகவும் நம்பிக்கையானவர்கள் எனவும், ஜனாதிபதி தேர்தலின் போது தம்முடன் இணைந்து பணியாற்றியவர்கள் எனவும் மகிந்த ராஜபக்ச குறிப்பிட்டார்.

_______________________________________________________________________

 மதவெறி கொன்ற காஷ்மீர் ரோஜா

- பிறவ்ஸ்

இந்திய தேசிய உணர்வை பாரத மாதா என இந்து மத உணர்வுடன் சுருக்கிப் பார்ப்பதை சிறுபான்மை சமூகங்கள் அங்கீகரிக்கவில்லை. வந்தே மாதரம் பாடல் வரிகள் மத அடிப்படைashifaயில் இருப்பதால் அதை தேசியக் கீதமாக கொள்ளமுடியாதென, தேசிய கீதத்தை எழுதிய கவிஞர் ரவீந்திரநாத் தாகூர் மேற்கு வங்க காங்கிரஸ் தலைவருக்கு கடிதம் எழுதினார்.தாகூரின் கருத்துகளை ஏற்றுக்கொண்ட வங்க காங்கிரஸ், வந்தே மாதரத்திலுள்ள மத அடிப்படையிலான கருத்துகளை நீக்கியது. இதை ராஷ்டிரிய சுயம்சேவாக் சங்கம் (ஆர்.எஸ்.எஸ்.) ஏற்றுக்கொள்ளவில்லை. அவர்கள் இந்தியாவை இந்து கொள்கையுடன் ஒப்பிட்டுப் பார்க்கவே விரும்பினர். இதன் பின்னர்தான், 1923இல் இந்துத்துவ கோட்பாடு உருவாக்கப்பட்டது.இந்தியா இந்துக்களுக்கு சொந்தமானது என்றும், வந்தேறு குடிகளான கிறிஸ்தவர்கள், முஸ்லிம்கள் இந்தியர்கள் அல்லர் என்ற கொள்கை வலுத்தது. இந்துஸ்தான் என்பது புனிதமான தெய்வத்தின் மகள் என்று கருதினார்கள்.          (மேலும்)  21.04.2018

_______________________________________________________________________

ஹொரணை இறப்பர் தொழிற்சாலையை மூடுவதற்கு தீர்மானம்

சூழலுக்கு பாதிப்பை ஏற்படுத்தும் வகையில் நடத்திச் செல்லப்பட்டதாக தெரிவித்து ஹெரணை – பெல்லபிட்டிய இறப்பர் தொழிற்சாலையை மூடப்பட்டுள்ளது. மேல் மாகாண முதலமைச்சர் இசுரு தேவப்பிரிய இதனைத் தெரிவித்தார்.  மேற்கொள்ளப்பட்ட சுற்றுச் சூழல் ஆய்வினை அடுத்து இந்த நடவடிக்கை மேற்கொள்ளப்பட்டுள்ளதாகவும் அவர் குறிப்பிட்டார்.இதனிடையே, கைது செய்யப்பட்ட ஹொரணை – பெல்லபிட்டிய பிரதேசத்தின் இறப்பர் உற்பத்தி தொழிற்சாலையின் முகாமையாளர் எதிர்வரும் 25 ஆம் திகதி வரையில் விளக்கமறியலில் வைக்கப்பட்டுள்ளார். அவர் இன்றைய தினம் ஹொரணை நீதவான் நீதிமன்றில் முன்னிலை செய்யப்பட்டபோது இந்த உத்தரவு பிறப்பிக்கப்பட்டது.  நேற்றைய தினம் குறித்த இறப்பர் உற்பத்தி தொழிற்சாலையில் ஏற்பட்ட விஷவாய்வு கசிவு காரணமாக 5 பேர் பலியாகினர்.இந்தநிலையில் அந்த தொழிற்சாலைக்கு தேவையான பாதுகாப்பு நடைமுறைகள் மேற்கொள்ளப்பட்டிருக்கவில்லை மற்றும் முறையற்றவிதத்தில் செயற்பட்டமை போன்ற குற்றச்சாட்டுகளின் அடிப்படையில் முகாமையாளர் நேற்று மாலை செய்துசெய்யப்பட்டார் என்பது குறிப்பிடத்தக்கது.

_______________________________________________________________________

அர்ஜுன மஹேந்திரனுக்கு எதிராக சர்வதேச பொலிஸார் சிவப்பு அறிவித்தல்

முன்னாள் மத்திய வங்கியின் ஆளுநர் அர்ஜுன மஹேந்திரனை கைது செய்வதற்காக சர்வதேச பொலிஸார் சிவப்பு அறிவித்தல் விடுத்துள்ளனர். அர்ஜுன மஹேந்திரனை குற்றப் புலனாய்வுத் திணைக்களத்தில் ஆஜராகி வாக்குமூலம் வழங்குமாறு உத்தரவிடப்பட்டிருந்த போதிலும், அவர் நீதிமன்றத்தில் ஆஜராகாமையின் காரணமாக அவருக்கு எதிராக நீதிமன்றம் பிடியாணை உத்தரவு பிறப்பித்துள்ளது.  அர்ஜுன மஹேந்திரனுக்கு எதிராக கொழும்பு கோட்டை நீதவான் நீதிமன்றம் இரண்டு தடவைகள் பிடியாணை உத்தரவு பிறப்பித்திருந்தது.எவ்வாறாயினும் இதுவரை கைது செய்யப்படாத அவரை கைது செய்வதற்காக சர்வதேச பொலிஸார் சிவப்பு அறிவித்தல் விடுத்துள்ளதாக பொலிஸ் ஊடகப் பேச்சாளர் அலுவலகம் கூறியுள்ளது.

_______________________________________________________________________

பணியாற்றிய வங்கியில் 2 கோடி ரூபா மோசடி செய்த பெண் கணக்காளர்

பண மோசடியில் ஈடுபட்ட வங்கி ஒன்றில் கணக்காளராக பணியாற்றிய பெண் ஒருவர் கேகாலை பிரதேசத்தில் வைத்து கைது செய்யப்பட்டுள்ளார்.    கம்பஹா பிரதேசத்தில் உள்ள வங்கி ஒன்றில் கணக்காளராக பணியாற்றிய குறித்த பெண் அதே வங்கியில் சுமார் 20 மில்லியன் ரூபா நிதி மோசடியில் ஈடுபட்டுள்ளதாக பொலிஸ் ஊடகப் பிரிவு கூறியுள்ளது. வங்கியால் செய்யப்பட்ட முறைப்பாட்டின் படி சந்தேகநபரான பெண் குற்றப் புலனாய்வு திணைக்கள அதிகாரிகளால் நேற்று கைது செய்யப்பட்டுள்ளார்.சந்தேகநபரான பெண் டுபாயில் இருந்து இலங்கை திரும்பிய போது கட்டுநாயக்க விமான நிலையத்தில் வைத்து குடிவரவு மற்றும் குடியகல்வு அதிகாரிகளால் கடந்த 18ம் திகதி கைது செய்யப்பட்ட போதிலும் அங்கிருந்து தப்பிச் சென்றுள்ளார்.       (மேலும்)  21.04.2018

_______________________________________________________________________

அடிநிலை மக்களின்  கல்விக்காக.........

 அமெரிக்கா  கார்லோனியாவிலும் வடமராட்சி கரவெட்டியிலும் தோன்றிய விடிவெள்ளிகள்

                                                                               முருகபூபதி

இமைகள் கண்களுக்கு பாதுகாப்பானது. ஆனால், கண்களுக்குத்தெரிவதில்லை. இமைகளைப்பார்க்க கண்ணாடிதான் தேவை.Mary Mcleod Bethune

அதுபோன்று நாமறியாத பல  அரிய பக்கங்களை தெரிந்துகொள்வதற்கு யாராவது எழுதிவைத்துச்சென்ற பதிவுகள்தான் உதவுகின்றன. அதனால் அந்தப்பதிவாளர்கள் காலத்தின் கண்ணாடியாகத்திகழுகிறார்கள்.  நான் வசிக்கும் மெல்பனில் ஒரு வாசகர் வட்டம் இயங்குகிறது. இரண்டு மாதங்களுக்கு ஒரு தடவை வாசகர் வட்டத்தின் சந்திப்பு கலை, இலக்கிய சுவைஞர்களின்  இல்லத்தில் நடக்கும். இந்தச் சந்திப்பை ஒழுங்கு செய்பவர் திருமதி சாந்தி சிவக்குமார். இவர் தமிழ்நாட்டிலிருந்து அவுஸ்திரேலியா மெல்பன் வந்து, தனது குடும்பத்தினருடன்  இருபது வருடங்களுக்கும் மேலாக வசிக்கிறார். கலை, இலக்கிய ஆர்வலர்.    குறிப்பிட்ட மெல்பன் வாசகர் வட்டத்தில் ஒருநாள், ஜெயகாந்தன் மறுவாசிப்பு அரங்கு நடந்தது. அந்த  நிகழ்ச்சி முடியும்வேளையில், சாந்தி, வருகை தந்திருந்தவர்களிடம்  "உனக்குப்படிக்கத்தெரியாது"  என்ற தமிழகத்தின் வாசல் பதிப்பகம் வெளியிட்ட கமலாலயன் எழுதிய நூலைத்தந்து, "இதனைத்தான்  அடுத்த வாசகர் வட்டத்தில் கலந்துரையாடவிருக்கிறோம்." என்றார்.              (மேலும்)  20.04.2018

_______________________________________________________________________

மே மாதம் 07ம் திகதி விடுமுறை தினமாக அறிவிப்பு

2018 மே மாதம் 01ம் திகதிக்கான அரச மற்றும் வங்கி விடுமுறை இரத்து செய்யப்பட்டு அதற்கு மாற்றீடாக மே மாதம் 07ம் திகதி அரச மற்றும் வங்கி விடுமுறை தினமாக பிரகடனப்படுத்தப்பட்டுள்ளது என்று அரசாங்கம் அறிவித்துள்ளது. அரசாங்க தகவல் திணைக்களம் வௌியிட்டுள்ள அறிக்கையில் இந்த விடயம் கூறப்பட்டுள்ளது.   எதிர்வரும் 26ம் திகதி முதல் மே மாதம் 02ம் திகதி வரை வெசாக் வாரமாக அறிவிக்கப்பட்டுள்ளதால், மே மாதம் 01ம் திகதியில் அனுஷ்டிக்கப்படுகின்ற உலக தொழிலாளர் தினம், இலங்கையில் மே மாதம் 07ம் திகதிக்கு மாற்றப்பட்டுள்ளது. அதன்படி மே மாதம் 01ம் திகதி உலக தொழிலாளர் தினத்தில் வழங்கப்படுகின்ற அரச மற்றும் வங்கி விடுமுறை மே மாதம் 07ம் திகதி வழங்கப்படுவதாக அந்த அறிக்கையில் கூறப்பட்டுள்ளது.   இதன் காரணமாக அனைத்து தொழில் தருனர்களும் தமது தொழிலாளர்களுக்கு 1971ம் ஆண்டு 29ம் இலக்க சட்டத்தின் கீழ் மே மாதம் 07ம் திகதி சம்பளத்துடனான விடுமுறை வழங்க வேண்டும் என்று கூறப்பட்டுள்ளது.அதேநேரம் அன்றைய தினம் வர்த்தக விடுமுறை தினமாகவும் அறிவிக்கப்பட்டுள்ளது.

_______________________________________________________________________

கலை வெளிப்பாட்டின் வழியே சுதந்திரத்துக்கானதொரு கூவல்

பூவுலகைக் கற்றலும் கேட்டலும் (அவுஸ்திரேலிய ஆதிக்குடிகளின் கவிதைகள்)

கருணாகரன்

அவுஸ்திரேலிய ஆதிக்குடிகளின் கவிதைகளைத் தமிழில் மொழி பெயர்த்து, இன்னொரு வாசலைத் திறந்திருக்கிறார் ஆழியாள். இந்த வாசலின் வழியாக நாம் காண நேர்கிற உலகம் கவனிbook2த்துப் புரிந்து கொள்ள வேண்டிய ஒன்று. அவுஸ்திரேலியாவைப் பற்றிய பொதுப் புரிதலுக்கு அப்பால், அதன்  உள்ளாழத்தில் கொதித்துக்கொண்டிருக்கும் அந்த நிலத்திற்குரிய ஆதிக்குடிகளின் வரலாற்று அவலத்தையும் ஆவேசத்தையும் வெளிப்படுத்திக் காட்ட வேணும் என்பது ஆழியாளின் நோக்காகும். இதற்குக் காரணங்களிருக்கலாம். ஆழியாள் ஒடுக்கப்பட்ட சமூகமொன்றின் பிரதிநிதியாக இலங்கையில் இன ரீதியான புறக்கணிப்பு, அடையாள நெருக்கடிகள், ஒடுக்குமுறை போன்றவற்றின் அனுபவங்களைச் சந்தித்தவர். இதனால், புலம்பெயர்ந்த தேசத்திலும் அந்த நிலத்துக்குரிய ஆதிக்குடிகள், ஆளும்தரப்பினால் புறக்கணிப்புக்கும் ஒடுக்குதலுக்கும் உள்ளாவது அவரிடம் இயல்பாகவே முதல் கவனிப்பைப் பெறக் காரணமாகியிருக்கிறது. இது ஒடுக்கப்படுவோரிடையே காணப்படும் அல்லது உருவாகும் ஒருமித்த உணர்வின் வெளிப்பாடாகும். இதை ஆழ்ந்து நோக்கினால், இதற்கு அடியில் ஒரு வகையான கூட்டுணர்வு இழையோடியுள்ளமை புலப்படும்.       (மேலும்)  20.04.2018

_______________________________________________________________________

காஸ்ட்ரோவின் கம்யூனிஸம் சரியுமா?

ஏறத்தாழ 60 ஆண்டுகளுக்குப் பிறகு கியூபாவில் காஸ்ட்ரோக்களின் சகாப்தம் முடிவுகcastro்கு வந்திருக்கிறது.
கம்யூனிசப் புரட்சியின் நாயகன் ஃபிடல் காஸ்ட்ரோவின் சகோதரர் ரவுல் காஸ்ட்ரோ, முதல் முறையாக காஸ்ட்ரோ குடும்பத்தைச் சாராத மிகயேல் டியேஸ்-கனேலிடம் நாட்டின் தலைமைப் பொறுப்பை கைமாற்றியுள்ளார். உலக ஜனநாயகம் - முதலாளித்துவத்தின் விடிவெள்ளியாக தம்மைக் காட்டிக் கொள்ளும் அமெரிக்காவுக்கு மிக மிக நெருக்கத்தில், 1959-ஆம் ஆண்டு முதல் கம்யூனிஸத்தை எஃகுக் கோட்டையைப் போல் கட்டிக் காத்து வந்த ஃபிடல் காஸ்ட்ரோவின் மறைவுக்குப் பிறகும், கம்யூனிசப் புரட்சியின்போது ஃபிடலுடன் தோளொடு தோள் நின்றுப் போரிட்ட அவரது சகோதரர் ரவுல் காஸ்ட்ரோவின் ஓய்வுக்குப் பிறகும், கியூபா தற்போதுதான் முதல்முறையாக முற்றிலும் புதியவர் ஒருவரின் கைகளுக்கு வந்துள்ளது.        (மேலும்)  20.04.2018

_______________________________________________________________________

ஹொரணை இறப்பர் தொழிற்சாலையில் பாரிய அனர்த்தம்; 05 பேர் பலி - பல பேர் காயம்

ஹொரணை, பெல்லப்பிட்டிய பிரதேசத்தில் உள்ள இறப்பர் தொழிற்சாலையில் ஏற்பட்ட திடீர் அனர்த்தத்தில் ஐந்து பேர் உயிரிழந்துள்ளதுடன், மேலும் பலர் பாதிப்படைந்துள்ளதாக பொலிஸார் தெரிவித்தனர். அந்த தொழிற்சாலையில் உள்ள அமோனியா அமிலம் அடங்கிய குழியை சுத்தம் செய்வதற்காக சென்ற ஊழியர் ஒருவர் அந்தக் குழிக்குள் விழுந்துள்ளார்.  இதனையடுத்து அவரை காப்பாற்றுவதற்காக சென்ற பிரதேச மக்கள் சிலர் நச்சு வாயுவை சுவாசித்துள்ளதால் பாதிப்படைந்துள்ளதுடன், பாதிப்படைந்த 16 பேர் வைத்தியசாலையில் அனுமதிக்கப்பட்டுள்ளனர்.வைத்தியசாலையில் அனுமதிக்கப்பட்ட பின்னர் தொழிற்சாலையின் ஊழியரும் பிரதேசவாசிகள் நான்கு பேரும் உயிரிழந்துள்ளனர்.ஏனையவர்கள் ஹொரணை வைத்தியசாலையில் தொடர்ந்தும் சிகிச்சை பெற்று வருவதாக பொலிஸார் தெரிவித்துள்ளனர்.இந்த சம்பவம் இன்று மதியம் 01.20 மணயளவில் இந்த சம்பவம் இடம்பெற்றுள்ளது.

_______________________________________________________________________

ஓய்வு பெற்றார் கியூபா அதிபர் ரவுல் காஸ்ட்ரோ: புதிய அதிபர் மிகயேல் டியேஸ்-கனேல்

புதிய அதிபர் மிகயேல் டியேஸ்-கனேலுடன், ஓய்வு பெறும் ரவுல் காஸ்ட்ரோ.

கியூபா அதிபர் பதவியிலிருந்து ரவுல் காஸ்ட்ரோ வியாழக்கிழமை ஓய்வு பெற்றார். அவருக்குப் பதிலாக, துணை அதிபர் மிகயேல் டியேஸ்-கனேல் புதிய அதிபராக நியமிக்கப்பட்டுள்ளார். இதன் மூலcubaம், கியூபாவில் கடந்த 59 ஆண்டுகளாக நீடித்து வந்த கேஸ்ட்ரோ குடும்பத்தினரின் சகாப்தம் முடிவுக்கு வந்துள்ளது.    இதுகுறித்து தகவல்கள் தெரிவிப்பதாவது:கியூபாவில் கம்யூனிஸ்ட் புரட்சியை ஏற்படுத்திய ஃபிடல் காஸ்ட்ரோ, கடந்த 1959-ஆம் ஆண்டு முதல் அந்த நாட்டின் தலைமைப் பொறுப்பை வகித்து வந்தார்.இந்த நிலையில், உடல் நலக் குறைவு காரணமாக பொறுப்பிலிருந்து விலகிய ஃபிடல், கடந்த 2006-ஆம் ஆண்டிலிருந்து தனது சகோதரரும், புரட்சியின்போது உடன் போராடியவருமான ரவுல் காஸ்ட்ரோவை அந்தப் பதவிக்கு அமர்த்தினார்.        (மேலும்)  20.04.2018

_______________________________________________________________________

வட்சாப் குழுவால் பரப்பப்பட்ட சிறுவர் துஸ்பிரயோக காணொளிகள்

வட்சாப் குழு ஒன்றின் மூலம் இலங்கை உள்ளிட்ட நாடுகளைச் சேர்ந்தவர்களுக்கு சிறுவர் துஸ்பிரயோக காணொளிகளை பரப்பி வந்த குற்றச்சாட்டில் மேலும் மூன்று பேர் இந்தியாவின் மத்திய பிரதேசில் கைதாகியுள்ளனர்.இந்திய ஊடகங்கள் இதனைத் தெரிவிக்கின்றன.இலங்கை உள்ளிட்ட 28 நாடுகளைச் சேர்ந்தவர்களால் நடத்தப்பட்டு வந்த இந்த வட்சாப் குழு அண்மையில் கண்டுபிடிக்கப்பட்டு அதன் பிரதானி கைது செய்யப்பட்டார்.அதனைத் தொடர்ந்து அந்த குழுவில் இணைந்திருந்த பலரும் கைதாகி வருகின்றனர். இதில் பல இலங்கையர்களும் இணைந்திருந்த நிலையில், இலங்கை காவற்துறையினரின் ஒத்துழைப்புடன் அவர்கள் குறித்தும் விசாரணை நடத்த இந்தியாவின் மத்தியப்பிரதேஸ் காவற்துறையினர் தீர்மானித்துள்ளதாக தெரிவிக்கப்படுகிறது.

_______________________________________________________________________

 அராஜகத்தின் விளிம்பில் நாடு

எம்.எஸ்.எம். ஐயூப் /

தமிழ் - சிங்களப் புத்தாண்டு நிகழ்ச்சிகளும் பொதுநலவாய அமைப்பு நாடுகளின் உச்mrmசி மாநாட்டுக்கான ஜனாதிபதி மைத்திரிபால சிறிசேனவின் பிரித்தானிய விஜயமும், இலங்கை அரசியலில் நிலவும் சிக்கல் நிறைந்த நிலைமையை, சில நாட்களுக்கு வெகுவாக மூடி மறைத்து விட்டன.     ஆனால், புத்தாண்டு விடுமுறைக்குப் பின்னர், ஒன்றிணைந்த எதிரணியின் நாடாளுமன்ற உறுப்பினர் மஹிந்தானந்த அளுத்கமகே, கைது செய்யப்பட்டதுடன் அரசியல் கட்சிகளுக்கு இடையிலான முறுகல் நிலை, மீண்டும் களத்துக்கு வந்து விட்டது.  புத்தாண்டு விடுமுறைக்கு முன்னர், ஜனாதிபதி மைத்திரிபால சிறிசேன நாடாளுமன்றத்தின் கூட்டத் தொடரை ஒத்தி வைத்ததன் மூலம், நாட்டின் அரசியல் நெருக்கடியை உச்சக் கட்டத்துக்குக் கொண்டு வந்து இருந்தார். அத்தோடு அவர், பிரித்தானியாவுக்குப் புறப்பட்டுச் சென்றார்.          (மேலும்)  19.04.2018

_______________________________________________________________________

 பான்பராக்

. நடேசன்

நருக் சக்கரபோத்தியா தனது சிவப்பு பொமரேனியன் நாயுடன் எதுவித முன்னறிவித்தலும் இல்லாது எமது மிருகவைத்தியக் கிளினிக்கிற்கு வந்திறங்குவார். குழந்தையைத் தூக்கி வருவதுபோல Panparagகாவியபடி வந்து தனது நாயின் பிரச்சினையை சொல்வார். பெரும்பாலும் மதிய வேளைகளில் நான் இல்லாதபோது வந்து தெள்ளு மற்றும் புழுவுக்கான மருந்துகள் பெறுவார். பலவருடங்களாக அறிமுகமானவர்.கல்கத்தாவில் பிறந்து வளர்ந்து மெல்பேனில் வசிக்கிறார்.சில காலத்துக்கு முன்பாக இளைப்பாறிவர். அறுபத்தைந்து வயதிற்கு மேற்பட்டவர் என நினைக்கிறேன்.   மூச்சுத்திணறும் குழந்தையை அவசரமாகத் தூக்கியபடி இந்திய அரசாங்க வைத்தியசாலையின் நீண்ட கொரிடோரில் ஓடிவரும் அம்மாவின் பிம்பத்தை அவரில் பார்க்கமுடியும். ஆனால், அப்படி பெரிய பிரச்சினைகளைக் கொண்டதாக அவரது நாய் இராது. இதுவரை காலமும் அந்த நாய் நடந்து வந்து எமது கிளினிக் உள்ளே பிரவேசித்ததில்லை. அதன் எஜமானர் உயரத்திலும் குறைந்தவர். மெலிந்த தோற்றம் உடையவர்.        (மேலும்)  19.04.2018

_______________________________________________________________________

எதிர்க்கட்சித் தலைவர் பதவியில் இருந்து சம்பந்தன் விலக வேண்டும் - மனோ

எதிர்கட்சித் தலைவர் பதவியில் இருந்து இரா.சம்பந்தன் விலக வேண்டும் என்ற வலியmanoுறுத்தல் தமிழ் தரப்பில் இருந்து அதிகரித்து வருகின்றன. தமிழ் மக்களுக்காக அரசாங்கத்தில் இருந்து எதனையும் பெற்றுக் கொள்ள முடியாத நிலை தொடர்ந்தால், இரா.சம்பந்தன் எதிர்கட்சித் தலைவர் பதவியில் நீடிப்பதில் அர்த்தமில்லை என்று அமைச்சர் மனோகணேசன் நேற்று தமது டுவிட்டர் தளத்தில் பதிவிட்டிருந்தார்.  இந்த கருத்தை தமிழ் தேசிய கூட்டமைப்பில் இருந்து விலகிச் சென்ற ஈழ மக்கள் புரட்சிகர விடுதலை முன்னணியின் தலைவர் முன்னாள் நாடாளுமன்ற உறுப்பினர் சுரேஷ் பிரேமசந்திரன் ஆமோதித்துள்ளார்.யாழ்ப்பாணத்தில் நடைபெற்ற செய்தியாளர் சந்திப்பு ஒன்றில் உரையாற்றிய சுரேஷ் பிரேமசந்திரன், இரா.சம்பந்தன் எதிர்கட்சித் தலைவர் பதவியில் இருந்து விலகுவதே அரசாங்கத்துக்கு மிகப்பெரிய அழுத்தமாக அமையும் என்று குறிப்பிட்டுள்ளார்.

_______________________________________________________________________

மேலதிக வகுப்புக்களுக்கு வற்புறுத்தும் ஆசிரியர்கள்  மீது கடுமையான  நடவடிக்கை

தாம் நடத்தும் மேலதிக வகுப்புகளுக்கு கட்டாயம் வருமாறு வற்புறுத்தி பாடசாலை மாணவர்களுக்கும், பெற்றோர்கும் அழுத்தம் கொடுக்கும் ஆசிரியர்களுக்கு எதிராகக் கடுமையான ஒழுக்கtution centerாற்று நடவடிக்கை எடுக்குமாறு கல்வி அமைச்சர் அகிலவிராஜ் காரியவசம் அதிகாரிகளுக்கு ஆலோசனை வழங்கியுள்ளார்.     விசேடமாக தரம் 5 மாணவர்களை இலக்காக கொண்டு நடத்தப்படுகின்ற மேலதிக வகுப்புகளுக்கு பிள்ளைகளை இணைத்துக்கொள்வதற்காக சில ஆசிரியர்கள் அழுத்தம் கொடுப்பது தொடர்பில் சில பெற்றோர் தன்னிடம் தனிப்பட்ட ரீதியில் முறையிட்டுள்ளதாக கல்வி அமைச்சர் அகிலவிராஜ் காரியவசம் கூறியுள்ளார்.இந்த நிலமையை உடனடியாக தடுத்து நிறுத்த நடவடிக்கை எடுக்குமாறு அமைச்சர் ஆலோசனை வழங்கியுள்ளார்.         (மேலும்)  19.04.2018

_______________________________________________________________________

தாமரைச் செல்வி- தனித்தவமான படைப்பாளி';

'வன்னியாச்சி'     சிறுகதைத் தொகுதி பற்றிய விமர்சனக் கட்டுரை-

Rajeswary Balasubramaniam

(1)
திருமதி தாமரைச் செல்வி அவர்களின் சிறுகதைகளைப் படித்து விமர்சனம் செய்யச் சொல்லிக் கேட்டதற்கு மிகவும் நன்றி.vanniyarachi    

'இலக்கியப் படைப்பு என்பது ஒரு படைப்பாளி வாழும் சுற்றாடல்,சூழ்நிலைகளின் நிலைகளையும்,படைப்பாளியுடன் ஒன்றிணைந்து வாழும் மனிதர்களையுப்; பற்றியதுமாகும். அந்தப் படைப்பாளி வாழும் காலகட்டத்தில் முன்னெடுக்கப் படும்;,அரசியல், பொருளாதார, சாதி,சமய விழுமியங்களால் நடக்கும் மாற்றங்கள் என்னவென்பது அந்தக் கதா மனிதர்களின் வாழ்க்கையுடன் எப்படிச் சம்பந்தப்படுகின்றன.அவர்களின் வாழ்க்கையை மாற்றியமைக்கின்றன,என்ற யதார்த்த சாட்சியங்களின் பிரதிபலிப்பே ஒரு படைப்பின் கருவூலங்களாகின்றன' என்பது எனது கருத்து..இதே மாதிரியான கருத்தையே,தாமரைச்செல்வி தனது, 'என்னுரையிற்' குறிப்பிடும் போது,'சொந்த மண்ணிலேயே,இருப்பிடம் இழந்து அகதிகளாகிக் குண்டுகளின் அதிர்வும் கந்தக நெடியும்,ஒரு புறம் துரத்த, உயிருக்கு உத்தரவாதமற்ற நிலையில்,பதற்றத்தோடும் பசி பட்டினியோடும் பதுங்கு குழிகளின் பக்கத் துணையோடும்,வாழ்ந்திருந்தவர்கள்.       (மேலும்)  19.04.2018